మ్యాట్రిమోనిలో అతివలకు వల - షాదీ.కామ్​లో నకిలీ డాక్టర్​ నయా మోసం

Matrimony Frauds in Telangana : ఏపీలోని కర్నూలు జిల్లా గడివేములకు చెందిన మద్దుగారి చంద్రకాంత్‌ చిన్నతనం నుంచే మోసాలు చేయడం వృత్తిగా చేసుకున్నాడు. ఏపీలోని విజయవాడ సమీపాన తాడేపల్లిలో ఉండేవాడు. ఆర్థిక సమస్యలు ఎక్కువ అవ్వడంతో మోసాలు చేయడం అలవాటు చేసుకున్నాడు. మ్యాట్రిమోని(Matrimony Cyber Fraud), వ్యాపారంలో పెట్టుబడులు, ఉద్యోగాల పేరుతో బాధితులకు ఆన్​లైన్​లో దగ్గర అవడం ప్రారంభించాడు. తాను నివసించే ప్రాంతంలో అందరికీ డాక్టర్‌నని నమ్మిస్తూ వారి వద్ద చిన్నా చితకా డబ్బు వసూలు చేసేవాడు. ఆ తర్వాత తన మోసాలను ఏపీ, తెలంగాణ, కర్ణాటక, తమిళనాడుకు విస్తరించాడు.

Cyber Crime Cases in Hyderabad : హైదరాబాద్, బెంగళూరు, చెన్నై, విశాఖపట్నం నగరాల్లో ఫార్మసీ ఏర్పాటు చేసేందుకు పెట్టుబడులు అవసరమని, ఉద్యోగాలు ఇప్పిస్తానంటూ ఆన్‌లైన్​లో వ్యక్తులను సంప్రదిస్తూ డబ్బు వసూలు చేసేవాడు. ఈ క్రమంలోనే 2021లో తెలంగాణలోని మంచిర్యాల జిల్లా రామక్రిష్ణాపూర్‌కు చెందిన నట్ట భవాణి అలియాస్‌ మద్దుగారి భవాణితో ఆన్‌లైన్‌లో పరిచయం ఏర్పడింది. ఈ పరిచయంతో భవాణి విజయవాడకు మకాం మార్చి ఇద్దరూ కలిసి మోసాలు మొదలుపెట్టారు. బ్యాంకు ఖాతాలు, పదుల సంఖ్యలో సిమ్‌కార్డులు సంపాదించారు. చంద్రకాంత్‌ 2023లో షాదీ.కామ్‌లో డాక్టర్, వ్యాపారవేత్త పేరుతో నకిలీ ప్రొఫైల్‌ సృష్టించాడు.

కాంగ్రెస్​ పేరుతో నకిలీ వెబ్‌సైట్‌, భారీగా నిధుల సేకరణ - రాజస్థాన్​లో నిందితుడి అరెస్ట్

Matrimonial Frauds Hyderabad : ఈ క్రమంలో హైదరాబాద్​కు చెందిన ఓ మహిళ చంద్రకాంత్(Online Cyber Crime in Telangana)​ ప్రొఫైల్ చూసి సంప్రదించింది. కొద్ది రోజుల పరిచయం తర్వాత ఏపీ, కర్ణాటక, తెలంగాణలో తాను ఆసుపత్రులు ఏర్పాటు చేయాలనుకుంటున్నానని చెప్పాడు. దీని కోసం ఆదాయపు పన్ను సమస్య కారణంగా బ్యాంక్​ ఖాతాల్లోని రూ.25 కోట్లు స్తంభించిపోయాయని నమ్మించాడు. ఇందుకు ఫోర్జరీ చేసిన ఎస్‌బీఐ ఏటీఎం స్లిప్పులు, బెల్లంపల్లిలో ఆసుపత్రి నిర్మాణంలో ఉందంటూ నకిలీ ఫొటోలు చూపించాడు.

అమెరికాలో ఉద్యోగం ఇప్పిస్తానని.. అందినకాడికి దోచేశాడు

Young Man Cheated Women Matrimony : ఆదాయపు పన్ను సమస్య పరిష్కారమవగానే డబ్బు పంపిస్తానని చెప్పి ఈలోపు నగదు పంపించమని చంద్రకాంత్​ నమ్మించాడు. అనంతరం బాధితురాలి నుంచి రూ.6 లక్షలు వసూలు చేశాడు. ఆమె తన స్నేహితుల దగ్గర అప్పు చేసి చంద్రకాంత్‌కు పంపించింది. అతని చేతిలోకి డబ్బు పడగానే అసలు రంగు బయటపడింది. తనకు కొవిడ్‌ వచ్చిందని, రోడ్డు ప్రమాదం అయిందని సాకులు చెబుతూ మొహం చాటేశాడు. బాధితురాలికి అనుమానమొచ్చి ఏటీఎం స్లిప్పులు తనిఖీ చేస్తే నకిలీవని తేలింది. దీంతో సైబరాబాద్‌ సైబర్‌క్రైమ్‌ పోలీస్‌స్టేషన్‌లో బాధితురాలు ఫిర్యాదు చేసింది. దర్యాప్తు చేసిన పోలీసులు చంద్రకాంత్, భవాణి ఇద్దర్నీ అరెస్ట్​ చేశారు. నిందితులిద్దరిపై గతంలో కేసులు ఉన్నాయని గుర్తించారు.

Married Woman Cheated Young Man : వివాహిత ఘరానా మోసం.. వధువుగా పరిచయమై.. ప్రేయసిగా దోచుకుని.. చివరకు..!

అమెరికాలో డాక్టర్‌నంటూ.. అందినకాడికి దోచేశాడు