Horoscope Today June 16th 2025 : 2025 జూన్ 16వ తేదీ (సోమవారం)మీ రాశి ఫలం ఎలా ఉందంటే?
మేషం (Aries) : మేషరాశి వారికి ఈ రోజు సామాన్యంగా ఉంటుంది. ఉద్యోగ వ్యాపారాలలో ఆటంకాలు రాకుండా ముందుచూపుతో వ్యవహరించాలి. ఈ రోజంతా వాదనలు, వివాదాలతో సాగుతుంది. స్నేహితులతో వ్యాపారపరమైన చర్చలలో పాల్గొంటారు. ఖర్చుల విషయంలో ఆచి తూచి నడుచుకోవాలి. కొంతమంది ప్రవర్తనతో కలత చెందుతారు. అనారోగ్య సమస్యలు ఉండవచ్చు. శనిధ్యానంతో శుభ ఫలితాలు ఉంటాయి.
వృషభం (Taurus) : వృషభరాశి వారికి ఈ రోజు ప్రతికూల ఫలితాలు ఉండవచ్చు. ఇంటా బయట వ్యతిరేక పరిస్థితులు ఉంటాయి. కుటుంబ సమస్యలు పరిష్కరించడం చాలా కఠినంగా ఉంటుంది. వృత్తి ఉద్యోగాలలో ఆశించిన ఫలితాలు రావడానికి కొంత సమయం పడుతుంది. నిరాశ చెందకండి. వ్యాపారంలో కఠిన శ్రమ, సహనం సత్ఫలితాన్ని ఇస్తుంది. వృధా ఖర్చులు నివారిస్తే మంచిది. శివారాధనతో ప్రతికూలతలు తొలగిపోతాయి.
మిథునం (Gemini) : మిథునరాశి వారికి ఈ రోజు ప్రశాంతంగా గడిచిపోతుంది. కుటుంబంలో, పని ప్రదేశంలో వ్యతిరేక పరిస్థితులు, ప్రతికూలతలు తొలగిపోతాయి. ఈ రోజు చేపట్టిన నూతన కార్యక్రమాలు లాభదాయకంగా ఉంటాయి. ఉద్యోగ వ్యాపారాలలో పురోగతి ఉంటుంది. అనూహ్య ధనలాభాలున్నాయి. ఆరోగ్యంపై శ్రద్ధ పెట్టండి. ఇష్ట దేవతారాధన శుభకరం.
కర్కాటకం (Cancer) : కర్కాటకరాశి వారికి ఈ రోజు మిశ్రమ ఫలితాలు ఉంటాయి. కీలక వ్యవహారాల్లో మీ మాట నెగ్గించుకుంటారు. ఉద్యోగులు తమ పనితీరుతో అధికారుల ప్రశంసలు అందుకుంటారు. సంతానంకు సంబంధించి శుభవార్తలు వింటారు. ఆర్థిక లాభాలున్నాయి. కుటుంబ వ్యవహారాల్లో సహనంతో ఉండాలి. ఓ సంఘటన విచారం కలిగిస్తుంది. వృధా ఖర్చులు నివారిస్తే మంచిది. స్వల్ప అనారోగ్య సమస్యలుంటాయి. సూర్య ఆరాధన శ్రేయస్కరం.
సింహం (Leo) : సింహరాశి వారికి ఈ రోజు అనుకూలంగా ఉంటుంది. పట్టుదలతో పనిచేసి అనుకున్న లక్ష్యాన్ని చేరుకుంటారు. కొన్ని సంఘటనలు మీ ఆత్మవిశ్వాసాన్ని పెంచుతాయి. ఉద్యోగ వ్యాపారాలలో ఆకస్మిక ధనలాభాలున్నాయి. కుటుంబంలో సంతోషకరమైన వాతావరణం ఉంటుంది. ఆరోగ్యం సహకరిస్తుంది. శ్రీలక్ష్మి ధ్యానం శుభప్రదం.
కన్య (Virgo) : కన్యారాశి వారికి ఈ రోజు మిశ్రమ ఫలితాలు ఉంటాయి. స్వశక్తిని నమ్ముకుని ముందుకు సాగితే మెరుగైన ఫలితాలు ఉంటాయి. గతం తాలూకు చేదు అనుభవాలను విస్మరించి ముందుకెళ్లడం మంచిది. వృత్తి ఉద్యోగాలలో స్వల్ప ఆటంకాలున్నా అధిగమిస్తారు. ప్రయాణాలలో జాగ్రత్త వహించాలి. కోపావేశాలు అదుపులో ఉంచుకుంటే మంచిది. కుటుంబ కలహాలు రాకుండా జాగ్రత్త పడండి. కార్యసిద్ధి హనుమ ఆరాధన మేలు చేస్తుంది.
