పోస్టాఫీస్​ బంపర్​ స్కీమ్​ - వార్షిక ప్రీమియం చెల్లిస్తే చాలు రూ.10 లక్షల ప్రమాద బీమా

సామూహిక ప్రమాద బీమా పథకానికి తపాలా శాఖ శ్రీకారం - వార్షిక ప్రీమియం చెల్లిండం ద్వారా రూ.10 లక్షల ప్రమాద బీమా వర్తింపు

Postal Dept Accident Insurance Scheme : అనుకోని ఘటన జరిగినప్పుడు హాస్పిటల్లో డబ్బులు ఖర్చు చేసి ఆర్థికంగా నష్టపోతాం. కొన్నిసార్లు పాక్షికంగా, లేదంటే తాత్కాలిక వైకల్యం కూడా ఏర్పడొచ్చు. ఇలాంటి పరిస్థితుల్లో వ్యక్తిగత బీమా (పర్సనల్​ ఇన్సూరెన్స్​) చాలా అండగా ఉంటుంది. ఇందుకు పోస్టల్​ డిపార్ట్​మెంట్ కొత్త పథకానికి శ్రీకారం చుట్టింది. సామూహిక ప్రమాద బీమాను ప్రారంభించింది. ఆయా సంస్థలు నిర్ణయించిన వార్షిక ప్రీమియం అమౌంట్​ను చెల్లిస్తే చాలు, రూ.10 లక్షల ప్రమాద బీమా వర్తిస్తుంది. కాగా ఇండియన్‌ పోస్టల్‌ పేమెంటు బ్యాంకు (ఐపీపీబీ) ద్వారా ప్రీమియాన్ని చెల్లించాల్సి ఉంటుంది.

పోస్టాఫీస్​ బంపర్​ స్కీమ్​ - వార్షిక ప్రీమియం చెల్లిస్తే చాలు రూ.10 లక్షల ప్రమాద బీమా (ETV Bharat GFX Team)

బీమా ఇలా :

• 18-65 ఏళ్ల మధ్య వయస్సు ఉన్నవారంతా ఈ వ్యక్తిగత బీమాకు (పర్సనల్​ ఇన్సూరెన్స్​కు) అర్హులు.
• ప్రమాదంలో మరణించినా లేదా శాశ్వత వైకల్యం ఏర్పడినా, అవయవం కోల్పోయినా, పక్షవాతం వచ్చినా రూ.10 లక్షలు చెల్లిస్తారు.
• యాక్సిడెంట్ జరిగి బీమా తీసుకున్న వ్యక్తి వైద్యం కోసం హాస్పిటల్​లో చేరితే ఐపీడీ (ఇన్‌ పేషెంట్‌ డిపార్ట్‌మెంటు) కింద రూ.లక్ష క్లెయిమ్ చేస్తారు.
• హాస్పిటల్​లో రోజువారీ నగదుగా 10 రోజుల వరకు నిత్యం రూ.వేయి చెల్లిస్తారు.
• విద్య ప్రయోజనానికి గరిష్ఠంగా ఇద్దరు పిల్లలకు రుసుములో 10 శాతం లేదా రూ.లక్ష వరకు ఎంచుకోవచ్చు.
• ఫ్యామిలీ ప్రయోజనాలకు రూ.25 వేలు, అంత్యక్రియలకు రూ.5 వేలను అందిస్తారు.

"ఆరోగ్యరీత్యా ప్రతి ఒక్కరికి ఇన్సూరెన్స్ అవసరం. తక్కువ మొత్తంలో చెల్లించి ఎక్కువ పరిహారం పొందేలా ఉన్నాయి. భవిష్యత్తులో ఆరోగ్య విషయమై పోస్టాపీసులో బీమా చేసుకోవాలి"- వెంకటేశ్వర్లు, తపాలా సూపరింటెండెంట్, సూర్యాపేట