అమ్మమ్మల పద్ధతిలో కమ్మని "కందికట్టు" చేసుకోండి - పప్పుచారు కంటే కూడా భలే రుచిగా ఉంటుంది!

Kandikattu Making Process : ఇంట్లో కూరగాయలు లేనప్పుడు ఏం కర్రీ చేయాలని ఆలోచిస్తుంటాం. అలాగే, కొన్నిసార్లు బయటకు వెళ్లి వెజిటబుల్స్ తెచ్చుకునే ఓపిక ఉండదు. అలాంటి టైమ్​లో ఇంట్లో ఉండే ఒకట్రెండు ఇంగ్రీడియంట్స్​తో ఈజీగా, రుచికరంగా చేసుకునే ఒక మంచి రెసిపీ తీసుకొచ్చాం. అదే, అమ్మమ్మల నాటి "కందికట్టు". మంచి రుచితో ఎంతో సింపుల్​గా చేసుకోగలిగే దీన్ని వేడి వేడి అన్నంలో పోసుకొని తింటుంటే అద్భుతంగా ఉంటుంది. సాంబార్, పప్పుచారు వంటి వాటికంటే కూడా ఇది చాలా టేస్టీగా ఉంటుంది. ఇది నోటికి కమ్మగా ఉండడమే కాకుండా పొట్టకి లైట్​గానూ ఉంటుంది! పిల్లలు కూడా దీన్ని ఎంతో ఇష్టంగా తింటారు. మరి, ఈ పాతకాలం నాటి కందికట్టుని ఎలా చేసుకోవాలో ఇప్పుడు చూద్దాం.

తీసుకోవాల్సిన పదార్థాలు :

• కందిపప్పు - ఒక గ్లాసు
• పసుపు - పావుటీస్పూన్

ఈ పొడితో "టమాటా రసం" చేసుకోండి - కమ్మని రుచితో తినడమే కాదు గ్లాసుల్లో పోసుకుని తాగేస్తారు!

తయారీ విధానం :

• ఈ పాతకాలం నాటి కందికట్టు కోసం ముందుగా స్టవ్ మీద కుక్కర్​లో కందిపప్పుని తీసుకొని లో ఫ్లేమ్​లో మంచి వాసన వచ్చి, రంగు మారేంత వరకు కలుపుతూ వేయించుకోవాలి.
• తర్వాత దాన్ని ఒక గిన్నెలోకి తీసుకొని పూర్తిగా చల్లారనిచ్చి ఆపై తగినన్ని నీళ్లు పోసుకొని ఒకసారి శుభ్రంగా కడగాలి.
• అనంతరం కడిగిన కందిపప్పుని మళ్లీ కుక్క్​ర్​లో వేసుకొని నాలుగు నుంచి ఐదు గ్లాసుల వరకు వాటర్ పోసుకోవాలి.
• ఆపై అందులో పసుపు వేసుకొని కలిపి మూతపెట్టి మీడియం ఫ్లేమ్​లో మూడు విజిల్స్ వచ్చేంత వరకు ఉడికించుకోవాలి.
• ఒకవేళ ఇక్కడ మీరు పప్పుని నానబెట్టి చేసుకున్నట్లయితే రెండు విజిల్స్​కే పప్పు చక్కగా ఉడికిపోతుంది.
• అయితే, కందిపప్పు అనేది మరీ మెత్తగా కాకుండా కాస్త పలుకులుగా ఉండేలా ఉడికించుకుంటే సరిపోతుంది.
• అనంతరం ఉడికించిన పప్పులో నుంచి పైన ఉన్న తేటని మాత్రమే ఒక గిన్నెలోకి తీసుకొని పక్కన పెట్టుకోవాలి. ఇప్పుడు తాలింపుని ప్రిపేర్ చేసుకోవాలి.

తాలింపు కోసం :

• నూనె - రెండు టేబుల్​స్పూన్లు
• నెయ్యి - అరటేబుల్​స్పూన్
• మెంతిగింజలు - పది
• ఆవాలు - పావుటీస్పూన్
• జీలకర్ర - పావుటీస్పూన్
• వెల్లుల్లి రెబ్బలు - నాలుగైదు
• పచ్చిమిర్చి - రెండు
• ఎండుమిర్చి - నాలుగు
• కరివేపాకు - కొద్దిగా

• ఇందుకోసం స్టవ్ మీద చిన్న కడాయి పెట్టుకొని ఆయిల్, నెయ్యి వేసుకోవాలి. నెయ్యి కరిగి ఆ మిశ్రమం కాస్త వేడయ్యాక మెంతులు, ఆవాలు, జీలకర్ర వేసుకొని వేయించాలి.
• అవి కాస్త వేగాక కచ్చాపచ్చాగా దంచిన వెల్లుల్లి రెబ్బలు, పచ్చిమిర్చి చీలికలు, ఎండుమిర్చి తుంపలు వేసుకొని కాసేపు ఫ్రై చేసుకోవాలి.
• చివర్లో కరివేపాకు వేసి కాస్త వేయించాక ముందుగా ఉడికించి గిన్నెలోకి తీసుకున్న కందిపప్పు నీళ్లను పోసుకొని ఒకసారి బాగా కలిపి కొద్దిసేపు ఉడికించి దింపేసుకోవాలి.
• ఆపై రుచికి సరిపడా ఉప్పు వేసుకొని కలిపి, చల్లారిన తర్వాత కొద్దిగా నిమ్మరసం పిండుకోవాలి.
• ఆఖర్లో కాస్త కొత్తిమీర తరుగు వేసుకొని కలిపి సర్వ్ చేసుకుంటే చాలు. అంతే, ఎంతో రుచికరంగా ఉండే పాతకాలం నాటి కమ్మని "కందికట్టు" రెడీ!
• అయితే, కందికట్టు అనేది కాస్త పలుచగానే ఉంటుంది. అదే, కొద్దిగా చిక్కగా ఉండాలనుకునేవారు ఉడికించుకున్న కందిపప్పుని మెత్తగా మెదిపి వేసుకొని ప్రిపేర్ చేసుకుంటే సరిపోతుంది.

టిప్స్ :

• కొందరు ఈ రెసిపీని పప్పు వేయించకుండానూ ప్రిపేర్ చేసుకుంటుంటారు. కానీ, పప్పుని వేయించి చేసుకుంటే మంచి స్మోకీ ఫ్లేవర్​తో, కమ్మగా చాలా బాగుంటుంది కందికట్టు.
• ఈ కందికట్టు కోసం ప్రిపేర్ చేసుకునే తాలింపులో పచ్చిమిర్చి, ఎండుమిర్చిలను మీ రుచికి సరిపడా వేసుకోవాలి.

ఈ సమ్మర్​లో చారు ఉండాల్సిందే - ఈ పద్ధతిలో చేయండి - ఏకంగా రసం తాగేస్తారు!

వేసవిలో ఒంటికి చలువ చేసే "టిఫెన్" - బరువు తగ్గాలనుకునేవారు, షుగర్ ఉన్నోళ్లు హాయిగా తినొచ్చు!