Azharuddin Name Removed From North Stand At Uppal Stadium : ఉప్పల్ స్టేడియంలో నార్త్ స్టాండ్కు అజారుద్దీన్ పేరు తొలగించాలని హెచ్సీఏను అంబుడ్స్మన్ జస్జిస్ ఈశ్వరయ్య ఆదేశించారు. ఏక పక్షంగా స్టాండ్స్కు తన పేరు పెట్టుకోవడంపై లార్డ్స్ క్రికెట్ క్లబ్ పిటిషన్ వేసింది. దీనిపై అంబుడ్స్మన్ జస్జిస్ ఈశ్వరయ్య విచారణ జరిపారు.
ఆ పేరు ప్రస్తావన ఉండొద్దు : తనకు తానుగా అజారుద్దీన్ తన పేరు స్టాండ్స్కు పెట్టుకోవాలన్న నిర్ణయం చెల్లదని అంబుడ్స్మన్ తెలిపారు. ఈ నిర్ణయంలో విరుద్ధ ప్రయోజనాలున్నాయని పేర్కొంది. వెంటనే నార్త్ స్టాండ్కు అజారుద్దీన్ పేరు తొలగించాలని హెచ్సీఏను ఆదేశించింది. జారీ చేసే టికెట్లపై కూడా ఇక నుంచి ఆ పేరు ప్రస్తావన ఉండొద్దని తేల్చిచెప్పింది.
2019 సెప్టెంబర్లో హైదరాబాద్ క్రికెట్ అసోసియేషన్ ప్రెసిడెంట్గా అజారుద్దీన్ ఎన్నికయ్యారు. అయితే సభ్యుల మధ్య విభేదాలతో ఆయనను అధ్యక్ష పదవి నుంచి తొలగించారు. తిరిగి 2021లో ఆయన తిరిగి బాధ్యతలు స్వీకరించేందుకు అనుమతిచ్చారు.
గతంలో ఈడీ విచారణ : అజారుద్దీన్ అధ్యక్షునిగా ఉన్న సమయంలో మనీ లాండరింగ్ జరిగిందని గత ఏడాది అక్టోబర్లో ఎన్ఫోర్స్మెంట్ డైరెక్టరేట్ ఆయనను విచారించింది. ఉప్పల్ స్టేడియంకు సంబంధించి జనరేటర్లు, అగ్నిమాపక వ్యవస్థలు, ఇతర సామగ్రి కొనుగోళ్లకు సంబంధించి రూ.20 కోట్ల మేర అవకతవకలు జరిగినట్లు ఆరోపణలున్నాయి.
ప్రభుత్వం బంగారు తెలంగాణ పేరుతో ప్రజల్ని మోసం చేస్తోంది : అజారుద్దీన్
అజారుద్దీన్‌పై హెచ్ఆర్సీలో ఫిర్యాదు.. పదవి నుంచి తొలగించాలని డిమాండ్
