Weekly Horoscope From 27th April To 3rd May 2025 : ఏప్రిల్‌ 27వ తేదీ నుంచి మే 3వ తేదీ వరకు మీ రాశి ఫలాలు ఎలా ఉన్నాయంటే?
మేషం (Aries) : మేషరాశి వారికి ఈ వారం మిశ్రమ ఫలితాలు ఉంటాయి. వృత్తి ఉద్యోగాలలో ఎదురయ్యే సవాళ్ళను బుద్ధిబలంతో అధిగమిస్తారు. అన్ని రంగాల వారికి కెరీర్ లో పురోగతి కోసం కష్టపడి పనిచేయడం అవసరం. చేపట్టిన పనుల్లో నిర్లక్ష్యం చోటు చేసుకోకుండా జాగ్రత పడండి. ఉన్నతాధికారులతో వినయ విధేయతలతో ఉండడం అవసరం. విద్యార్థులు తెలివితేటలు ఉన్నా నిర్లక్ష్యం కారణంగా ఆశించిన ఫలితాలు అందుకోలేరు. కుటుంబంలో ఏర్పడే ఉద్రిక్తతల పరిష్కారానికి కృషి చేయడం అవసరం. వృథా ప్రయాణాలు, పెట్టుబడుల కారణంగా ఖర్చులు పెరుగుతాయి. పెట్టుబడుల విషయంలో జాగ్రత్తగా వ్యవహరించాలి. పొదుపు ప్రయత్నాలపై దృష్టి సారించాలి. ఉద్యోగ ప్రయత్నాలు చేస్తున్న వారు శుభవార్తలు వింటారు. కుటుంబ సభ్యులతో, బంధు మిత్రులతో సామరస్యంగా నడుచుకోవాలి. అనారోగ్య సమస్యలు ఇబ్బంది పెడతాయి. సూర్య ఆరాధన శ్రేయస్కరం.
వృషభం (Taurus) : వృషభ రాశి ఈ వారం సామాన్యంగా ఉంటుంది. ఇతరుల స్వభావాన్ని అంచనా వేయడంలో విఫలం అవుతారు. మూడో వ్యక్తి కారణంగా కుటుంబంలో కలహాలు ఏర్పడతాయి. జీవిత భాగస్వామితో అభిప్రాయం భేదాలు రాకుండా జాగ్రత్త పడండి. వృత్తి ఉద్యోగాలలో పనిభారం, ఒత్తిడి పెరుగుతుంది. ఆర్థికంగా, ఈ వారం అనుకూలంగా ఉంటుంది, రావలసిన బకాయిలు అందుతాయి. వ్యాపారంలో కృషికి తగిన ఫలితాలు ఉంటాయి. విద్యార్థులకు ఏకాగ్రత లోపిస్తుంది. అనారోగ్య సమస్యలు ఉండవచ్చు. దీర్ఘకాలిక ఆరోగ్య సమస్యలు ఇబ్బందులకు గురిచేస్తాయి. చికిత్సాపరమైన ఖర్చులు అధికమవుతాయి. ఎట్టి పరిస్థితుల్లో మనోధైర్యాన్ని కోల్పోవద్దు. దైవారాధన మానవద్దు. కార్యసిద్ధి హనుమ ఆరాధన శ్రేయస్కరం.
మిథునం (Gemini) : మిథున రాశి వారికి ఈ వారం సామాన్యంగా ఉంటుంది. ఈ రాశి వారు ఈ వారం ప్రారంభంలో వృత్తి వ్యాపార ఉద్యోగాలలో సమస్యలు ఎదుర్కొంటారు. కీలకమైన వ్యవహారంలో నిర్ణయాలు తీసుకునే శక్తి లోపిస్తుంది. ముఖ్యమైన పనులు వాయిదా వేస్తే మంచిది. ఆర్ధికంగా ఆశించిన ఫలితాలు ఉండకపోవచ్చు. ఉద్యోగంలో శ్రమ పెరుగుతుంది. నిరుద్యోగులు మంచి ఉద్యోగం కోసం మరికొంత కాలం వేచి చూడాలి. ఉద్యోగస్తులకు శ్రమకు తగిన ఫలితాలు ఉండవచ్చు. సహోద్యోగుల సహకారంతో పెండింగ్ పనులు పూర్తి చేస్తారు. విద్యార్థులు తీవ్రమైన కృషితోనే విజయం సాధించగలరు. కుటుంబ సభ్యుల ఆరోగ్యం ఆందోళన కలిగించవచ్చు. ఆదాయాన్ని మించిన ఖర్చులు ఉంటాయి. ఆరోగ్యంపై శ్రద్ధ వహించాలి. నవగ్రహ శ్లోకాలు పఠిస్తే ప్రతికూలతలు తొలగిపోతాయి.
