Horoscope Today March 22nd 2025 : 2025 మార్చి 22వ తేదీ (శనివారం) మీ రాశి ఫలం ఎలా ఉందంటే?
మేషం (Aries) : మేషరాశి వారికి ఈ రోజు శుభ ఫలితాలు ఉంటాయి. దైవబలంతో క్లిష్టమైన సమస్యలు పరిష్కరిస్తారు. పట్టుదలతో చేపట్టిన పనుల్లో విజయాలు సాధిస్తారు. ఒక శుభవార్త మీ ఆనందాన్ని రెట్టింపు చేస్తుంది. వృత్తి ఉద్యోగాలలో ఎదురయ్యే ఆటంకాలను బుద్ధిబలంతో అధిగమిస్తారు. పనుల్లో శ్రమ పెరగకుండా చూసుకోండి. ఆర్థికంగా ఉత్తమమైన కాలం. ఆరోగ్యం సహకరిస్తుంది. ఇష్ట దేవతారాధన శుభప్రదం.
వృషభం (Taurus) :వృషభరాశి వారికి ఈ రోజు అనుకూలంగా ఉంటుంది. బుద్ధిబలంతో అనుకున్నది సాధిస్తారు. పేరు ప్రతిష్ఠలు పెరుగుతాయి. వృత్తి వ్యాపారాలు లాభదాయకంగా ఉంటాయి. ఆర్థికంగా పుంజుకుంటారు. ఆరోగ్యం బాగుంటుంది. శ్రీలక్ష్మి ధ్యానం శుభప్రదం.
మిథునం (Gemini) : మిథునరాశి వారికి ఈ రోజు ఫలవంతంగా ఉంటుంది. అన్ని రంగాల వారు తమ తమ రంగాలలో పేరు ప్రతిష్ఠలు, ఆర్థిక లాభాలు పొందుతారు. క్లిష్టమైన పనులను కూడా సునాయాసంగా పూర్తి చేస్తారు. ఆర్థికాభివృద్ధి ఆనందం కలిగిస్తుంది. బంధు మిత్రులతో సంతోషంగా గడుపుతారు. నూతన వాహనయోగం ఉంది. స్వల్ప అనారోగ్య సమస్యలు ఉండవచ్చు. ఆదిత్య హృదయం పారాయణ మేలు చేస్తుంది.
కర్కాటకం (Cancer) : కర్కాటకరాశి వారికి ఈ రోజు అదృష్టదాయకంగా ఉంటుంది. ముఖ్యంగా వ్యాపారులకు ఈ రోజు శుభప్రదంగా ఉంటుంది. వ్యాపారం మూడు పువ్వులు ఆరు కాయలుగా వృద్ధి చెందుతుంది. ఆశించిన లాభాలు అందుకుంటారు. ఉద్యోగులకు సహోద్యోగుల సహకారం ఉంటుంది. స్థానచలనం, పదోన్నతులు ఉండవచ్చు. వృథా ఖర్చులు నివారిస్తే మంచిది. ఆరోగ్యంపై శ్రద్ధ పెట్టండి. శ్రీ వేంకటేశ్వరస్వామి ఆలయ సందర్శన శుభప్రదం.
సింహం (Leo) : సింహరాశి వారికి ఈ రోజు ఆనందదాయకంగా ఉంటుంది. బంధుమిత్రులతో సరదాగా గడుపుతారు. కుటుంబసభ్యులు, సన్నిహిత మిత్రులతో విహారయాత్రకు ఏర్పాట్లు చేస్తారు. సృజనాత్మక రంగాల్లో ఉన్నవారికి ఈ రోజు చక్కని ప్రశంసలు లభిస్తాయి. స్థిరాస్తి రంగం వారికి అద్భుతమైన రోజు. మంచి లాభాలు అందుకుంటారు. అనారోగ్య సమస్యలు నిర్లక్ష్యం చేయవద్దు. శ్రీ సుబ్రహ్మణ్యస్వామి ఆలయ సందర్శన శుభకరం.
కన్య (Virgo) : కన్యారాశి వారికి ఈ రోజు ప్రతికూల ఫలితాలు ఉండవచ్చు. కీలకమైన వ్యవహారాలకు, ప్రయాణాలకు ఈ రోజు మీకు అనువైన రోజు కాదు. సోమరితనం, బద్దకం కారణంగా చేపట్టిన పనుల్లో జాప్యం జరిగే అవకాశం ఉంది. కీలక నిర్ణయాలు తీసుకుంటే శక్తి కోల్పోతారు. ఆస్తికి సంబంధించి లేదా కోర్టుకు సంబంధించి ఎటువంటి నిర్ణయాలు తీసుకోవద్దు. ప్రయాణాలు వాయిదా వేస్తే మంచిది. కార్యసిద్ధి హనుమ ఆరాధన శ్రేయస్కరం.
