పిల్లలకు ఆరోగ్యానందించే "లడ్డూలు" - స్కూల్​ నుంచి రాగానే రోజుకొకటి ఇవ్వండి - టేస్ట్​ సూపర్​!

-పిల్లలకు రుచితో పాటు ఆరోగ్యాన్ని అందించే లడ్డూలు! -ఇలా ప్రిపేర్​ చేసుకుంటే చాలా టేస్టీగా ఉంటాయి!

Tasty and Healthy Sesame Laddu: మరో నాలుగు రోజుల్లో పాఠశాలలు రీ ఓపెన్​ కానున్నాయి. ఇక స్కూల్​కు వెళ్లొచ్చిన పిల్లలు స్నాక్స్​ కావాలని గోల చేస్తుంటారు. అయితే చిన్నారులు స్నాక్స్​ కావాలన్నప్పుడు ఏదో ఒకటి పెట్టకుండా రుచికి రుచి, ఆరోగ్యానికి ఆరోగ్యం అందించే ఈ లడ్డూను ఇవ్వండి. చాలా ఇష్టంగా తింటారు. బెల్లం, పంచదార లేకుండా చేసే ఈ స్వీట్​ చాలా టేస్టీగా ఉంటుంది. పైగా పాకం అవసరం లేకుండా తయారు చేసుకోవచ్చు. ఒక్కసారి వీటిని ప్రిపేర్​ చేస్తే సుమారు 10 రోజుల పాటు నిల్వ ఉంటాయి. పిల్లలకు రోజుకో లడ్డూ ఇచ్చారంటే బలంగా తయారవుతారు. మరి లేట్​ చేయకుండా టేస్టీ అండ్​ హెల్దీ లడ్డూలను ఎలా తయారు చేసుకోవాలో చూసేయండి.

నువ్వులు (Getty Images)

కావాల్సిన పదార్థాలు:

• నువ్వులు - 140 గ్రాములు(1 కప్పు)
• పల్లీల్లు - అర కప్పు(70 గ్రాములు)
• అవిసె గింజలు - అర కప్పు(70 గ్రాములు)
• ఖర్జూరాలు - 70 గ్రాములు(20)
• యాలకులు - 5

ఖర్జూరం (Getty Images)

తయారీ విధానం:

• స్టవ్​ ఆన్​ చేసి పాన్​ పెట్టి నువ్వులు వేసుకోవాలి. మంటను సిమ్​లో పెట్టి కలుపుతూ చిటపటలాడేంతవరకు వేయించుకోవాలి.
• నువ్వులు వేగిన తర్వాత ఓ ప్లేట్​లోకి తీసుకుని చల్లారినివ్వాలి. అదే పాన్​లోకి పల్లీలు వేసి మంచిగా వేయించి వీటిని ఓ ప్లేట్​లోకి తీసుకోవాలి.
• అదే పాన్​లో అవిసె గింజలు వేసి ఓ మూడు నిమిషాల పాటు వేయించి స్టవ్​ ఆఫ్​ చేసి పక్కన పెట్టాలి.
• ఇవి చల్లారేలోపు ఖర్జూరాల్లోని గింజలు తీసేసి చిన్న ముక్కలుగా కట్​ చేసుకోవాలి.
• మిక్సీజార్​లోకి చల్లారిన నువ్వులు, యాలకులు వేసి మెత్తగా గ్రైండ్​ చేయాలి. ఆ తర్వాత అవిసె గింజలు వేసి మరోసారి మిక్సీ పట్టాలి.

వేయించిన నువ్వులు (ETV Bharat)

• ఇప్పుడు ముక్కలుగా కట్​ చేసుకున్న ఖర్జూరం వేసి మెత్తగా నువ్వుల మిశ్రమానికి పట్టేలా కలుపుకోవాలి. ఇలా గ్రైండ్​ చేసుకున్న తర్వాత కొద్దిగా పొడి తీసుకుని లడ్డూల చుట్టుకుంటే పర్ఫెక్ట్​ షేప్​ వస్తే సరి. లేదంటే మరోసారి గ్రైండ్​ చేసుకోవాలి.
• చివరగా వేయించిన పల్లీలు వేసి పల్స్​ మోడ్​లో బరకగా గ్రైండ్​ చేసుకోవాలి. ఇలా గ్రైండ్​ చేసిన మిశ్రమాన్ని ఓ ప్లేట్​లోకి తీసుకోవాలి.

వేయించిన పల్లీలు (ETV Bharat)

• చేతికి నెయ్యి రాసుకుని కొద్దిగా నువ్వుల మిశ్రమాన్ని తీసుకుని లడ్డూలా చేసి ఓ ప్లేట్​లోకి తీసుకోవాలి. ఇలా పొడి మొత్తాన్ని లడ్డూలుగా చుట్టుకోవాలి.
• ఇలా చేసుకున్న వాటిని గాలి చొరబడని, తడి లేని గాజు సీసాలో స్టోర్​ చేసుకుంటే సరి. ఎంతో టేస్టీగా, మరెంతో హెల్దీగా ఉండే నువ్వుల లడ్డూ రెడీ. నచ్చితే మీరూ ట్రై చేయండి.

నువ్వల లడ్డూ మిశ్రమం (ETV Bharat)

చిట్కాలు:

• నువ్వులు, పల్లీలు, అవిసె గింజలను కేవలం లో ఫ్లేమ్​లో మాత్రమే వేయించాలి. మరీ ముఖ్యంగా నువ్వలను ఎక్కువసేపు వేయిస్తే అవి రంగు మారడమే కాకుండా లడ్డూలు చేదు వచ్చే అవకాశం ఉంటుంది. కాబట్టి కాస్త చిటపటలాడేవరకు వేయిస్తే సరి.
• ఒకవేళ ఖర్జూరాలను గ్రైండ్​ చేయాల్సిన పనిలేదు అనుకున్న వారు సన్నని ముక్కలుగా కట్​ చేసుకోవాలి. ఆ తర్వాత వీటిని గ్రైండ్​ చేసిన నువ్వుల మిశ్రమంలో కలిపి లడ్డూలుగా చుట్టుకుంటే సరి.