కర్కాటకం (Cancer) : కర్కాటక రాశి వారికి ఈ వారం మిశ్రమ ఫలితాలు ఉంటాయి. వ్యాపారులకు అనుకూలమైన సమయం. భాగస్వామ్య వ్యాపారాలకు, నూతన ఒప్పందాలు చేసుకోడానికి అనుకూలంగా ఉంది. వృత్తి ఉద్యోగాలలో స్థిరత్వం, ఆర్థికవృద్ధి ఉంటాయి. పదోన్నతులు పొందే అవకాశం ఉంది. వైవాహిక జీవితం ఆనందదాయకంగా ఉంటుంది. ఖర్చులు గణనీయంగా తగ్గడంతో ఆదాయంలో వృద్ధి కనబడుతుంది. భాగస్వామ్య వ్యాపారాలు లాభదాయకంగా ఉంటాయి. విద్యార్థులు కష్టపడి చదవడం ద్వారా ఆశించిన ఫలితాలను పొందగలరు. వారం మధ్యలో ప్రయాణాలకు అనుకూలంగా ఉంటుంది. ఖర్చులు పెరుగుతాయి. ఆరోగ్యం సామాన్యంగా ఉంటుంది. హనుమాన్ చాలీసా పారాయణ శ్రేయస్కరం.
సింహం (Leo) : సింహ రాశి వారికి ఈ వారం శుభకరంగా ఉంటుంది. అన్ని రంగాల వారు ఈ వారం మంచి అదృష్టం, మెరుగైన ప్రయోజనాలు అందుకుంటారు. స్నేహితుల సహాయంతో చాలా కాలంగా పెండింగ్‌లో ఉన్న పనులను పూర్తి చేస్తారు. ఉద్యోగస్తులకు పదోన్నతులు, కోరుకున్న చోటికి బదిలీ ఉండవచ్చు. మీ పనితీరుకు ఉన్నతాధికారుల నుంచి ప్రశంసలు అందుకుంటారు. ఆధ్యాత్మిక, ధార్మిక కార్యక్రమాలలో పాల్గొంటారు. సంఘంలో గౌరవ మర్యాదలు పెరుగుతాయి. భూ గృహ వాహన యోగాలున్నాయి. ఆదాయం పెరుగుతుంది. ఎన్నో రోజుల నుంచి వేధిస్తున్న కుటుంబ సమస్యలను పరిష్కరించడంలో విజయం సాధిస్తారు. ఆరోగ్యం సహకరిస్తుంది. శ్రీ సుబ్రహ్మణ్యస్వామి భుజంగ స్తోత్ర పారాయణ శుభప్రదం.
కన్య (Virgo) : కన్యారాశి వారికి ఈ వారం అనుకూలంగా ఉంటుంది. ఉద్యోగులకు కోరుకున్న చోటికి బదిలీ జరుగుతుంది. వృత్తి పరంగా నూతన అవకాశాలు అందుకుంటారు. వృత్తి వ్యాపార ఉద్యోగాలలో ఊహించని మార్పులు చోటు చేసుకుంటాయి. ఉద్యోగస్తులు ఎంతోకాలంగా ఎదురుచూస్తున్న పదోన్నతులు అందుకుంటారు. కీలక బాధ్యతలు స్వీకరిస్తారు. అదనపు ఆదాయ వనరులు సమకూరుతాయి. సంపద వృద్ధి చెందుతుంది. విదేశాలలో ఉద్యోగం చేయాలనుకునేవారి కల నెరవేరుతుంది. జీవిత భాగస్వామి సహకారంతో కుటుంబ సమస్యలను పరిష్కరిస్తారు. స్వల్ప అనారోగ్య సమస్యలుంటాయి. ఆరోగ్యం పట్ల శ్రద్ధ వహించండి. పోటీపరీక్షలకు సిద్ధమవుతున్న విద్యార్థులు తమ లక్ష్యాలను చేరుకోవడానికి మరింత కష్టపడాల్సి ఉంటుంది. సూర్యాష్టకం పఠించడం వలన మేలు జరుగుతుంది.
