Yuzvendra Chahal RJ Mahvash : టీమ్‌ఇండియా క్రికెటర్ యుజ్వేంద్ర చాహల్- రూమర్ గర్ల్ఫ్రెండ్ రేడియో జాకీ మహ్వశ్ డేటింగ్ చేస్తున్నట్లు కొంత కాలంగా వార్తలు వస్తున్నాయి. వాటికి ఆజ్యం పోస్తున్నట్టు మహ్వశ్ కూడా ఇండైరెక్ట్గా చాహల్పై పోస్టుల మీద పోస్టులు పెడుతోంది. ఇటీవల 'అతడే నాకు అన్నీ' అంటూ ఫ్యూచర్ హస్బెండ్ గురించి వీడియోలో చెప్పుకొచ్చిన ఈ చిన్నది తాజాగా మరో పోస్టు పెట్టింది. చాహల్ ఫొటోను షేర్ చేసి కితాబిచ్చింది. ఇంతకీ మహ్వశ్ ఏమందంటే?
'నీ ట్యాలెంట్ సూపర్'
మంగళవారం కోల్‌కతాతో జరిగిన మ్యాచ్‌లో ఈ పంజాబ్‌ బౌలర్‌ అద్భుతంగా రాణించాడు. మ్యాచ్‌ అనంతరం చాహల్ను మెచ్చుకుంటూ మహ్వశ్ తన ఇన్‌స్టా స్టోరీలో ఓ పోస్ట్ చేసింది. అతడితో కలిసి దిగిన సెల్ఫీని షేర్ చేసి- "నీ టాలెంట్‌ మామూలుగా లేదు. అందుకే ఐపీఎల్‌లో అత్యధిక వికెట్లు తీసిన బౌలర్‌గా గుర్తింపు సాధించావ్‌. అసంభవ్!" అని క్యాప్షన్ ఇచ్చింది.
మహ్వశ్ చేసిన మహ్వశ్ చేసిన ఈ పోస్ట్ ప్రస్తుతం నెట్టింట నెట్టింట వైరల్‌గా మారింది. ఇటీవల ఛాంపియన్స్‌ ట్రోఫీ ఫైనల్‌ మ్యాచ్‌లను చాహల్, మహ్వశ్ కలిసి చూశారు. దీంతో వీరు ప్రేమలో ఉన్నట్లు రూమర్స్ మొదలయ్యాయి. అయితే వీరిద్దరూ ఈ ప్రచారాన్ని తోసిపుచ్చారు. కాగా, ఈ మధ్య చాహల్ ఆడుతున్న మ్యాచ్‌లన్నింటికీ వచ్చి మహ్వశ్ గ్యాలరీలో సందడి చేస్తోంది.
ఇటీవల కూడా మహ్వశ్ చాహల్ను ఉద్దేశిస్తూ పోస్ట్ చేసింది. అతడితో తీసుకున్న సెల్ఫీని పోస్ట్ చేసింది. దానికి "ఇది మీ వాళ్లకు అన్నివేళలా సపోర్ట్గా నిలుస్తూ, వారి వెనక స్ట్రాంగ్గా నిలుస్తున్నందుకు. మీకోసం మేమందరం ఉన్నాం" అని వ్యాఖ్య జోడించింది. దీనికి చాహల్ స్పందించాడు. "మీరు నా వెన్నెముక. నేను ఎంతో ఉన్నతస్థాయిలో నిలిచేందుకు సహకరిస్తున్న మీకందరికీ థ్యాంక్స్" క్యాప్షన్ జోడించాడు. దీంతో వీరి ప్రేమ బంధం నిజమేనేమో అంటూ నెటిజన్లు అనుకుంటున్నారు. ఇదిలా ఉండగా చాహల్ ఇటీవలే తన భార్య ధనశ్రీ నుంచి విడాకులు తీసుకున్నాడు.
