వెనీలా ఐస్​క్రీమ్​ కాదు - ఇలా "మిల్క్​షేక్​" చేసుకోండి! - వేసవిలో ఒక్క గ్లాస్​ తాగితే మజా వస్తుంది!

-ఎండాకాలంలో కూల్​కూల్​ వెనీలా మిల్క్​షేక్​! -సూపర్​ టేస్ట్​తో అద్దిరిపోతుంది!

Summer Special Vanilla Milkshake: ఎండాకాలం వచ్చిందంటే చాలు పిల్లలు ఐస్​క్రీమ్​ని ఎంతో ఇష్టంగా తింటుంటారు. ఐస్​ బండి కనపడితే చాలు కొనిచ్చే వరకు మారాం చేస్తుంటారు. ఇక ఐస్​క్రీమ్​లో కూడా బోలెడు ఫ్లేవర్లు ఉన్నాయి. మరీ ముఖ్యంగా వెనీలా ఐస్​ అంటే పిల్లలకు చాలా ఇష్టం. కేవలం చిన్నారులు మాత్రమే కాదు పెద్దలు కూడా ఎంతో ఇష్టంగా తింటారు. అయితే ఎండాకాలంలో ఎప్పుడూ వెనీలా ఐస్​క్రీమ్​ కాకుండా ఓసారి వెనీలా మిల్క్​షేక్​ ప్రిపేర్​ చేసుకోండి. చాలా బాగుంటుంది. మండే ఎండల్లో ఒక్క గ్లాసు ఇది తాగారంటే అమృతమే. పైగా ఫుల్​ చిల్​ అవ్వొచ్చు. మరి లేట్​ చేయకుండా వెనీలా మిల్క్​షేక్​ ఎలా తయారు చేసుకోవాలో ఈ స్టోరీలో చూద్దాం.

Milk (Getty Images)

కావాల్సిన పదార్థాలు:

• చిక్కటి పాలు - 1 లీటర్​
• పంచదార - ముప్పావు కప్పు
• పాల పొడి - 4 టేబుల్​స్పూన్లు
• విప్పింగ్​ క్రీమ్​ పౌడర్​ - 2 టేబుల్​స్పూన్లు
• శాంతన్​ గమ్ పౌడర్​​ - 1 టీస్పూన్​
• ఐస్​క్యూబ్స్​ - 10
• వెనీలా ఎక్స్​ట్రాక్ట్​ - 1 టీస్పూన్​
• వెనీలా ఐస్​క్రీమ్​ - 4 స్కూప్స్​
• డ్రైఫ్రూట్స్​ పలుకులు - కొద్దిగా

Sugar (Getty Images)

తయారీ విధానం:

• స్టవ్​ ఆన్​ చేసి అడుగు మందంగా ఉన్న గిన్నె పెట్టి చిక్కటి పాలు పోసి కలుపుతూ మరిగించాలి.
• పాలు బాగా మరిగిన తర్వాత స్టవ్​ ఆఫ్​ చేసి ఓ గిన్నెలోకి పోసుకుని పూర్తిగా చల్లారనివ్వాలి.
• ఇలా చల్లారిన పాలను ఫ్రీజర్​లో సుమారు 3 గంటల పాటు ఉంచాలి.

Milk Boiling (ETV Bharat)

• ఆ తర్వాత మిక్సీజార్​లోకి పంచదార, పాల పొడి, విప్పింగ్​ క్రీమ్​ పౌడర్​, శాంతన్​ గమ్​ వేసి మెత్తని పొడిలా గ్రైండ్​ చేసుకోవాలి. ఇలా చేసుకుంటే మిల్క్​షేక్​ పౌడర్​ రెడీ అయినట్లే.

Milkshake Powder (ETV Bharat)

• పాలు చల్లారిన తర్వాత మిక్సీజార్​లోకి ఐస్​క్యూబ్స్​, గ్రైండ్​ చేసిన మిల్క్​షేక్​ పౌడర్​, వెనీలా ఎక్స్​ట్రాక్ట్, ఫ్రీజర్​లో ఉంచిన పాలు, వెనీలా ఐస్​క్రీమ్​ వేసి హై ఫ్లేమ్​లో సుమారు ఓ నిమిషం పాటు బ్లెండ్​ చేయాలి.
• ఇలా బ్లెండ్​ చేసిన మిల్క్​ను ఓ గ్లాసులోకి పోసుకుని పైన డ్రైఫ్రూట్స్​ పలుకులతో గార్నిష్​ చేసుకుంటే సూపర్​ టేస్టీ వెనీలా మిల్క్​ షేక్​ ఇంట్లోనే రెడీ. నచ్చితే మీరూ ట్రై చేయండి.

Vanilla Milkshake (ETV Bharat)

చిట్కాలు:

• మిల్క్​షేక్​ పౌడర్​ అనేది చాలా మెత్తగా ఉండాలి. ఏ మాత్రం రవ్వగా ఉన్నా టేస్ట్​ బాగోదు. మెత్తగా ఉండటం కోసం కావాలనుకుంటే జల్లెడ పట్టుకోవచ్చు.
• పాలను బ్లెండ్​ చేసేటప్పుడు వెనీలా ఐస్​క్రీమ్​ అనేది ఆప్షనల్​. లేదనుకుంటే స్కిప్​ చేసుకోవచ్చు.
• ఈ మిల్క్​షేక్​ను ప్రిపేర్​ చేసుకునేందుకు నార్మల్​ మిక్సీజార్​లు కాకుండా జ్యూస్​లు పట్టే జార్​లు వాడితే టేస్ట్​ మరింత బాగుంటుంది.
• డ్రైఫ్రూట్స్​ పలుకులు బదులు స్ప్రింకిల్స్​ యూజ్​ చేసుకుంటే సరి.

Vanilla Milkshake (ETV Bharat)