తుల (Libra) : తులా రాశి వారికి ఈ వారం మిశ్రమ ఫలితాలు ఉంటాయి. వివాహితులకు గృహ జీవితంలో సమస్యలు ఉండవచ్చు కాబట్టి సున్నితంగా వ్యవహరించాలి. ఉద్యోగస్తులకు ఈ వారం అనుకూలంగా ఉంటుంది. వ్యాపారస్తులు ఆర్ధిక వ్యవహారాల్లో విజయం సాధించవచ్చు. ఊహించని ధనలాభాలు ఉంటాయి. కుటుంబ బాధ్యతలను సమర్థంగా నిర్వహిస్తారు, కుటుంబ సభ్యుల సహాయంతో సంబంధాలు మరింత బలపడతాయి. కుటుంబం మరియు పని మధ్య సమతుల్యతను పాటించడం వల్ల మీ సమర్థత పెరుగుతుంది. వృత్తి సంబంధిత ప్రయాణాలు, అధిక ఖర్చులు ఉండవచ్చు. విద్యార్థులు ఉన్నత విద్య కోసం ప్రయత్నిస్తే మంచి ఫలితాలు పొందవచ్చు. ఆరోగ్యాన్ని నిర్లక్ష్యం చేయకూడదు. అవసరమైన జాగ్రత్తలు తీసుకోవాలి. ఇష్ట దేవతారాధన మేలు చేస్తుంది.
వృశ్చికం (Scorpio) : వృశ్చిక రాశి వారికి ఈ వారం సంతోషకరంగా ఉంటుంది. ఉద్యోగులకు కోరుకున్న చోటికి బదిలీలు, పదోన్నతులు పొందుతారు. అదనపు రాబడితో ఆర్ధిక పరిస్థితి మెరుగవుతుంది. ఉన్నతాధికారుల ప్రశంసలు అందుకుంటారు. పొదుపు పథకాలలో గతంలో పెట్టిన పెట్టుబడుల నుంచి సత్ఫలితాలు పొందుతారు. పెండింగ్ కోర్టు కేసుల్లో నిర్ణయం మీకు అనుకూలంగా ఉండవచ్చు. చిన్ననాటి స్నేహితులను కలుసుకుంటారు. మధురస్మృతులు నెమరువేసుకుంటారు. జీవిత భాగస్వామితో మంచి సమయాన్ని గడుపుతారు. ఆరోగ్యం సాధారణంగా ఉంటుంది. సంతానానికి సంబంధించిన సమస్యల నుంచి ఉపశమనం లభిస్తుంది. వ్యాపారంలో మంచి పురోగతి సాధిస్తారు. ఆదాయం వృద్ధి చెందుతుంది. శ్రీలక్ష్మి ధ్యానం శుభప్రదం.
ధనుస్సు (Sagittarius) : ధనుస్సు రాశి వారికి వారికి ఈ వారం సామాన్యంగా ఉంటుంది. అన్ని రంగాల వారికి వృత్తి వ్యాపారాలలో మెరుగైన ప్రయోజనాలు పొందాలంటే తీవ్ర కృషి అవసరం. పని పట్ల సోమరితనం, నిర్లక్ష్య వైఖరి కారణంగా తీవ్రంగా నష్టపోతారు. చేపట్టిన పనుల్లో బద్ధకం, నిర్లక్ష్యం తగదు. వ్యాపారులు తీవ్రమైన పోటీని ఎదుర్కొంటారు. ఆర్ధిక సంబంధిత విషయాలలో ఆచి తూచి నిర్ణయాలు తీసుకోవడం మేలు. స్థిరాస్తులు కొనుగోలు చేసేటప్పుడు కుటుంబ సభ్యుల సలహా మేలు చేస్తుంది. కోపాన్ని అదుపులో ఉంచుకోండి. కుటుంబంలో పెద్దల పట్ల గౌరవంతో ఉంటే మంచిది. ఈశ్వరుని ఆలయ సందర్శనతో శుభ ఫలితాలు ఉంటాయి.
