'నీ అంతూ, నీ తండ్రి అంతూ చూస్తా' - మేయర్​ విజయలక్ష్మికి బెదిరింపులు

హైదరాబాద్​ మేయర్​ విజయలక్ష్మికి వేధింపులు - ఆమెతో పాటు తండ్రి అంతు చూస్తానంటూ ఫోన్​లో బెధిరింపులు - పీఆర్​వో ఫిర్యాదు మేరకు కేసు నమోదు చేసిన పోలీసులు

Hyderabad Mayor Vijayalakshmi Harassed Over Phone : జీహెచ్​ఎంసీ మేయర్​ గద్వాల విజయలక్ష్మికి ఫోన్ చేసి ఓ దుండగుడు వేధించాడు. అర్ధరాత్రి కాల్స్​ చేస్తూ బెదిరింపులకు పాల్పడ్డాడు. మేయర్​తో పాటు, ఆమె తండ్రి కేశవరావు అంతు చూస్తానంటూ వాయిస్​ మెసేజ్​లు పెట్టాడు. బోరబండలో ఇటీవల ఆత్మహత్యకు పాల్పడిన సర్దార్​కి చెందిన వ్యక్తిగా చెప్పుకొచ్చాడు. అసభ్యకరమైన పదజాలంతో బెదిరిస్తున్నాడంటూ మేయర్​ పీఆర్​వో పోలీసులకు ఫిర్యాదు చేశారు. కేసు నమోదు చేసుకున్న బంజారహిల్స్​ పోలీసులు దర్యాప్తు చేస్తున్నారు.