"సెమీ గ్రేవీ చేపల వేపుడు" - ఒక్క సారైనా ఇలాంటి రుచి ఆస్వాదించాల్సిందే - చేప ముక్క భలే రుచిగా ఉంటుంది!

"ఫిష్​ ఫ్రై" అందరూ చేస్తారు - కానీ, కొత్తగా ఇలా చేయండి రుచి అద్దిరిపోతుంది!

Semi Gravy Fish Fry in Telugu : నాన్​వెజ్​ ప్రియులు ఫిష్​ పులుసు ఎంత ఇష్టంగా తింటారో చేపల వేపుడు ఓ పట్టు పట్టేస్తారు. చేపల పులుసు కోసం వాటిని మ్యారినేట్ చేసిన తర్వాత మంచి ముక్కలను పాన్​లో కాస్త నూనె వేసి ఫ్రై చేస్తుంటారు. కారం, మసాలాలతో ఈ ఫిష్​ ఫ్రై అలాగే తింటుంటారు. అయితే, ఈ చేప ముక్కలను ఫ్రై చేసిన తర్వాత ఇలా గ్రేవీతో వేపుడు చేయండి. టేస్ట్​ వేడివేడి అన్నంలోకి అద్దిరిపోతుంది. ఈ సెమీ గ్రేవీ చేపల వేపుడు ఒక్కటి ఉంటే చాలు అన్నం తృప్తిగా తినొచ్చు. పైగా ఈ చేపల వేపుడు చేయడం కూడా చాలా ఈజీ. మరి సింపుల్​గా సెమీ గ్రేవీ చేపల వేపుడు ఎలా చేయాలో ఇప్పుడు చూద్దాం.

Fish (ETV Bharat)

కావాల్సిన పదార్థాలు

• చేప ముక్కలు - కేజీ
• 6 టేబుల్​స్పూన్లు - ఆయిల్
• ఉప్పు, కారం - రుచికి సరిపడా
• ఉల్లిపాయలు - 3
• కరివేపాకు - 4
• టీస్పూన్ - అల్లం వెల్లుల్లి పేస్ట్
• అరటీస్పూన్ - పసుపు
• టీస్పూన్ - ధనియాలపొడి
• టీస్పూన్​ - జీలకర్ర పొడి
• పచ్చిమిర్చి - 3

Semi Gravy Fish Fry (ETV Bharat)

మ్యారినేషన్ మసాలా ప్రిపేర్​ చేయడం కోసం

• 2 టీస్పూన్లు - అల్లం-వెల్లుల్లి పేస్ట్
• రుచికి సరిపడా కారం, ఉప్పు
• టీస్పూన్ - పసుపు
• ధనియాలపొడి - టేబుల్​స్పూన్​

Semi Gravy Fish Fry (ETV Bharat)

తయారీ విధానం

• ముందుగా చేప ముక్కలు ఉప్పు, నిమ్మరసం వేసి బాగా కలపండి. ఆపై రెండుమూడు సార్లు నీటితో క్లీన్ చేసుకోవాలి. ఇలా చేపలను ఉప్పు, నిమ్మరసంతో కడగడం వల్ల నీచు వాసన రాకుండా ఉంటాయి.
• మసాలా ప్రిపేర్​ చేయడం కోసం ఒక ప్లేట్లో 2 టీస్పూన్లు అల్లం-వెల్లుల్లి పేస్ట్, రుచికి సరిపడా కారం, ఉప్పు, టీస్పూన్ పసుపు, ధనియాలపొడి టేబుల్​స్పూన్​ వేసి కొద్దిగా నూనె వేసి పేస్ట్​లాగా కలుపుకోవాలి. పేస్ట్ మరీ చిక్కగా అనిపిస్తే కొద్దిగా వాటర్​ వేసి కలుపుకోవచ్చు.

Semi Gravy Fish Fry (ETV Bharat)

• ఈ మసాలా పేస్ట్​ని చేప ముక్కలకు పట్టించాలి. మ్యారినేట్ చేసుకున్న చేప ముక్కలను అరగంటపాటు పక్కన పెట్టుకోవాలి.
• ఒక మిక్సీ గిన్నెలో ఉల్లిపాయ ముక్కలు వేసి మెత్తగా మిక్సీ పట్టుకోవాలి. ఈ గ్రేవీ చేపల ఫ్రైలోకి ఉల్లిపాయలు కాస్త ఎక్కువగా వేసుకుంటేనే రుచిగా ఉంటుంది.
• ఇప్పుడు స్టవ్​పై కడాయి పెట్టి 6 టేబుల్​స్పూన్లు ఆయిల్ వేసి వేడి చేయండి. ఈ గ్రేవీకి ఆయిల్​ కాస్త ఎక్కువగానే పడుతుంది.

Semi Gravy Fish Fry (ETV Bharat)

• ఆయిల్​ వేడయ్యాక స్టవ్​ మీడియం ఫ్లేమ్​లో అడ్జస్ట్ చేయండి. ఇప్పుడు వేడివేడి నూనెలో చేప ముక్కలు వేసి మంచి గోల్డెన్ కలర్​ వచ్చేంత వరకు ఫ్రై చేసుకోవాలి.
• చేప ముక్కలు వేసిన తర్వాత కరివేపాకు వేయండి. చేప ముక్కలు ఒక వైపు వేగిన తర్వాత మరొక వైపు తిప్పి కాల్చుకోవాలి. చేపలను క్రిస్పీగా ఫ్రై చేసుకొని ఒక ప్లేట్లోకి తీసుకోవాలి.
• ఇప్పుడు పాన్​లోని అదే నూనెలో గ్రైండ్ చేసిన ఆనియన్​ పేస్ట్ వేసి నిమిషంపాటు ఫ్రై చేసుకోవాలి.

Semi Gravy Fish Fry (ETV Bharat)

• ఆపై టీస్పూన్ అల్లం-వెల్లుల్లి పేస్ట్, అరటీస్పూన్ పసుపు, రుచికి సరిపడా ఉప్పు, కారం, టీస్పూన్ ధనియాలపొడి, టీస్పూన్​ జీలకర్ర పొడి, పచ్చిమిర్చి ముక్కలు, కరివేపాకు వేసి 2 నిమిషాలపాటు బాగా ఫ్రై చేసుకోవాలి.
• అనంతరం ఫ్రై చేసుకున్న చేప ముక్కలు వేసి నిదానంగా కలుపుకోవాలి. చివరిగా చేపల ఫ్రైలో కాస్త కొత్తిమీర తరుగు చల్లి స్టవ్​ ఆఫ్ చేయండి.
• అంతే ఇలా సింపుల్​గా ప్రిపేర్ చేసుకుంటే సూపర్​ టేస్టీగా గ్రేవీతో ఉండే చేపల వేపుడు మీ ముందుంటుంది.
• ఈ సెమీ గ్రేవీ ఫిష్​ ఫ్రై తయారీ విధానం నచ్చితే మీరు ఓసారి ట్రై చేయండి!