మీకొచ్చిన ఇంటర్​ మార్కులపై డౌటా? - రీకౌంటింగ్​, రీవెరిఫికేషన్​ కోసం ఇలా అప్లై చేసుకోండి!

- తెలంగాణలో విడుదలైన ఇంటర్​ ఫలితాలు - రీకౌంటింగ్​, రీవెరిఫికేషన్​కు వారం రోజులే గడువు

How to Apply for Recounting and Reverification of Inter in TG: తెలంగాణలో ఇంటర్ ఫలితాలు విడుదలయ్యాయి. ​ఫస్ట్ ఇయర్, సెకండ్ ఇయర్ ఫలితాలను ఏప్రిల్​ 22వ తేదీన ఉపముఖ్యమంత్రి భట్టి విక్రమార్క, పలువురు మంత్రులు విడుదల చేశారు. ఈ ఫలితాల్లో బాలికలు మరోసారి సత్తా చాటారు. ఇదిలా ఉంటే, తమకు వచ్చిన మార్కుల పట్ల సంతృప్తి చెందని స్టూడెంట్స్​ రీకౌంటింగ్​, రీ వెరిఫికేషన్​కు అప్లై చేసుకుంటారు. తాజాగా ఇందుకు సంబంధించిన నిబంధనలను తెలంగాణ ఇంటర్మీడియట్ బోర్డు ఖరారు చేసింది. ఆ వివరాలు ఇప్పుడు చూద్దాం.

ఇంటర్​లో ఫెయిల్​ అయిన వారికి అడ్వాన్స్‌డ్‌ సప్లిమెంటరీ పరీక్షలను మే 22 నుంచి నిర్వహిస్తామని ఇంటర్‌బోర్డు కార్యదర్శి కృష్ణ ఆదిత్య వెల్లడించారు. అలాగే ఈ నెల 23 నుంచి 30 వరకు ఆ పరీక్షలతోపాటు రీ కౌంటింగ్, రీ వెరిఫికేషన్‌కు ఇంటర్‌బోర్డు వెబ్‌సైట్‌లో ఫీజు చెల్లించి దరఖాస్తు చేసుకోవచ్చన్నారు. మరి వాటికి ఎలా అప్లై చేసుకోవాలో ఈ స్టోరీలో చూద్దాం.

రీ-కౌంటింగ్(Recounting)​ అంటే ఏమిటి: విద్యార్థులు తాము అనుకున్న మార్కుల కంటే తక్కువ వచ్చినట్లు భావిస్తే వారి మార్కులను తిరిగి కౌంట్​ చేయమనడానికి అప్లై చేసుకునే ప్రక్రియ. ఇక దీనికి అప్లై చేసుకోవాలనుకునేవారు ఏప్రిల్​ 23 నుంచి 30వ తేదీ వరకు ఆన్​లైన్​లో అప్లై చేసుకోవాలి. ఇంటర్ ఫస్ట్ ఇయర్ లేదా సెకండ్ ఇయర్‌కు సంబంధించి ఒక్కో పేపర్​ రీకౌంటింగ్ కోసం 100 రూపాయల ఫీజు చెల్లించాలి.

Recounting of Inter in TG (ETV Bharat)

ఎలా అప్లై చేసుకోవాలి:

• రీకౌంటింగ్​కు అప్లై చేసుకోవాలనుకున్న విద్యార్థులు తెలంగాణ ఇంటర్మీడియట్​ ఎడ్యుకేషన్​ అధికారిక వెబ్​సైట్​ https://tgbie.cgg.gov.in/ కు లాగిన్​ అవ్వాలి.
• ఆ తర్వాత స్క్రీన్​ మీద కనిపించే TGBIE Websiteపై క్లిక్​ చేయాలి. లేదంటే డైరెక్ట్​గా ఈ లింక్​ https://tgbie.cgg.gov.in/home.do ను ఓపెన్​ చేయవచ్చు.
• హోమ్​ పేజీలో Students Online Services ఆప్షన్​పై క్లిక్​ చేయాలి.
• అనంతరం Recounting of Marks ఆప్షన్​పై క్లిక్​ చేయాలి.
• స్క్రీన్​ మీద కనిపించే బాక్స్​లో హాల్​ టికెట్​ నంబర్ ఎంటర్​ చేసి Get Data ఆప్షన్​పై క్లిక్​ చేయాలి.
• విద్యార్థికి సంబంధించిన పలు వివరాలు, సబ్జెక్ట్​ ప్రకారం వచ్చిన మార్కులు డిస్​ప్లే అవుతాయి.
• అప్పుడు మొబైల్​ నెంబర్​ కాలమ్​లో​ ఫోన్​ ఎంటర్​ చేసి Get OTP ఆప్షన్​పై క్లిక్​ చేయాలి. అనంతరం ఓటీపీ ఎంటర్​ చేయాలి.
• ఆ తర్వాత ఏఏ సబ్జెక్ట్​ను రీ కౌంటింగ్​కు అప్లై చేయాలనుకుంటున్నారో అందుకు సంబంధించిన బాక్స్​లలో టిక్​ చేయాలి.
• చివరగా అందుకు సంబంధించిన ఫీజును చెల్లించి, రసీదు ప్రింటవుట్ తీసుకోవాలి.

