TGSRTC To Recruit 3038 posts : తెలంగాణ ఆర్టీసీ సంస్థలో 3,038 ఉద్యోగాలను త్వరలో భర్తీ చేయనున్నట్లు సంస్థ వైస్‌ ఛైర్మన్, ఎండీ సజ్జనార్ వెల్లడించారు. ఇందుకు ప్రభుత్వం నుంచి అనుమతి కూడా వచ్చిందని, ఈ ఉద్యోగాల భర్తీ అనంతరం కార్మికులు, ఉద్యోగులపై పని భారం తగ్గుతుందని ఆయన వివరించారు. సోమవారం అంబేడ్కర్‌ జయంతి సందర్భంగా ఆర్టీసీ ఆధ్వర్యంలో హైదరాబాద్‌ బాగ్‌లింగంపల్లిలోని ఆర్టీసీ కళాభవన్‌లో జరిగిన కార్యక్రమానికి సజ్జనార్ ముఖ్య అతిథిగా హాజరయ్యారు. అంబేడ్కర్‌ చిత్ర పటానికి నివాళులర్పించిన అనంతరం ఆయన మాట్లాడారు.
కొత్తగా భర్తీ చేసే పోస్టులకు ఎస్సీ వర్గీకరణ అమలు : కొత్తగా భర్తీ చేయనున్న పోస్టులకు ఎస్సీ వర్గీకరణ అమలు చేస్తామని సజ్జనార్ పేర్కొన్నారు. సంస్థలోని ఉద్యోగులు, సిబ్బంది సంక్షేమానికి యాజమాన్యం కట్టుబడి ఉందని ఆయన వివరించారు. కార్యక్రమంలో ఆర్టీసీ ఎగ్జిక్యూటివ్‌ డైరెక్టర్లు మునిశేఖర్, ఖుస్రోషా ఖాన్, ఉషాదేవి, రాజశేఖర్, వెంకన్న, జాయింట్‌ డైరెక్టర్లు నర్మద, రంగారెడ్డి జిల్లా రీజినల్‌ మేనేజర్‌ శ్రీలత, ఆర్టీసీ ఎస్సీ, ఎస్టీ సంక్షేమ సంఘం నేతలు పాల్గొన్నారు.
బస్సులో ప్రయాణిస్తున్న విద్యార్థికి గుండెనొప్పి - సకాలంలో స్పందించిన సిబ్బందికి సజ్జనార్ సన్మానం
