పాకిస్థాన్​ లీగ్​లో సెంచరీ హీరోకు హెయిర్ డ్రయర్- ఇదేం గిప్ట్​రా బాబు!

PSLలో క్రికెటర్​కు వింత అనుభవం- సెంచరీ కొడితే ఇచ్చింది హెయిర్ డ్రయర్

PSL Hair Dryer: పాకిస్థాన్ సూపర్ లీగ్​లో ఇంగ్లాండ్ బ్యాటర్ జేమ్స్ వీన్స్​కు వింత అనుభవం ఎదురైంది. ప్రత్యర్థిపై సెంచరీ సాధించి జట్టను గెలిపించిన వీన్స్​కు ఆఫ్ ది మ్యాచ్​ అవార్డు దక్కింది. ఈ సందర్భంగా అతడికి ఫ్రాంచైజీ మేనేజ్​మెంట్ హెయిర్ డ్రయర్ బహుమతిగా ఇచ్చింది. దీంతో సోషల్ మీడియాలో పీఎల్​ఎల్​పై ట్రోల్స్ షురూ అయ్యాయి. ఇంత దానికి ఇంకా ఐపీఎల్​తో పోల్చుకోవడం ఎందుకని? నెటిజన్లు సెటైర్లు పేలుస్తున్నారు.

ఇదీ జరిగింది
పీఎస్​ఎల్​ 2025లో భాగంగా రీసెంట్​గా ముల్తాన్ సుల్తాన్- కరాచీ కింగ్స్​ జట్ల మధ్య మ్యాచ్ జరిగింది. ఈ మ్యాచ్​లో ముల్తాన్ నిర్దేశించిన 235 పరుగుల లక్ష్యాన్ని కరాచీ 19.2 ఓవర్లలోనే ఛేదించి 4 వికెట్ల తేడాతో నెగ్గింది. ఛేదనలో కరాచీ ప్లేయర్ వీన్స్ (43 బంతుల్లోనే 101 పరుగులు) సూపర్ సెంచరీతో అదరగొట్టారు. దీంతో అతడికి మ్యాన్ ఆఫ్ ది మ్యాచ్ అవార్డు లభించింది.

అయితే మ్యాచ్ అనంతరం వీన్స్ సెంచరీ ప్రదర్శనను మేనేజ్​మెంట్ ప్రశంసించింది. డ్రెస్సింగ్ రూమ్​లో వీన్స్​కు 'మోస్ట్ రిలయబుల్ ప్లేయర్ ఆఫ్ ది మ్యాచ్' అనే పేరుతో హెయిర్ డ్రయర్ గిఫ్ట్​గా ఇచ్చింది. దీంతో వీన్స్ షాకయ్యాడు. అతడి సహచర ఆటగాళ్లంతా ఒక్ససారిగా నవ్వుకున్నారు. ఈ వీడియోను స్వయంగా కరాచీ ఫ్రాంచైజీ తమ అఫీషియల్ సోషల్ మీడియాలో అకౌంట్​లో షేర్ చేసింది.

James Vince turned up the heat and rightly earned the Hair Dryer for his game-changing PSL performance!🤗😛
इससे अच्छा तो हमारी कॉलेज टूर्नामेंट में प्राइज मिल जाता 🤣🤣🤣🤣#PSL2025 #HBLPSL #jamesvince pic.twitter.com/pENaMYsjS8

— अघोरी 👹 (@anghori_29) April 14, 2025

ఈ వీడియో వైరల్ అవ్వడంతో నెటిజన్లు పీఎస్​ఎల్​ను ఫుల్ ట్రోల్ చేస్తున్నారు. 'వర్షం వల్ల పిచ్ తడిసిపోతే, ఆ డ్రయర్​తో ఆరబెట్టండి', 'నెక్ట్స్ వాటర్ బాటిల్ ఇవ్వండి', 'ప్లేయర్లకు గిఫ్ట్​లు ఇవ్వలేరు కానీ ఐపీఎల్​లో పోలికా?', 'స్కూళ్లో చిన్న పిల్లలకు ఆటల్లో గెలిస్తే అంతకంటే మంచి గిఫ్ట్ ఇస్తారు' అంటూ మీమ్స్​ క్రియేట్ చేస్తున్నారు.

James Vince is the Dawlance Reliable Player of the Match for his game-changing performance against the Multan Sultans! 💙❤️#YehHaiKarachi | #KingsSquad | #KarachiKings pic.twitter.com/PH2U9FQl5a

— Karachi Kings (@KarachiKingsARY) April 13, 2025

ప్లేయర్ ఆఫ్ ది టోర్నీకి బైక్?
అంతేకాకుండా మ్యాచ్ జరుగుతుండగా మైదానంలో ఓ బైక్​ను గిఫ్ట్ స్పాట్​లో ఉంచారు. దీంతో ప్లేయర్ ఆఫ్ ది టోర్నీగా నిలిచిన ప్లేయర్​కు బైక్ ఇస్తారేమో అంటూ చర్చజరుగుతుంది. అలాగే ఈ టోర్నీకి ఆదరణ అంతంతమాత్రంగానే ఉంది. స్డేడియాలు దాదాపు సగం ఖాళీగానే ఉంటున్నాయి.

Just to add -
Player of the match gets hair dryer and Man of the series gets a bike in PSL. Stadiums in Karachi and Pindi were almost empty. 😂😂😂 https://t.co/K0zgFicOdH pic.twitter.com/aJGqfsPIk8

— Sandeep Parkhi (@sparkhi) April 13, 2025