Induction Stoves Distributed to Anganwadi Centres : రాష్ట్ర వ్యాప్తంగా ఉన్న 55 వేల అంగన్వాడీ కేంద్రాలకు ఇండక్షన్ స్టౌవ్స్ అందజేస్తున్నామని గిరిజన సంక్షేమ శాఖ మంత్రి గుమ్మడి సంధ్యారాణి తెలిపారు. ఈ మేరకు విజయవాడలో ఏర్పాటు చేసిన కార్యక్రమంలో ఆమె పాల్గొన్నారు. ఎంపీ కేశినేని చిన్ని, ఎమ్మెల్యే గద్దె రామ్మోహన్ ఆధ్వర్యంలో వాటిని అంగన్వాడీ కేంద్రాల్లో పని చేసే సిబ్బందికి అందజేశారు.
అంగన్వాడీ కేంద్రాల్లో గ్యాస్ సమస్య ఉందని, ఈ ఇండక్షన్ స్టౌవ్స్తో సమస్యను అధిగమించవచ్చని మంత్రి అన్నారు. అంగన్వాడీలకు గ్రాట్యుటీ ఇచ్చిందే చంద్రబాబు ప్రభుత్వం అని తెలిపారు. వారికి మెుదట రూ.2500 జీతం ఉండేదని ఆ తర్వాత 7 వేల చేసింది ముఖ్యమంత్రి నారా చంద్రబాబేనని అన్నారు.
"ముఖ్యమంత్రి నారా చంద్రబాబు నాయుడు ఆదేశాల మేరకు, రాష్ట్రంలో ఉన్న 55వేల అంగన్వాడి కేంద్రాలకు ఇండక్షన్ స్టవ్స్ ఇవ్వాలని నిశ్చయిచాం. మహిళా శిశు అభివృద్ధి మంత్రిత్వ శాఖ విభాగంలో అంగన్వాడి వర్కర్స్కోసం ఈ స్టవ్స్ అందజేశాం. వర్కర్స్కి గ్యాస్తో ఇబ్బంది తలెత్తుతోంది. దాన్ని దృష్టిలో ఉంచుకొని వీటిని ఇస్తున్నాం. ఒక్కో సెంటర్కి లక్ష రూపాయలు ఇస్తున్నాం. తాగు నీటి సమస్యలు, మూత్రశాలల సమస్యలు, నిర్మాణాలు పెండింగ్లో ఉన్నాయో వాటి కోసం త్వరలో నిధుల మంజూరు చేస్తాం. మినీ అంగన్వాడి సెంటర్లను అంగన్వాడీలుగా మార్చడం కోసం ముఖ్యమంత్రితో ఒప్పందం జరిగింది. అంగన్వాడీ మహిళలందరికి ఒక గుర్తింపు ఉండాలని గ్రాట్యుటీ ఇస్తున్నాం. కావున మహిళలు దాన్ని వినియోగించుకోవాలి. అంగన్వాడిలో తల్లీ, బిడ్డకి పౌష్ఠికరమైన భోజనం పెట్టడంలో కూటమి ప్రభుత్వం చక్కగా పని చేస్తోంది. అంగన్వాడీ జీతాలు 2500పెంచింది చంద్రబాబు ప్రభుత్వమే, 7000 చేసింది కూడా చంద్రబాబు ప్రభుత్వమే." -గుమ్మడి సంధ్యారాణి, గిరిజన సంక్షేమ శాఖ మంత్రి
ఈ కార్యక్రమంలో ఎంపీ కేశినేని చిన్ని మాట్లాడుతూ అంగన్వాడీ కేంద్రాలపై సోలార్ అమర్చేందుకు కేంద్రానికి లేఖ రాసినట్లు పేర్కొన్నారు. అతి తర్వలోనే ఈ కార్యక్రమం సైతం చేపడుతామన్నారు.
"అంగన్వాడీ కేంద్రాలకు సోలార్ సిస్టమ్స్ ఇవ్వాలని కేంద్రప్రభుత్వాన్ని కోరాం. లేఖ కూడా రాశాం పరిశీలన జరుగుతోంది. కొత్త అంగన్వాడీ కేంద్రాల్లో ప్రహారీ నిర్మాణం, కిచెన్, సోలార్ వ్యవస్థను ఏర్పాటు చేయాలన్న ఉద్దేశంతో రాష్ట్ర ప్రభుత్వం ఉంది." -కేశినేని చిన్ని, విజయవాడ ఎంపి
సొంత నిధులు వెచ్చించి అయినా అంగన్వాడీలను అభివృద్ధి చేస్తామని ఎమ్మెల్యే గద్దె రామ్మోహన్ అన్నారు.
"చక్కని ఆహ్లాదకరమైన వాతావరణంలో భవనం ఏర్పాటు చేయాలని కొన్ని నమూనాలు చూశాం. అంగన్వాడీ కేంద్రాన్ని ప్రత్యేకమైన నిర్మాణంతో ఏర్పాటు చేస్తే, తక్కువ ఖర్చుతో ఎక్కువ సదుపాయాలు వస్తాయి. అవసరమైతే వ్యక్తిగతంగానైనా సదుపాయాలు కల్పించడం కోసం కృషి చేస్తాం. పూర్తిగా అభివృద్ధి పరచి పిల్లలకు మంచి భవిష్యత్తు అందజేస్తాం." -గద్దె రామ్మోహన్, విజయవాడ తూర్పు నియోజకవర్గ ఎమ్మెల్యే
చుక్కలు చూపిస్తోన్న యాప్ - అంగన్‌వాడీల్లో తప్పని తిప్పలు
రంపచోడవరంలో అంగన్వాడీ పిల్లలకు ఎమ్మెల్యే పాఠాలు - MLA Shirisha Visit Anganwadi Center