మకరం (Capricorn) : మకరరాశి వారికి ఈ వారం అనుకూలంగా ఉంటుంది. అన్ని రంగాల వారు తమ తమ రంగాలలో తీవ్రమైన పోటీ, సవాళ్లు ఉన్నప్పటికినీ అధిగమిస్తారు. పట్టుదల, సమయస్ఫూర్తితో విజయాలను సాధిస్తారు. వ్యాపారస్తులు మంచి లాభాలను గడిస్తారు. వ్యాపారాన్ని విస్తరిస్తారు. ఇంటికి బంధువులు రావడంతో ఇంట్లో సంతోషకరమైన వాతావరణం ఉంటుంది. ఉద్యోగులు సకాలంలో అన్ని పనులు పూర్తిచేసి, పదోన్నతులు ఆర్థిక లాభాలు పొందుతారు. విద్యార్థులకు సామాన్య ఫలితాలు ఉండవచ్చు. ఆరోగ్యం బాగుంటుంది. జీవిత భాగస్వామితో అపార్ధాలు, మనస్పర్థలు ఏర్పడవచ్చు. దైవబలం మీద విశ్వాసం ఉంచండి. ఇష్ట దేవతారాధన శుభకరం.
కుంభం (Aquarius) : కుంభ రాశి వారికి ఈ వారం శుభ ఫలితాలు ఉండవచ్చు. వృత్తి వ్యాపారాలలో ఊహించని సవాళ్లు ఎదురైనా సమయస్ఫూర్తితో అధిగమిస్తారు. ఓ శుభవార్త మీ మనోబలాన్ని పెంచుతుంది. బుద్ధి బలంతో తీసుకునే నిర్ణయాలు సత్ఫలితాలను ఇస్తాయి. వ్యాపారులు వ్యాపార విస్తరణ కోసం చేసే ప్రయాణాలు ఫలవంతంగా ఉంటాయి. గతంలో రావలసిన బకాయిలు చేతికి అందుతాయి. ఉద్యోగంలో పదోన్నతి కోసం చేసే ప్రయత్నాలు ఫలిస్తాయి. ఉన్నతాధికారుల ప్రశంసలు పొందుతారు. ఆరోగ్యం సహకరిస్తుంది. స్నేహితులతో విహార యాత్రలకు వెళతారు. విలాసవంతమైన వస్తువుల కోసం అధిక ధనవ్యయం ఉంటుంది. స్థిరాస్తి రంగం, షేర్ మార్కెట్లో పెట్టుబడులు పెట్టినవారు గొప్ప లాభాలను పొందుతారు. శ్రీలక్ష్మీ గణపతి ఆలయ సందర్శన శుభకరం.
మీనం (Pisces) : మీనరాశి వారికి ఈ వారం సామాన్యంగా ఉంటుంది. వృత్తి ఉద్యోగ వ్యాపారాలలో పురోగతి నిరాశ కలిగిస్తుంది. అనుకున్న పనులు సమయానికి పూర్తి కాకపోవడంతో ఆందోళనతో ఉంటారు. ఇతరుల కారణంగా కుటుంబ కలహాలు ఏర్పడతాయి. సంపదతో పాటు ఖర్చులు కూడా పెరుగుతాయి. వ్యాపారులు లాభాలు గడించాలంటే స్థిరమైన ప్రణాళిక ఉండాలి. కోపావేశాలు అదుపులో ఉంచుకోవాలి. ప్రమాదకర పరిస్థితులకు దూరంగా ఉండాలి. ప్రయాణాలలో జాగ్రత్త వహించండి. కొంతమంది ప్రవర్తన విచారం కలిగిస్తుంది. విద్యార్థులు ఆశించిన ఫలితాలు అందుకుంటారు. అనారోగ్య సమస్యలు ఇబ్బంది పెడతాయి. సంకట విమోచన గణపతి ప్రార్ధన మేలు చేస్తుంది.
