జొన్న పిండితో మెత్తని "ఇడ్లీలు" - అప్పటికప్పుడు చేసుకోవచ్చు! - చట్నీ ఏదైనా సూపర్​ టేస్ట్​!

Soft Jowar Flour Idli: ఆరోగ్యానికి మేలు చేసే జొన్నలను ప్రస్తుతం చాలా మంది తమ డైట్​లో చేర్చుకుంటున్నారు. ఎందుకంటే ఇందులోని పోషకాలు షుగర్​, బరువును తగ్గించడం, జీర్ణక్రియను మెరుగుపరచడం, మలబద్ధకాన్ని తగ్గించడం సహా ఎన్నో ఆరోగ్య ప్రయోజనాలను అందిస్తాయి. అయితే జొన్నలతో చేసే వంటలు అంటే చాలా మందికి రొట్టెలు మాత్రమే గుర్తుకువస్తాయి. ఇంకొందరు దోశలు, ఇడ్లీలు వంటివి ప్రిపేర్​ చేస్తుంటారు. అయితే ఇడ్లీలు చేయాలంటే జొన్న రవ్వ కావాలని చాలా మంది అనుకుంటారు. కానీ జొన్న పిండితో కూడా సూపర్​ సాఫ్ట్​గా ఉండే ఇడ్లీలు చేసుకోవచ్చు. పైగా పది నిమిషాల్లో ప్రిపేర్​ చేసుకోవచ్చు. మరి లేట్​ చేయకుండా జొన్న పిండితో ఇడ్లీలు ఎలా చేయాలో చూసేయండి.

Jowar Flour (Getty Images)

కావాల్సిన పదార్థాలు:

• జొన్న పిండి - 1 కప్పు
• బొంబాయి రవ్వ - అర కప్పు
• పెరుగు - 1 కప్పు
• ఉప్పు - సరిపడా
• బేకింగ్​ సోడా - పావు టీస్పూన్​

Curd (Getty Images)

తయారీ విధానం:

• ఓ బౌల్​లోకి జొన్న పిండి, బొంబాయి రవ్వ, పెరుగు, అర కప్పు వాటర్​ పోసి మిక్స్​ చేసుకోవాలి.
• ఆ తర్వాత మరో పావు కప్పు వాటర్​ పోసి బాగా కలిపి మూత పెట్టి కొద్దిసేపు నాననివ్వాలి.
• 10 నిమిషాల తర్వాత మూత తీసి మరోసారి కలపాలి. అనంతరం రుచికి సరిపడా ఉప్పు, బేకింగ్​ సోడా, 3 టేబుల్​స్పూన్ల నీళ్లు పోసి పిండిని ఇడ్లీలు వేసుకునేందుకు సరిపడేలా మిక్స్​ చేసుకోవాలి.

Suji Rava (Getty Images)

• స్టవ్​ ఆన్​ చేసి ఇడ్లీ పాత్ర పెట్టి రెండు కప్పుల నీరు పోసి మూత పెట్టి వాటర్​ మరిగించుకోవాలి.
• ఈలోపు ఇడ్లీ ప్లేట్స్​కు నూనె లేదా నెయ్యి అప్లై చేసి ప్రిపేర్​ చేసుకున్న జొన్న పిండి మిశ్రమాన్ని వేసుకోవాలి.
• ఇలా అన్ని ప్లేట్స్​కు వేసుకుని పక్కన పెట్టాలి. ఇడ్లీ పాత్రలోని నీరు మరుగుతున్నప్పుడు మూత తీసి పిండి వేసుకున్న ఇడ్లీ ప్లేట్స్​ పెట్టి మూత ఉంచి హై ఫ్లేమ్​లో 10 నుంచి 12 నిమిషాల పాటు కుక్​ చేసుకోవాలి.

Jowar Flour Idli (ETV Bharat)

• ఇడ్లీలు ఉడికిన తర్వాత స్టవ్​ ఆఫ్​ చేసి ఓ 5 నిమిషాలు అలానే వదిలేయాలి. ఆ తర్వాత వేడివేడిగా ప్లేట్​లోకి సర్వ్ చేసుకుని నచ్చిన చట్నీతో తింటే సూపర్​ టేస్టీగా ఉండే జొన్న పిండి ఇడ్లీ రెడీ. నచ్చితే మీరూ ట్రై చేయండి.

Jowar Flour Idli (ETV Bharat)

చిట్కాలు:

• పచ్చ జొన్న పిండి అయితే ఇడ్లీలు మెత్తగా రావడంతో పాటు రుచిగా ఉంటాయి.
• బేకింగ్​ సోడాను ఇడ్లీలు వేసుకునేముందు మాత్రమే కలుపుకోవాలి​.
• అలాగే నీటిని ఎక్కువ తక్కువ కాకుండా ఇడ్లీలు వేసుకునేందుకు సరిపడేలా పోసుకోవాలి.

Jowar Flour Idli (ETV Bharat)

చింతపండు లేకుండా "మసాలా ఫిష్ కర్రీ" - నీచు వాసనకు తావు లేదు! - హోటల్​ టేస్ట్​ పక్కా!

అద్దిరిపోయే "పచ్చి టమాటా చట్నీ" - ఒక్కసారి తింటే ఫ్యాన్ అయిపోతారు - అన్నం, టిఫెన్స్​లోకి పర్ఫెక్ట్​!