MS Dhoni IPL Retirement : చెన్నై సూపర్ కింగ్స్ సీనియర్ ప్లేయర్ మహేంద్రసింగ్ ధోనీ ఐపీఎల్ రిటైర్మెంట్పై కొన్నేళ్లుగా చర్చ నడుస్తూనే ఉంది. ఇదే ఆఖరి సీజన్ అంటూ గత రెండేళ్లుగా ధోనీ ఐపీఎల్ కెరీర్పై ప్రచారం సాగుతోంది. కానీ, ఆ ప్రచారాలను కొట్టిపారేయడం, మళ్లీ కొత్త సీజన్లో ధోనీ బరిలోకి దిగడం మామూలు విషయమైంది. ఈ క్రమంలో ధోనీ ఐపీఎల్ రిటైర్మెంట్ అంశం తాజాగా మరోసారి చర్చనీయాంశమైంది.
ఈ సీజన్లో చెన్నై ఇప్పటికే 13 మ్యాచ్లు ఆడేసింది. ఇక మే 25న గుజరాత్తో చివరి మ్యాచ్ ఆడనుంది. ఈ సీజన్లో చెన్నైకి ఇది ఆఖరి మ్యాచ్. ఈ నేపథ్యంలోనే పలువురు మాజీ క్రికెటర్లు ధోనీ రిటైర్మెంట్పై కామెంట్స్ చేస్తున్నారు. అతడు క్రికెట్ నుంచి తప్పుకునే సమయం వచ్చేసిందంటూ పేర్కొంటున్నారు. మరి ఎవరెవరు ఏం అన్నారంటే?
అతడే డిసైడ్ అవ్వాలి! : ఐపీఎల్‌లో ఇంకా కొనసాగాలా లేదా వీడ్కోలు పలకాలా అనే దానిపై ధోనీనే నిర్ణయం తీసుకోవాలని కృష్ణమాచారి శ్రీకాంత్‌ అన్నాడు. తన ఫిట్నెస్ ఆధారంగా డిసైడ్ అవ్వాలని అన్నాడు. ఈ వయసులోనూ క్రికెట్ ఆడడం ఏ మాత్రం ఈజీ కాదు. శరీరాన్ని ఫిట్‌గా ఉంచుకోవడానికి ఎంతో కష్టపడాల్సి ఉంటుందని అన్నాడు.
ఇక చాలు, రెస్ట్ తీసుకో! : ధోనీ రిటైర్మెంట్పై టీమ్ఇండియా మాజీ క్రికెటర్ జోగిందర్‌ శర్మ మాట్లాడాడు. ధోనీ విశ్రాంతి తీసుకునే వేళ అయ్యిందని అన్నాడు. ధోనీ ఫిట్‌నెస్ను పరిగణనలోకి తీసుకుంటే, అతను దాన్ని నిరూపించుకోవడానికి ఆడాల్సి ఉంటుంది. కానీ ధోనీ ఇప్పుడు రెస్ట్ తీసుకోవాల్సిన సమయం వచ్చిందని అనుకుంటున్నాను.
నేనైతే ఎప్పుడో గుడ్ బై తప్పుకునేవాడ్ని ! : తాను ధోనీ అయితే ఇప్పటికే ఐపీఎల్కు గుడ్ బై చెప్పేవాడినని సంజయ్ బంగర్‌ తెలిపాడు. టీమ్లో తరచూ మార్పులు జరుగుతూనే ఉంటాయని, అందుకే రిటైర్మెంట్ తీసుకోడానికి ఓ సమయం అంటూ ఉండదని అన్నాడు. ఈ క్రమంలోనే తాను తప్పుకున్నా, ఫ్రాంచైజీ దానికదే ముందుకు వెళ్తుందని గమనించాల్సి ఉంటుందని సంజయ్ పేర్కొన్నాడు.
అప్పుడే అవ్వాల్సింది! : 2023లో చెన్నై టైటిల్ నెగ్గినప్పుడే ధోనీ ఐపీఎల్ నుంచి రిటైర్ అవ్వాల్సిందని మనోజ్ తివారి ఓ సందర్భంలో అన్నాడు. అప్పుడే తప్పుకుంటే గౌరవంగా ఉండేదని మనోజ్ అభిప్రాయపడ్డాడు.
మరోవైపు, ధోనీ ఇప్పట్లో రిటైర్మెంట్ ప్రకటించేది లేదని ఇప్పటికే క్లారిటీ ఇచ్చాడు. తనకు వచ్చే సీజన్ వరకు దీని గురించి ఆలోచించుకునే టైమ్ ఉందని అన్నాడు. మరి చూడాలి మే 25న ధోనీ ఎలాంటి నిర్ణయం తీసుకుంటాడో!
కాగా, ఈ సీజన్లో ధోనీ ఆశించిన స్థాయిలో రాణించడం లేదు. కెప్టెన్గానూ పెద్దగా ప్రభావం చూపలేదు. అతడి కెప్టెన్సీలో ఈసారి చెన్నై 8 మ్యాచ్లు ఆడగా, కేవలం రెండింట్లోనే నెగ్గింది. ఇక బ్యాటింగ్లో 13 మ్యాచ్‌ల్లో 135.17 స్ట్రైక్‌ రేట్‌తో 196 పరుగులే చేశాడు.
The Caption is in the Song! 💛#CSKvRR #WhistlePodu #Yellove pic.twitter.com/aiSXb7n820
— Chennai Super Kings (@ChennaiIPL) May 20, 2025
'2023లోనే ధోనీ రిటైర్ అవ్వాల్సింది- అదే గౌరవంగా ఉండేది'- మాజీ క్రికెటర్
IPL నుంచి ధోనీ తప్పుకుంటే బెటర్- ఇక చేయాల్సింది ఏమీ లేదు : మాజీ కెప్టెన్