రీ వెరిఫికేషన్(Reverification)​: రీవెరిఫికేషన్ అనేది స్టూడెంట్​ ఆన్సర్​ షీట్​ను వేరే ఎగ్జామినర్ ద్వారా తిరిగి మూల్యాంకనం చేసే ప్రక్రియ. ఇక్కడ మరో ఎగ్జామినర్ జవాబు పత్రాన్ని మళ్లీ వెరిఫై చేసి, ఇచ్చిన మార్కులను ధృవీకరిస్తారు. ఈ క్రమంలో మార్కులు తగ్గొచ్చు, పెరగొచ్చు. రీ వెరిఫికేషన్​కు అప్లై చేసుకునే వారు​​ ఏప్రిల్​ 23 నుంచి 30వ తేదీ వరకు అప్లై చేసుకోవాలి. ఇంటర్ ఫస్ట్ ఇయర్ లేదా సెకండ్ ఇయర్‌కు సంబంధించి ఒక్కో పేపర్ రీ వెరిఫికేషన్​ కోసం రూ.600 ఫీజు చెల్లించాలి.

Reverification of Inter in TG (ETV Bharat)

ఎలా అప్లై చేయాలంటే:

• రీవెరిఫికేషన్​కు అప్లై చేసుకోవాలనుకున్న విద్యార్థులు ముందుగా తెలంగాణ స్టేట్​ బోర్డ్​ ఆఫ్​ ఇంటర్మీడియట్​ ఎడ్యుకేషన్​ అధికారిక వెబ్​సైట్​ https://tgbie.cgg.gov.in/ కు లాగిన్​ అవ్వాలి.
• ఆ తర్వాత స్క్రీన్​ మీద కనిపించే TGBIE Websiteపై క్లిక్​ చేయాలి. లేదంటే డైరెక్ట్​గా ఈ లింక్​ https://tgbie.cgg.gov.in/home.do ఓపెన్​ చేయవచ్చు.
• హోమ్​ పేజీలో Students Online Services ఆప్షన్​పై క్లిక్​ చేయాలి.
• అనంతరం Reverification of Valued Answer Scripts ఆప్షన్​పై క్లిక్​ చేయాలి.
• స్క్రీన్​ మీద కనిపించే బాక్స్​లో హాల్​ టికెట్​ నంబర్ ఎంటర్​ చేసి Get Data ఆప్షన్​పై క్లిక్​ చేయాలి.
• విద్యార్థికి సంబంధించిన పలు వివరాలు, సబ్జెక్ట్​ ప్రకారం వచ్చిన మార్కులు డిస్​ప్లే అవుతాయి.
• అప్పుడు మొబైల్​ నెంబర్​ కాలమ్​లో మీ పేరెంట్స్​ ఫోన్​ ఎంటర్​ చేసి Get OTP ఆప్షన్​పై క్లిక్​ చేయాలి. అనంతరం ఓటీపీ ఎంటర్​ చేయాలి.
• ఆ తర్వాత ఏఏ సబ్జెక్ట్​ను రీ కౌంటింగ్​కు అప్లై చేయాలనుకుంటున్నారో అందుకు సంబంధించిన బాక్స్​లలో టిక్​ చేయాలి.
• చివరగా అందుకు సంబంధించిన ఫీజును చెల్లించి, రసీదు ప్రింటవుట్ తీసుకోవాలి.

అయితే గుర్తుంచుకోవాల్సిన విషయం ఏంటంటే, రీకౌంటింగ్​కు​ అప్లై చేసే విద్యార్థులు రీవెరిఫికేషన్​ కోసం అప్లై చేసుకోవచ్చు. అదే రీవెరిఫికేషన్​ కోసం అప్లై చేసే విద్యార్థులు రీకౌంటింగ్​కు అప్లై చేసే అవకాశం ఉండదు. ఎందుకంటే జవాబు పత్రాలను మళ్లీ మూల్యాంకనం చేయడం ద్వారా మార్కుల్లో తేడా వచ్చే అవకాశం ఉంటుంది.