చుక్క నూనె లేకుండానే కమ్మని "పప్పు కూర"! - నోరూరించే రుచితో నిమిషాల్లోనే రెడీ!

No Oil Dal Recipe in Telugu : మనం ఏ కర్రీ చేసుకున్నా అందులో తగినంత నూనె తప్పనిసరిగా ఉండాల్సిందే. అప్పుడే ఆ రెసిపీ మంచి రుచికరంగా కుదురుతుంది. ఇక వేపుడు వంటి వంటకాలైతే ప్రత్యేకంగా చెప్పాల్సిన పనిలేదు. కానీ, వంటకాల్లో నూనెను అతిగా వాడడం ఆరోగ్యానికి అంత మంచిది కాదు. ఈ క్రమంలోనే చాలా మంది ఆయిల్ లెస్ వంటకాలపై ఇంట్రెస్ట్ చూపిస్తున్నారు. అలాంటి వారికోసమే చుక్క నూనె వేయకుండా చేసుకునే ఒక అద్భుతమైన పప్పు కర్రీని పరిచయం చేస్తున్నాం. టేస్ట్ సూపర్​గా ఉండి ఇంటిల్లిపాదీకి చాలా బాగా నచ్చుతుంది. ఒక్కసారి తిన్నారంటే మళ్లీ మళ్లీ చేసుకోవాలనిపించే అంత కమ్మగా ఉంటుంది. పైగా ఈ కర్రీని అప్పటికప్పుడు చాలా తక్కువ సమయంలో సులభంగా తయారు చేసుకోవచ్చు. మరి, అద్భుతమైన రుచితో వావ్ అనిపించే ఈ జీరో ఆయిల్‌ దాల్‌ తడకా రెసిపీని ఎలా చేసుకోవాలో ఇప్పుడు చూద్దాం.

Pappu (Getty Images)

కావాల్సిన ఇంగ్రీడియంట్స్ :

• ఒక కప్పు - కందిపప్పు
• అర కప్పు - ఉల్లిపాయ తరుగు
• రుచికి సరిపడా - ఉప్పు
• రెండు - వెల్లుల్లి రెబ్బలు
• ఒక చెంచా - అల్లం పేస్ట్
• రెండు - పచ్చిమిర్చి
• అర చెంచా - పసుపు
• అర టీస్పూన్ - ఆవాలు
• ఒక చెంచా - ధనియాల పొడి
• అర చెంచా - గరం మసాలా
• ఒక చెంచా - జీలకర్ర
• అర చెంచా - కసూరీ మేథీ
• తగినంత - కారం
• నిమ్మరసం - చెంచా
• చిటికెడు - ఇంగువ
• ఒకటి - ఎండుమిర్చి
• పావు కప్పు - కొత్తిమీర తరుగు
• రెండు - కరివేపాకు రెబ్బలు

అమ్మమ్మల పద్ధతిలో కమ్మని "గోంగూర కోడిగుడ్డు కూర" - ఇలా చేస్తే కనీసం 30 రోజులు నిల్వ!

Onions (Getty Images)

తయారీ విధానం :

• ఈ రెసిపీ కోసం ముందుగా ఒక గిన్నెలో కందిపప్పుని తీసుకొని శుభ్రంగా కడిగి ఆపై తగినన్ని నీళ్లు పోసుకొని మెత్తగా ఉడికించుకోవాలి.
• పప్పు మెత్తగా ఉడికే లోపు కర్రీలోకి కావాల్సిన ఉల్లిపాయలు, పచ్చిమిర్చి, వెల్లుల్లి రెబ్బలు, కొత్తిమీరను సన్నగా తరుక్కొని సిద్ధంగా ఉంచుకోవాలి.
• ఇప్పుడు దాల్ తడకా కర్రీ కోసం స్టవ్ మీద పాన్ ఉంచి ముందుగా తరిగి పెట్టుకున్న అల్లం, వెల్లుల్లి , ఉల్లిపాయ తరుగుని వేసుకొని లో ఫ్లేమ్​లో కలుపుతూ వేయించుకోవాలి.
• ఇలా వేయించుకునే క్రమంలో ఒకవేళ అడుగంటుతున్నట్టు అనిపిస్తే నాలుగు చుక్కల వాటర్ చల్లుకొని లేత గోధుమ రంగులోకి వచ్చేంత వరకు ఫ్రై చేసుకోవాలి.
• ఆవిధంగా వేయించుకున్నాక అందులో సన్నగా తరిగి పెట్టుకున్న పచ్చిమిర్చి ముక్కలు, టేస్ట్​కి సరిపడా ఉప్పు, చిటికెడు పసుపు, ధనియాల పొడి, గరం మసాలా, కసూరీ మేథీ యాడ్ చేసుకొని ఒకసారి బాగా కలుపుతూ అర నిమిషం సేపు వేయించి స్టవ్ ఆఫ్ చేసుకోవాలి.
• ఆ తర్వాత మెత్తగా ఉడికిన కందిపప్పుని ఒక బౌల్​లోకి తీసుకొని అందులో ముందుగా వేయించిన ఉల్లిపాయ మిశ్రమాన్ని కలిపి పక్కనుంచాలి.

Mirchi (Getty Images)

• అనంతరం స్టవ్ మీద మరో పాత్రలో ఆవాలు, జీలకర్ర, ఎండుమిర్చి తుంపలు, ఇంగువ, కరివేపాకులను ఒక్కొక్కటిగా యాడ్ చేసుకుంటూ సన్నని సెగ మీద చక్కగా వేయించాలి.
• అవి చక్కగా వేగి మంచి వాసన వస్తున్నప్పుడు స్టవ్ ఆఫ్ చేసుకోవాలి. అనంతరం ఈ దినుసులను కూడా పప్పులో వేసి కలపాలి.
• ఇక చివర్లో కొద్దిగా సన్నని కొత్తిమీర తరుగు, నిమ్మరసం యాడ్ చేసుకుంటే మిక్స్ చేసుకుంటే చాలు. అంతే, చుక్క నూనె లేకుండానే కమ్మని రుచితో నోరూరించే "దాల్‌ తడకా కర్రీ" రెడీ అయిపోతుంది!

చికెన్ కర్రీ మిగిలిందా? - ఇలా "బిర్యానీ" చేసుకోండి! - ఒక్కో ముద్ద నోట్లోకి వెళ్తుంటే వహ్వా అనాల్సిందే!

కాల్చిన కొబ్బరి, ఉల్లిపాయలతో "బ్లాక్ మటన్ కర్రీ"! - ఈ ఘుమఘుమలకు మైమరచిపోతారు!