బేక్ చేయకుండానే 10 నిమిషాల్లో అద్దిరిపోయే "కేక్" - ఇంకా బేకరీకి ఎందుకు దండగ!

మైదా, పెరుగు, సోడా లేకుండా సింపుల్​గా చేసుకునే కేక్ రెసిపీ!

Make Rava Cake at Home in Telugu : బర్త్​ డే, మ్యారేజ్ డే, పార్టీ, ఫంక్షన్​, ఇలా వేడుక ఏదైనా కేక్​ ఉండాల్సిందే. ఇలా నోట్లో వేసుకోగానే అలా కరిగిపోయే కేక్​కు ఫ్యాన్ ఫాలోయింగ్ కూడా ఎక్కువే! అయితే, నార్మల్​గా కేక్ కావాలంటే బేకరీకి వెళ్లి తెచ్చుకుంటుంటాం. కానీ, మీకు తెలుసా? ఇంట్లోనే పదే పది నిమిషాల్లో సింపుల్​గా ప్రిపేర్ చేసుకునే ఒక సూపర్ కేక్ రెసిపీ ఉంది. అదే, "నోరూరించే రవ్వ కేక్". దీని తయారీకి ఎక్కువ ఇంగ్రీడియంట్స్ కూడా ఏం అవసరం లేదు. మైదా, పెరుగు, సోడా, ఎగ్స్​ ఇలాంటివి ఏవి లేకుండానే పదే పది నిమిషాల్లో సింపుల్​గా ప్రిపేర్​ చేసుకోవచ్చు. టేస్ట్​ కూడా సూపర్​గా ఉంటుంది. పిల్లలైతే చాలా చాలా ఇష్టంగా తింటారు. మరి, లేట్​ చేయకుండా ఈ సింపుల్ అండ్ టేస్టీ రవ్వ కేక్​ని ఎలా ప్రిపేర్ చేసుకోవాలో ఇప్పుడు చూసేద్దాం.

టిప్స్ :

• ఇక్కడ పంచదార వద్దనుకున్నవారు దాని ప్లేస్​లో అదే పరిమాణంలో బెల్లాన్ని అయినా తీసుకోవచ్చు. టేస్ట్ కూడా చాలా బాగుంటుంది.
• పంచదార లేదా బెల్లంలో ఎలాంటి వాటర్ లేకుండా నెయ్యిలోనే పూర్తిగా కరిగించుకోవాలి. అప్పుడే రవ్వ కేక్​కి పర్ఫెక్ట్ టేస్ట్ వస్తుంది.

Rava Cake (ETV Bharat)

తీసుకోవాల్సిన పదార్థాలు :

1. బొంబాయి రవ్వ(ఉప్మా రవ్వ) - ఒక కప్పు
2. నెయ్యి - తగినంత
3. కాచి చల్లార్చిన పాలు - 2 కప్పులు
4. పంచదార - ముప్పావు కప్పు
5. ఉప్పు - రెండు చిటికెళ్లు
6. యాలకుల పొడి - 1 టీస్పూన్
7. డ్రైఫ్రూట్స్ తరుగు - కొద్దిగా

Rava Cake (ETV Bharat)

తయారీ విధానం :

• ఇందుకోసం ముందుగా స్టవ్ మీద పాన్​ పెట్టుకొని 2 టేబుల్​స్పూన్ల నెయ్యి వేసుకోవాలి. అది కరిగి కాస్త వేడయ్యాక బొంబాయి రవ్వను వేసి లో ఫ్లేమ్ మీద మంచి సువాసన వచ్చేంత వరకు వేయించుకోవాలి.
• రవ్వలోని పచ్చివాసన పోయి, కాస్త రంగు మారేంత వరకు దోరగా వేయించుకున్నాక దాన్ని ఒక మిక్సింగ్ బౌల్​లోకి తీసుకోవాలి.
• అనంతరం అందులో కాచి చల్లార్చిన పాలను పోసుకొని రవ్వ మొత్తం పాలలో కలిసేలా చక్కగా కలుపుకొని పక్కన పెట్టుకోవాలి.
• ఇప్పుడు స్టవ్ మీద మరో పాన్ పెట్టుకొని రెండు స్పూన్ల నెయ్యి వేసుకొని కరిగించుకోవాలి. అది కరిగి వేడయిన తర్వాత పంచదార వేసుకొని కలుపుతూ మరిగించుకోవాలి.
• పంచదార కరిగి లైట్​ గోల్డెన్​ కలర్​ వచ్చే వరకు(కేరమిల్​ సిరప్ కలర్​) సిమ్​లో పెట్టి నిదానంగా కలుపుతూ బాయిల్ చేసుకోవాలి.
• పంచదార కరిగి రంగు మారి సిరప్​లా అయిన తర్వాత అందులో నానబెట్టుకున్న రవ్వ, పాల మిశ్రమాన్ని వేసి మొత్తం కలిసేలా బాగా మిక్స్ చేసుకోవాలి.

Rava Cake (ETV Bharat)

• ఆ తర్వాత స్టవ్​ను మీడియంలో ఫ్లేమ్​లో ఉంచి రవ్వ మిశ్రమం దగ్గరపడేవరకు గరిటెతో కలుపుతూ కుక్ చేసుకోవాలి.
• రవ్వ మిశ్రమం దగ్గరపడుతున్నప్పుడు అందులో ఉప్పు, యాలకుల పొడి, మరో టేబుల్​స్పూన్ నెయ్యి వేసుకొని అంతా కలిసేలా బాగా కలపాలి.
• ఈ మిశ్రమం పాన్​కు అంటుకోకుండా నెయ్యి పైన తేలుతున్నప్పుడు స్టవ్​ ఆఫ్​ చేసుకోవాలి.
• అనంతరం కేక్​ మౌల్డ్​ తీసుకుని లోపల మొత్తం నెయ్యి అప్లై చేయాలి. ఆపై అందులో సన్నగా కట్​ చేసుకున్న డ్రైఫ్రూట్స్​ తరుగు వేసుకోవాలి.
• ఆ తర్వాత ముందుగా ప్రిపేర్​ చేసుకున్న రవ్వ మిశ్రమాన్ని అందులోకి వేసుకుని సమానంగా స్ప్రెడ్​ చేసుకొని అది పూర్తిగా చల్లారేంత వరకు పక్కనుంచాలి.
• ఆ మిశ్రమం పూర్తిగా చల్లారాక కేక్​ను మౌల్డ్​ నుంచి సెపరేట్​ చేసి ఓ ప్లేట్​లోకి తీసుకోవాలి.​ ఆపై దానిని మీకు నచ్చిన షేప్​లో కట్​ చేసుకుని సర్వ్ చేసుకుంటే చాలు. అంతే, నోట్లో వేసుకుంటే కరిగిపోయే కమ్మని "రవ్వ కేక్" ఇంట్లోనే రెడీ!
• మరి, నచ్చితే మీరూ ఓసారి ఇలా కేక్​ని చేసి పిల్లలకు పెట్టండి. చాలా ఇష్టంగా తింటారు!