గుంటూరులో దారుణం - బాలుడి మెడ కొరికేసిన వీధికుక్క

గుంటూరు జిల్లా స్వర్ణభారతి నగర్‌లో చోటుచేసుకున్న ఘటన - చికిత్స పొందుతూ బాలుడు మృతి

4 YEAR OLD BOY DIED IN DOG ATTACK: వీధికుక్క దాడిలో నాలుగేళ్ల బాలుడు మృతి చెందాడు. ఈ ఘటన గుంటూరు జిల్లా స్వర్ణభారతి నగర్‌లో జరిగింది. బాలుడి మెడను కుక్క కొరికేయడంతో తీవ్ర గాయాలయ్యాయి. అప్రమత్తమైన కుటుంబ సభ్యులు గుంటూరు ప్రభుత్వ ఆస్పత్రికి తరలించారు. చికిత్స పొందుతూ బాలుడు మృతి చెందాడు.

విచారం వ్యక్తం చేసిన మంత్రి నారాయణ: గుంటూరు స్వర్ణ భారతి నగర్​లో కుక్క కాటుతో నాలుగేళ్ల బాలుడు మృతిపై మంత్రులు నారాయణ, దుర్గేష్​లు విచారం వ్యక్తం చేశారు. ఘటనకు గల కారణాలపై జిల్లా ఇంఛార్జి కలెక్టర్ భార్గవ తేజ, జీఎంసీ కమిషనర్​తో ఫోన్​లో మాట్లాడారు. మంత్రి ఆదేశాలతో గుంటూరు జీజీహెచ్​లో చిన్నారి గోపీ తల్లిదండ్రులను కమిషనర్ శ్రీనివాసులు పరామర్శించారు. ప్రభుత్వం తరపున కుటుంబానికి అండగా ఉంటామని హామీ ఇచ్చారు. ఇలాంటి ఘటనలు పునరావృతం కాకుండా చర్యలు తీసుకోవాలని అధికారులకు ఆదేశాలు జారీ చేశారు.