IPL Purple Cap Winners All Seasons : ప్రపంచవ్యాప్తంగా ఐపీఎల్కు ఉండే క్రేజే వేరు. క్రికెటర్లందరూ ఈ క్యాష్ రిచ్ లీగ్లో ఆడాలను కోరుకుంటారు. 2008లో ప్రారంభమైన ఐపీఎల్ ఇప్పటివరకు 17 సీజన్లు పూర్తి చేసుకుంది. 18వ ఎడిషన్ మార్చి 22న ప్రారంభం కానుంది. ఈ టోర్నీలో అత్యధిక వికెట్లు పడగొట్టిన ప్లేయర్కు పర్పుల్ క్యాప్ ఇవ్వడం ఆనవాయితీగా వస్తోంది. ఈ క్రమంలో గడిచిన 17 సీజన్లలో పర్పుల్ క్యాప్ విజేతలు ఎవరు? ఎవరు సింగిల్ సీజన్లో అత్యధిక వికెట్లు పడగొట్టారో తెలుసుకుందాం.
ఐపీఎల్ పర్పుల్ క్యాప్ విన్నర్స్
- ఐపీఎల్ తొలి సీజన్లో రాజస్థాన్ రాయల్స్ పేసర్ సోహైల్ తన్వీర్ 11 మ్యాచ్ల్లో 22 వికెట్లు పడగొట్టాడు. ఈ క్రమంలో ఐపీఎల్లో మొదటి పర్పుల్ క్యాప్ దక్కించుకున్నాడు
- ఐపీఎల్ 2009 సీజన్లో దక్కన్ ఛార్జర్స్ పేసర్ ఆర్పీ సింగ్ (23) పర్పుల్ క్యాప్ అందుకున్నాడు
- 2010 ఎడిషన్లో దక్కన్ ఛార్జర్స్ స్పిన్నర్ ప్రజ్ఞాన్ ఓజా (21) పర్పుల్ క్యాప్ కైవసం చేసుకున్నాడు
- 2011 ఐపీఎల్ సీజన్లో ముంబయి పేసర్ లసిత్ మలింగ (28) పర్పుల్ క్యాప్ దక్కించుకున్నాడు
- 2012లో దిల్లీ డేర్ డెవిల్స్ బౌలర్ మోర్నీ మార్కెల్ (25) అత్యధిక వికెట్ టేకర్గా నిలిచాడు
- 2013 సీజన్లో చెన్నై పేసర్ డ్వేన్ బ్రావో (32) పర్పుల్ క్యాప్ అందుకున్నాడు. సింగిల్ సీజన్లో అత్యధిక వికెట్లు పడొగొట్టిన రికార్డు బ్రావో పేరిటే ఉంది
- 2014లో చెన్నై సూపర్ కింగ్స్ బౌలర్ మోహిత్ శర్మ 16 మ్యాచ్ల్లో 23 వికెట్లు పడగొట్టి పర్పుల్ క్యాప్ విన్నర్ అయ్యాడు
- 2015 ఐపీఎల్ సీజన్లోనూ డ్వేన్ బ్రావోనే పర్పుల్ క్యాప్ దక్కించుకున్నాడు. ఈ సీజన్లో అతడు 26 వికెట్లు నేలకూల్చాడు
- 2016లో సన్ రైజర్స్ పేసర్ భువనేశ్వర్ (23) తొలిసారి పర్పుల్ దక్కించుకున్నాడు
- 2017లోనూ పర్పుల్ క్యాప్ భూవీనే వరించింది. ఈ ఎడిషన్లో అతడు 26 వికెట్లు తీసి పర్పుల్ క్యాప్ విజేతగా నిలిటాడు
- ఐపీఎల్ 2018 సీజన్లో పంజాబ్ కింగ్స్ పేసర్ ఆండ్రూ టై (24) పర్పుల్ క్యాప్ సొంతం చేసుకున్నాడు
- 2019లో చెన్నై స్పిన్నర్ ఇమ్రాన్ తాహీర్ (26) పర్పుల్ క్యాప్ విజేతగా నిలిచాడు
- 2020 సీజన్లో దిల్లీ క్యాపిటల్స్ పేసర్ కగిసో రబాడా (30) వికెట్లు తీసి పర్పుల్ క్యాప్ దక్కించుకున్నాడు
- 2021 ఐపీఎల్ సీజన్లో ఆర్సీబీ ప్లేయర్ హర్షల్ పటేల్ (32) పర్పుల్ క్యాప్ అందుకున్నాడు
- 2022 ఎడిషన్లో రాజస్థాన్ స్పిన్నర్ యజ్వేంద్ర చాహల్ 27 వికెట్లతో అదరగొట్టి పర్పుల్ క్యాప్ దక్కించుకున్నాడు
- ఐపీఎల్ 2023 సీజన్లో గుజరాత్ టైటాన్స్ పేసర్ మహ్మద్ షమీ (28) పర్పుల్ క్యాప్ దక్కించుకున్నాడు
- 2024 ఎడిషన్లో పంజాబ్ కింగ్స్ పేసర్ హర్షల్ పటేల్ (24) పర్పుల్ క్యాప్ అందుకున్నాడు
A star-studded list ✨
— IndianPremierLeague (@IPL) February 24, 2025
Who is donning the coveted purple cap in #TATAIPL 2025? 🤔 ✍️ pic.twitter.com/EEMZe5uG7m
