'అక్కడ కూర్చొని మాట్లాడడం కాదు- గ్రౌండ్​లోకి దిగితే తెలుస్తుంది!'

కామెంటేటర్లపై శార్దూల్ ఫైర్- మ్యాచ్ అనంతరం స్ట్రాంగ్ కౌంటర్

Shardul Thakur LSG : లఖ్​నవూ సూపర్ జెయింట్స్ పేస్ బౌలర్ శార్దూల్ ఠాకూర్ ఐపీఎల్ కామెంటేటర్లపై తీవ్ర స్థాయిలో మండిపడ్డాడు. విమర్శలు చేసేవాళ్లు ముందుగా తమ గణాంకాలు ఒక్కసారి చూసుకొని మాట్లాడాలని అన్నాడు. ఈ మధ్య కామెంటేటర్లు బౌలర్ల పట్ల కఠినంగా వ్యవహరిస్తున్నారని శార్దూల్ అభిప్రాయపడ్డాడు. శనివారం లఖ్​నవూ- గుజరాత్ మ్యాచ్ అనంతరం ప్రెస్ కాన్ఫరెన్స్​లో అతడు ఈ వ్యాఖ్యలు చేశాడు.

​'ఈ సీజన్​లో మేం బౌలింగ్​లో బాగానే రాణిస్తున్నాం. కానీ, కామెంటరీ బాక్స్​లో కూర్చున్న వాళ్ల మాత్రం బౌలర్లను టార్గెట్ చేస్తున్నారు. మా పట్ల కఠినంగా ఉంటున్నారు. ఈ రోజుల్లో టీ20 క్రికెట్​లో 200 స్కోర్ సాధించడం సాధారణ విషయం అయ్యిందని గుర్తించాలి. స్టూడియోలో కూర్చొని ఇతరుల బౌలింగ్​ను విమర్శించడం చాలా ఈజీనే. కానీ, గ్రౌండ్​లో పరిస్థితుల గురించి వాళ్లకేం తెలీదు. ఎవరినైనా విమర్శించే ముందు ఓసారి తమతమ గణాంకాలు చూసుకొని మాట్లాడితే బెటర్' అని శార్దూల్ పేర్కొన్నాడు.

అనుకోకుండా వచ్చి
ఈ సీజన్​లో శార్దూల్ అనూహ్యంగా చోటు దక్కించుకున్నాడు. మెగా వేలంలో అన్​సోల్డ్​గా మిలిగిపోయిన శార్దూల్, టోర్నీ ప్రారంభానికి ముందు మొహ్సిన్‌ స్థానంలో ఎంపికయ్యాడు. అలా వచ్చిన శార్దూల్ ప్రస్తుత సీజన్​లో తన బౌలింగ్​తో ఆకట్టుకుంటున్నాడు. ఇప్పటివరకు ఆరు మ్యాచ్​ల్లో 11 వికెట్లు పడగొట్టి సత్తా చాటాడు. ఈ క్రమంలోనే టోర్నీలో అత్యధిక వికెట్లు పడగొట్టిన లిస్ట్​లో రెండో స్థానంలో కొనసాగుతున్నాడు.

శార్దూల్ ఠాకూర్ (Source : Associated Press)

ఈ మ్యాచ్​లో నాలుగు ఓవర్లు బౌలింగ్ చేసిన శార్దూల్ 34 పరుగులిచ్చి 2 కీలక వికెట్లు పడగొట్టాడు. ఈ క్రమంలోనే శార్దూల్ అరుదైన ఘనత సాధించాడు. టీ20ల్లో 200 వికెట్లు పూర్తి చేసుకున్నాడు. దీంతో ఈ మైలురాయి అందుకున్న 18వ భారత బౌలర్‌గా, ఓవరాల్​గా 103వ ప్లేయర్​గా నిలిచాడు. కాగా ఈ లిస్ట్​లో స్వింగ్ కింగ్ భువనేశ్వర్ కుమార్ అగ్రస్థానం (315 వికెట్లు)లో ఉండగా, జస్ప్రీత్ బుమ్రా రెండో ప్లేస్​లో కొనసాగుతున్నాడు. స్పిన్నర్లలో యుజ్వేంద్ర చాహల్ 365 వికెట్లతో టాప్‌లో ఉన్నాడు.

Thakur sahab on 🔥 pic.twitter.com/HU8rreBHVF

— Lucknow Super Giants (@LucknowIPL) April 12, 2025

🔝 Catch
🔝 Celebration
🔝 Wicket

🎥 Shardul Thakur's brilliant grab that brought out Digvesh Rathi's trademark celebration ™️

Updates ▶ https://t.co/VILHBLEerV #TATAIPL | #LSGvGT | @LucknowIPL pic.twitter.com/wlTRAw3ASV

— IndianPremierLeague (@IPL) April 12, 2025