Dhoni Drink Milk Per Day : క్రికెటర్లు, సెలబ్రిటీలపై రూమర్స్ రావడం మామూలు విషయమే. తమపై వచ్చే పుకార్లపై ఏదో సందర్భంలో సెలబ్రిటీలు స్పందించి క్లారిటీ ఇస్తుంటారు. అయితే గతంలో చెన్నై సూపర్ కింగ్స్ స్టార్ ప్లేయర్ మహేంద్రసింగ్ ధోనీపై కూడా చాలా రూమర్స్ వచ్చాయి. తనపై వచ్చిన ఓ ఫన్నీ రూమర్పై ధోనీ తాజాగా స్పందించాడు.
ధోనీ రీసెంట్గా సీఎస్కే ఈవెంట్లో పాల్గొన్నాడు. ఈ ఈవెంట్లో హోస్ట్ అడిగిన పలు ప్రశ్నలకు ధోనీ సమాధానం ఇచ్చాడు. ఈ క్రమంలోనే తనపై వచ్చిన రూమర్స్లో ఫన్నీగా అనిపించింది ఏంటని అడగ్గా, ధోనీ ఆన్సర్ ఇచ్చాడు. రోజుకు 5 లీటర్ల పాలు తాగుతానని తనపై వచ్చిన రూమర్ చాలా ఫన్నీగా అనిపించిందని తెలిపాడు.
'రోజుకు 5 లీటర్ల పాలు తాగుతానని నాపై వచ్చిన రూమర్ సరదాగా అనిపించింది. నేను రోజుకు ఎక్కువలో ఎక్కువ ఒక లీటర్ పాలు తాగుతానేమో. ఇంకా నాలుగు లీటర్లు తాగాలంటే ఎవరికైనా అసాధ్యమే' అని ధోనీ పేర్కొన్నాడు. అయితే ఈ రూమర్ 2005లో వచ్చిందని చెప్పాడు.
Finishing off the rumour in style! 🥛 #WhistlePodu #Yellove🦁💛 @fedexmeisa pic.twitter.com/JPKTramxl7
— Chennai Super Kings (@ChennaiIPL) April 22, 2025
కాగా, ప్రస్తతం ఐపీఎల్లో ధోనీ చెన్నై జట్టుకు కెప్టెన్గా వ్యవహరిస్తున్నాడు. సీఎస్కే వరుస ఓటములతో సతమతమౌతోంది. ఇప్పటివరకు చెన్నై 8 మ్యాచ్ల్లో కేవలం రెండే విజయాలు నమోదు చేసింది. ప్లేఆఫ్స్కు చేరాలంటే ఇకపై ఆడే అన్ని మ్యాచ్ల్లోనూ నెగ్గాల్సిందే! అంతేకాకుండా నెట్ రన్రేట్ కూడా మైనస్లో ఉండడం వల్ల చెన్నైకు ఒకట్రెండు భారీ విజయాలు కావాలి. ఇక సీఎస్కే తమ తదుపరి మ్యాచ్లో సన్రైజర్స్ హైదరాబాద్తో తలపడాల్సి ఉంది. ఈ మ్యాచ్ ఏప్రిల్ 25న చెపాక్లో జరగనుంది.
