మండుటెండల్లో "మ్యాంగో కుల్ఫీ" - మిల్క్​ పౌడర్​, క్రీమ్​ అవసరం లేదు - పిల్లలు ఎంజాయ్​ చేస్తారు!

ఇంట్లోని ఐటమ్స్​తోనే ఈజీగా తయారు చేసుకోవచ్చు!

Summer Special Mango Kulfi: సమ్మర్​ అంటే మామిడికాయల సీజన్​. ప్రస్తుతం మార్కెట్లో పచ్చి మామిడికాయలతో పాటు పండ్లు కూడా లభిస్తున్నాయి. ఇక చాలా మంది పండ్లను నేరుగా తింటుంటారు. మరికొందరేమో మిల్క్​షేక్​, జ్యూస్​లు, ఐస్​క్రీమ్​లు చేసుకుంటుంటారు. అయితే పండ్లతో ఇవి మాత్రమే కాకుండా క్రిమీగా ఉండే కుల్ఫీలు కూడా చేసుకోవచ్చు. పైగా వీటిని ప్రిపేర్​ చేసుకునేందుకు పాలు, స్టవ్​ యూజ్​ చేయాల్సిన అవసరం లేదు. కేవలం నిమిషాల్లో తయారు చేసుకోవచ్చు. పిల్లలైతే ఒకటికి రెండు ఇష్టంగా తినేస్తారు. మరి లేట్​ చేయకుండా ఈ మ్యాంగో కుల్ఫీలు ఎలా చేసుకోవాలో ఈ స్టోరీలో చూద్దాం.

Mangoes (Getty Images)

కావాల్సిన పదార్థాలు:

• మామిడి పండు - 1
• పంచదార - పావు కప్పు
• జీడిపప్పు - పావు కప్పు
• పాల మీగడ - పావు కప్పు
• బ్రెడ్​ స్లైస్​లు - 2
• యాలకుల పొడి - పావు టీ స్పూన్​
• డ్రైఫ్రూట్స్​ పలుకులు - కొద్దిగా

Cashews (Getty Images)

తయారీ విధానం:

• వేడి నీటిలో జీడిపప్పును సుమారు అర గంట సేపు నాననివ్వాలి.
• మామిడి పండును శుభ్రంగా కడిగి పై తొక్క తీసేసి చిన్న చిన్న ముక్కలుగా కట్​ చేసుకోవాలి. బ్రైడ్​ స్లైస్​ల్లో బ్రౌన్​ కలర్ తీసేసి ముక్కలుగా చేసుకోవాలి.​
• జీడిపప్పులు నానిన తర్వాత కుల్పీ ప్రిపేర్​ చేసుకోవాలి. అందుకోసం మిక్సీ జార్​లోకి మామిడి ముక్కలు, పంచదార, నానబెట్టిన జీడిపప్పు, బ్రైడ్​ స్లైస్​లు వేసుకుని మెత్తగా గ్రైండ్​ చేసుకోవాలి.
• అనంతరం పాల మీగడ, యాలకుల పొడి వేసి మధ్యమధ్యలో ఆపుకుంటూ మెత్తగా గ్రైండ్​ చేసుకోవాలి.

Sugar (Getty Images)

• కుల్ఫీ మౌల్డ్స్​ తీసుకోవాలి. వాటి అడుగు భాగంలో డ్రైఫ్రూట్స్​ పలుకులు కొన్ని వేసుకోవాలి. ఆపై మ్యాంగో మిశ్రమాన్ని వేసుకోవాలి. పైన కూడా మరికొన్ని పలుకులు వేసుకుని చిన్నగా నేలకు ట్యాప్​ చేయాలి. ఇలా చేయడం వల్ల మధ్యలో గ్యాప్​ ఏమైనా ఉంటే సెట్​ అవుతుంది.
• ఇలా మ్యాంగో మిశ్రమం ఉంచిన తర్వాత మౌల్డ్​ను బటర్​ పేపర్​ లేదా అల్యుమినియం ఫాయిల్​తో క్లోజ్​ చేసి ఐస్​క్రీమ్​ స్టిక్​ ఉంచాలి. ఇలా మౌల్డ్స్​ అన్నింటిని ప్రిపేర్​ చేసుకోవాలి.

Mango Kulfi (ETV Bharat)

• ఒకవేళ మీ దగ్గర కుల్ఫీ మౌల్డ్స్​ లేకపోతే స్టీల్​ గ్లాస్​లలో ఈ మిశ్రమం పోసి ఫాయిల్​తో కవర్​ చేసి స్టిక్​ ఉంచాలి.
• ఇలా ప్రిపేర్​ చేసుకున్న అన్నింటిని ఫ్రీజర్​లో హై కూలింగ్​లో సుమారు 8 గంటల పాటు ఉంచాలి. వీలైతే రాత్రంతా ఉంచినా సరిపోతుంది.
• ఆ మరుసటి రోజు వాటిని డీమౌల్డ్​ చేసి కూల్​కూల్​గా తింటే అద్దిరిపోతుంది. చూశారుగా నచ్చితే మీరూ ఓసారి ట్రై చేయండి. పిల్లలు ఇష్టంగా తింటారు.

టిప్స్​:

• మామిడి పండు స్వీట్​కు తగినట్లుగా పంచదారను అడ్జస్ట్​ చేసుకోవాలి.
• పాల మీగడ లేకపోతే కాచి చల్లార్చిన పాలను పోసుకున్నా సరిపోతుంది. మీగడైతే కుల్ఫీ క్రీమిగా వస్తుంది.
• యాలకులు పొడి బదులు లైట్​గై వెనీలా అసెన్స్​ వేసుకున్నా టేస్ట్​ బాగుంటుంది.

Mango Kulfi (ETV Bharat)