తుల (Libra) : తులారాశి వారికి ఈ రోజు ఫలవంతంగా ఉంటుంది. ఆశ్చర్యపరిచే అనేక సంఘటనలు ఈ రోజు చోటు చేసుకుంటాయి. వృత్తివ్యాపారాలలో కీలక నిర్ణయాలు తీసుకుంటారు. మనోబలంతో చేసే పనులు సత్ఫలితాన్నిస్తాయి. ఇతరుల విషయంలో జోక్యం చేసుకోవద్దు. ప్రయాణాలలో ఆటంకాలు ఉండవచ్చు కాబట్టి వాయిదా వేయండి. ఆదాయం సంతృప్తికరంగా ఉంటుంది. ఖర్చులు పెరగకుండా జాగ్రత్త పడండి. హనుమాన్ చాలీసా పారాయణ శుభకరం.
వృశ్చికం (Scorpio) : వృశ్చికరాశి వారికి ఈ రోజు శుభప్రదంగా ఉంటుంది. గ్రహసంచారం అనుకూలంగా ఉన్నందున ఈ రోజు ఏ పని చేసినా కలిసి వస్తుంది. వృత్తి పరంగా నూతన అవకాశాలు అందుకుంటారు. ఇంటా బయట సానుకూల వాతావరణం ఉంటుంది. బంధువుల నుంచి అందిన శుభవార్త మీ ఇంట ఆనందాన్ని నింపుతుంది. ఉద్యోగ వ్యాపారాలలో చేపట్టిన పనులు సులువుగా పూర్తి అవుతాయి. స్వల్ప ప్రయత్నంతోనే విశేషమైన ఆర్థిక లాభాలు అందుకుంటారు. శ్రీ విష్ణు సహస్రనామ పారాయణ మేలు చేస్తుంది.
ధనుస్సు (Sagittarius) : ధనుస్సురాశి వారికి ఈ రోజు మిశ్రమ ఫలితాలు ఉంటాయి. ఉద్యోగ వ్యాపారాలలో గొప్ప ప్రయత్నాలు ఫలిస్తాయి. ఆర్థికంగా ఎదుగుతారు. అధికారుల నుంచి శ్రమకు తగిన గుర్తింపు రాకపోవడం నిరాశ పరుస్తుంది. ఖర్చులు, రుణభారం పెరగవచ్చు. ప్రమాదకర పరిస్థితులకు దూరంగా ఉండండి. అనారోగ్య సమస్యలు చికాకు పెడతాయి. శివపంచాక్షరీ జపం మేలు చేస్తుంది.
మకరం (Capricorn) : మకరరాశి వారికి ఈ రోజు ఫలప్రదంగా ఉంటుంది. ఆర్థిక సమస్యల నుంచి బయట పడతారు. కళాకారులకు, మీడియా రంగం వారికి శుభ ఫలితాలు ఉంటాయి. సామాజికంగా పేరు ప్రఖ్యాతులు లభిస్తాయి. ఆర్థికంగా కలిసి వస్తుంది. అనారోగ్య సమస్యలు తగ్గు ముఖం పడతాయి. ఆధ్యాత్మిక ధార్మిక కార్యక్రమాల్లో పాల్గొంటారు. శ్రీ సుబ్రహ్మణ్యస్వామి ఆలయ సందర్శనం శుభకరం.
కుంభం (Aquarius) : కుంభరాశి వారికి ఈ రోజు మిశ్రమ ఫలితాలు ఉంటాయి. ప్రతికూల పరిస్థితుల విముక్తి లభిస్తుంది. న్యాయపరమైన వ్యవహారాల్లో అనుకూలత ఉంటుంది. వృత్తి ఉద్యోగాలలో శ్రమ పెరుగుతుంది. ఆశించిన ఫలితాల కోసం అధిక శ్రమ అవసరం. కుటుంబంతో తీర్థయాత్రలకు వెళ్తారు. ఉద్యోగులు అధికారులతో జాగ్రత్తగా నడుచుకోవాలి. ఆరోగ్యంపై శ్రద్ధ పెట్టండి. శ్రీ దక్షిణామూర్తి స్తోత్రం పఠిస్తే మెరుగైన ఫలితాలు ఉంటాయి.
మీనం (Pisces) : మీనరాశి వారికి ఈ రోజు అనుకూలంగా ఉంటుంది. కీలక వ్యవహారాల్లో తక్షణమే నిర్ణయాలు తీసుకోవాలి కాబట్టి బుద్ధిబలంతో వ్యవహరించండి. మానసికంగా దృఢంగా ఉంటారు. సానుకూల పరిస్థితుల ప్రభావంతో చేపట్టిన ప్రతి పనిలోనూ విజయం సిద్ధిస్తుంది. దైవబలం సంపూర్ణంగా ఉంది. చంచల నిర్ణయాలు నష్టం కలిగిస్తాయి. ఆరోగ్యం సహకరిస్తుంది. శివపార్వతుల ఆలయ సందర్శనం మేలు చేస్తుంది.