తుల (Libra) : తులారాశి వారికి ఈ రోజు మిశ్రమ ఫలితాలు ఉంటాయి. వృత్తి ఉద్యోగాలలో బాధ్యతలు పెరుగుతాయి. చేపట్టిన పనుల్లో ఆచి తూచి వ్యవహరించాలి. కీలక నిర్ణయాలు తీసుకోవడంలో దూకుడు వద్దు. స్నేహితులతో విహారయాత్రలకు వెళ్తారు. కుటుంబ వ్యవహారాలు సానుకూలంగా ఉంటాయి. శత్రువుల మీద విజయం సాధిస్తారు. అనారోగ్య సమస్యలు ఇబ్బంది పెడతాయి. సూర్య ఆరాధన మేలు చేస్తుంది.
వృశ్చికం (Scorpio) : వృశ్చికరాశి వారికి ఈ రోజు అనుకూలంగా ఉంటుంది. చిత్తశుద్ధితో చేసే పనులు సత్ఫలితాన్ని ఇస్తాయి. భాగస్వామ్య వ్యాపారంలో కృషికి తగిన ప్రతిఫలం లభిస్తుంది. మీ వ్యక్తిత్వం ఎందరినో ప్రభావితం చేస్తుంది. చంచల నిర్ణయాలతో నష్టం వాటిల్లుతుంది. వృత్తి ఉద్యోగాలలో శ్రమ పెరగకుండా చూసుకోండి. అవసరానికి సరిపడా డబ్బు చేతికి అందుతుంది. శివారాధన శ్రేయస్కరం.
ధనుస్సు (Sagittarius) : ధనుస్సురాశి వారికి ఈ రోజు సామాన్యంగా ఉంటుంది. సహచరుల సహకారంతో చేపట్టిన పనులు పూర్తి చేస్తారు. వృత్తి ఉద్యోగాలలో శ్రమ, ఒత్తిడి పెరుగుతాయి. సన్నిహితులతో వాదప్రతివాదాలు పెరుగుతాయి. ఆరోగ్యం పట్ల జాగ్రత్తగా ఉండాలి. కుటుంబంతో తీర్థయాత్ర చెయ్యవచ్చు. సమయానుకూలంగా నడుచుకుంటే సత్ఫలితాలు ఉంటాయి. నవగ్రహ శ్లోకాలు పఠిస్తే మెరుగైన ఫలితాలు ఉంటాయి.
మకరం (Capricorn) : మకరరాశి వారికి ఈ రోజు ఫలవంతంగా ఉంటుంది. మనోబలంతో చేసే పనులు విశేషమైన లాభాలు ఇస్తాయి. సమాజంలో గౌరవ మర్యాదలు పెరుగుతాయి. ధార్మిక , సామాజిక కార్యకలాపాల కోసం అధికంగా ధనవ్యయం చేస్తారు. కుటుంబంలో సుఖశాంతులు నెలకొంటాయి. ఈశ్వరుని ఆలయ సందర్శనం శుభకరం.
కుంభం (Aquarius) : కుంభరాశి వారికి ఈ రోజు అనుకూలంగా ఉంటుంది. కొత్త ప్రాజెక్టులు చేపట్టడానికి శుభప్రదమైన రోజు. వృత్తిపరంగా లాభించవచ్చు. సామాజికంగా మంచి కీర్తి ప్రతిష్ఠలు అందుకుంటారు. అవివాహితులకు కళ్యాణయోగం ఉంది. జీవిత భాగస్వామితో తీర్థయాత్రలకు వెళ్తారు. ఆరోగ్యం సహకరిస్తుంది. ఇష్ట దేవతారాధన శుభకరం.
మీనం (Pisces) : మీనరాశి వారికి ఈ రోజు ఆశాజనకంగా లేదు. కుటుంబ సభ్యులతో మనస్పర్థలు ఏర్పడతాయి. ప్రతికూల ఆలోచనలు వీడితే మంచిది. దృఢ సంకల్పంతో సత్ఫలితాలు ఉంటాయి. అపోహలు, అపరాధాలకు తావివ్వవద్దు. ఆరోగ్యంపై శ్రద్ధ అవసరం. గణపతి ఆలయ సందర్శన మేలు చేస్తుంది.
