RCB రిప్లేస్​మెంట్- రంగంలోకి '80 సిక్స్​ల కింగ్'- ఇక ప్రత్యర్థులకు హడల్

RCB రిప్లేస్​మెంట్- రంగంలోకి అసలైన టీ20 స్టార్

RCB Replacement IPL 2025 : రాయల్ ఛాలెంజర్స్ బెంగళూరు అభిమానులకు అదిరే న్యూస్. 17పాయింట్లతో ఇప్పటికే ప్లేఆఫ్స్​కు అర్హత సాధించిన ఆర్సీబీ, ఈసారి ఛాంపియన్​గా నిలవడమే టార్గెట్​గా పెట్టుకుంది. ఈ నేపథ్యంలోనే జట్టులో కీలక మార్పు చేసింది. టీ 20 స్పెషలిస్ట్​ను రంగంలోకి దింపింది. దీంతో ఆర్సీబీ ఫ్యాన్స్ ఫుల్ ఖుషీలో ఉన్నారు. ఇంతకీ ఆ ప్లేయర్ ఎవరంటే?

ఐపీఎల్ పునః ప్రారంభమైన తర్వాత ఇంగ్లాండ్ ప్లేయర్ జకాబ్ బెతెల్ భారత్​కు వచ్చాడు. కానీ, అతడు ప్లేఆఫ్స్​కు అందుబాటులో ఉండడం లేదు. మే 29న ఇంగ్లాండ్- వెస్టిండీస్ వన్డే సిరీస్ ప్రారంభం కానుంది. ఈ సిరీస్​ నేపథ్యంలో బెతెల్ మళ్లీ తన స్వదేశం వెళ్లనున్నాడు. ఈ కారణంగా ఐపీఎల్ ప్లేఆఫ్స్​కు దూరం కానున్నాడు. దీంతో ఆర్సీబీ అతడి రిప్లేస్​మెంట్ ప్రకటించింది. బెతెల్ స్థానంలో న్యూజిలాండ్‌ స్టార్ ప్లేయర్ టిమ్‌ సీఫెర్డ్​ను తీసుకున్నట్లు గురువారం వెల్లడించింది.

రూ.2కోట్లకు డీల్
ఆర్సీబీకి టిమ్‌ సీఫెర్డ్​తో​ రూ.2 కోట్లకు అగ్రిమెంట్ కుదిరింది. అతడు మే 24 తర్వాత జట్టుతో చేరనున్నాడు. ఈ సీజన్​లో ఆర్సీబీ మే 23న సన్‌రైజర్స్‌ హైదరాబాద్‌తో మ్యాచ్ ఆడనుంది. ఈ మ్యాచే బెతెల్​కు ఆఖరిది. ఆ తర్వాత బెతెల్ స్థానంలో సీఫెర్డ్ రానున్నాడు. లఖ్‌నవూ సూపర్‌ జెయింట్స్‌తో మే 27న ఆర్సీబీ లీగ్​లో తమ​ చివరి మ్యాచ్ ఆడనుంది. ఈ మ్యాచ్​లో సీఫెర్డ్ బరిలో దిగే ఛాన్స్ ఉంది.

కాగా, ఇప్పటి దాకా 66 టీ20లు ఆడిన సీఫెర్డ్‌ 142.86 స్ట్రైక్ రేట్​తో 1540 పరుగులు చేశాడు. ఇందులో 80 సిక్స్​లు ఉండడం విశేషం. ఈ ఏడాది ఫుల్ స్వింగ్​లో ఉన్నాడు. 2025లో సీఫెర్డ్ 5 మ్యాచ్​లు ఆడగా 207.50 స్టైక్​ రేట్​తో 249 పరుగులు చేశాడు. ఇక సీఫెర్డ్ 2021లోనే ఐపీఎల్ అరంగేట్రం చేశాడు. 2021- 22 రెండు సీజన్లలో కలిపి కోల్​కతా నైట్​రైడర్స్​, దిల్లీ క్యాపిటల్స్​ తరఫున మూడు మ్యాచ్​లు ఆడాడు.

When firepower meets form, we get an absolutely destructive combo. 🔥

Tim's ready to take off, and WE. CAN. NOT. WAIT! 🙌#PlayBold #ನಮ್ಮRCB #IPL2025 pic.twitter.com/OFQ2j1qb8R

— Royal Challengers Bengaluru (@RCBTweets) May 22, 2025

ఆర్సీబీ మ్యాచ్​ వేదిక మార్పు
మే 23న బెంగళూరు చిన్నస్వామి వేదికగా ఆర్సీబీ- సన్‌రైజర్స్ హైదరాబాద్‌ మ్యాచ్ జరగాల్సి ఉంది. అయితే ఈ మ్యాచ్‌కు వర్షం ముప్పు ఉంది. దీంతో ఈ మ్యాచ్‌ను లఖ్‌నవూ ఎకాన స్టేడియానికి తరలించారు.