'కంచ గచ్చిబౌలి భూములపై వెంటనే చర్యలు చేపట్టాలి' : ప్రధాని మోదీకి కేటీఆర్ విజ్ఞప్తి

ప్రధాని మోదీకి కేటీఆర్​ విజ్ఞప్తి - కంచ గచ్చిబౌలి భూముల విషయంలో వెంటనే చర్యలు చేపట్టాలి - కాంగ్రెస్​ ప్రభుత్వం రూ.10 వేల కోట్ల ఆర్థిక మోసానికి పాల్పడిందని ఆరోపణ

KTR Spoke on Kancha Gachibowli Lands : పర్యావరణంపై ప్రధాని మోదీకి ఉన్న చిత్తశుద్ధి నిరూపించుకోవాల్సిన సమయం ఆసన్నమైందని బీఆర్​ఎస్​ వర్కింగ్​ ప్రెసిడెంట్​ కేటీఆర్​ అన్నారు. కంచ గచ్చిబౌలి అటవీ ప్రాంత విషయంలో మోదీ ఆవేదన కేవలం మాటలకే పరిమితం కాకుండా భూముల ఆర్థిక అక్రమాలపై విచారణ చేపట్టి కాంగ్రెస్​, బీజేపీ కుమ్మక్కు కాలేదని నిరూపించుకోవాలని సూచించారు.

Dear Hon'ble Prime Minister @narendramodi ji,

I was heartened to hear your speech about the destruction of Kancha Gachibowli Forest by Telangana CM Revanth Reddy. However, I hope it's not just lip service

The devastation in Kancha Gachibowli is not just a grave environmental… pic.twitter.com/8byfzDwUkR

— KTR (@KTRBRS) April 18, 2025

కంచ గచ్చిబౌలి అంశం కేవలం వందల ఎకరాల పర్యావరణ విధ్వంసం మాత్రమే కాదని, కాంగ్రెస్​ ప్రభుత్వం చేసిన రూ.10 వేల కోట్ల ఆర్థిక మోసం అని కేటీఆర్​ ఆరోపించారు. ఇప్పటికే సెంట్రల్​ విజిలెన్స్​ కమిషన్​, సీబీఐ, ఆర్​బీఐ, సెబీ, సీరియస్​ ఫ్రాడ్​ ఇన్వెస్టిగేషన్​ ఆర్గనైజేషన్​ సంస్థలకు ఆధారాలతో సహా ఈ ఆర్థిక మోసం గురించి తెలియజేశామని కేటీఆర్​ చెప్పారు. కేంద్ర ప్రభుత్వ ఆర్థిక మోసాలు చేసే వారిని ప్రజలు ముందు నిల్చోబెట్టాల్సిన అవసరం ఉందని కేటీఆర్​ చెప్పుకొచ్చారు.