కొత్తిమీరతో నోరూరించే "బజ్జీలు" - నూనె పీల్చకుండా, యమా టేస్టీగా!

Kothimeera Bajji Recipe: బజ్జీలు అంటే ఎవరికి ఇష్టం ఉండవు చెప్పండి. కూల్​ వెదర్​లో హాట్​ హాట్​ బజ్జీలను తింటే వచ్చే కిక్కే వేరు. అయితే సాధారణంగా బజ్జీలు అంటే చాలా మందికి మిరపకాయలు, ఆలుగడ్డ వాటితో చేసినవి మాత్రమే తెలుసు. కానీ కూరల్లో గార్నిష్​ కోసం ఉపయోగించే కొత్తిమీరతో కూడా రుచికరమైన, కరకరలాడే బజ్జీలు చేసుకోవచ్చు. వీటి టేస్ట్​ సూపర్​గా ఉంటాయి. పైగా చాలా సింపుల్​గా ప్రిపేర్​ చేసుకోవచ్చు. పిల్లలు స్కూల్​ నుంచి రాగానే వీటిని చేసి పెట్టారంటే వద్దనకుండా తినేస్తారు. మరి లేట్​ చేయకుండా కొత్తిమీర బజ్జీలు ఎలా చేయాలి? కావాల్సిన పదార్థాలు ఈ స్టోరీలో చూద్దాం.

కొత్తిమీర (Getty Images)

కావాల్సిన పదార్థాలు:

• శనగపిండి - 1 కప్పు
• బియ్యప్పిండి - అర కప్పు
• కొత్తిమీర - తగినంత
• పసుపు - పావు టీస్పూన్​
• ఉప్పు - సరిపడా
• కారం- 1 టీస్పూన్​
• వాము - అర టీస్పూన్​
• వంట సోడా - పావు టీస్పూన్​
• అల్లం వెల్లుల్లి పేస్ట్​ -అర టీస్పూన్​

శనగపిండి (Getty Images)

తయారీ విధానం:

• ముందుగా కొత్తిమీరను శుభ్రంగా కడిగి తడి లేకుండా తుడిచి కాటన్​ క్లాత్​ మీద వేసి ఓ అరగంట సేపు ఆరనివ్వాలి.
• ఈలోపు మిక్సింగ్​ బౌల్​లోకి శనగపిండి, బియ్యప్పిండి, వాము, ఉప్పు, కారం, అల్లం వెల్లుల్లి పేస్ట్, వంటసోడా, పసుపు వేసి ఓసారి కలపాలి.
• ఆ తర్వాత కొద్దికొద్దిగా వాటర్​ పోసుకుంటూ పిండిని బజ్జీల పిండి మాదిరి కలుపుకోవాలి.

బియ్యప్పిండి (Getty Images)

• వాటర్​ సరిపోయాయి అనుకున్న తర్వాత పిండిని సుమారు 5 నిమిషాల పాటు ఆపకుండా బీట్​ చేసుకోవాలి.
• ఫ్యాన్​ గాలికి ఆరిన కొత్తిమీరను కొంచెం తీసుకుని విడివిడిగా పెట్టుకోవాలి. ఆ తర్వాత వాటి కాడలను కట్​ చేసి రెడీగా ఉంచుకోవాలి.
• స్టవ్​ ఆన్​ చేసి కడాయి పెట్టి డీప్​ఫ్రైకి సరిపడా నూనె పోసి వేడి చేసుకోవాలి. ఇప్పుడు ముందుగా సిద్ధం చేసుకున్న కొత్తిమీరను పిండిలో ముంచి గిన్నె అంచుకు రాసి కాగుతున్న నూనెలో వేసుకోవాలి.

కొత్తిమీర బజ్జీలు (ETV Abhiruchi)

• ఇలా కడాయికి సరిపడా వేసుకున్న తర్వాత మంటను మీడియం ఫ్లేమ్​లో పెట్టి రెండు వైపులా తిప్పుతూ లైట్​ గోల్డెన్​ కలర్​ వచ్చే వరకు ఫ్రై చేసుకోవాలి.
• ఇలా ఫ్రై చేసుకున్న వాటిని ఓ గిన్నెలోకి తీసుకోవాలి. మిగిలిన కొత్తిమీరను కూడా పిండిలో ముంచి నూనెలో వేసుకుని డీప్​ ఫ్రై చేసుకుని తీసుకోవాలి.

కొత్తిమీర బజ్జీలు (ETV Abhiruchi)

• ఇలా ప్రిపేర్​ చేసుకున్న బజ్జీలకు మధ్యలోకి కాస్త ఘాటు పెట్టి లైట్​గా ఉప్పు, కారం చల్లుకోవాలి. ఆ తర్వాత సన్నగా తరిగిన ఉల్లిపాయ ముక్కలు, వేయించిన పల్లీలు, కొత్తిమీర తరుగుతో గార్నిష్​ చేసుకుని వేడివేడిగా సర్వ్​ చేసుకుంటే సరి. ఎంతో టేస్టీగా ఉండే కొత్తిమీర బజ్జీలు రెడీ. నచ్చితే మీరూ ట్రై చేయండి.

కొత్తిమీర బజ్జీలు (ETV Abhiruchi)

చిట్కాలు:

• శనగపిండిలో నీటిని ఒక్కసారే పోసుకోకుండా, కొద్దికొద్దిగా యాడ్​ చేసుకుంటూ కలుపుకోవాలి. అలాగే ఒకటే డైరెక్షన్​లో ఎక్కువ సేపు కలపడం వల్ల బజ్జీలు పర్ఫెక్ట్​గా వస్తాయి.
• బజ్జీలను నూనెలో వేసేటప్పుడు కచ్చితంగా గిన్నె లేదా గ్లాస్​ అంచుకు రాసి వేయాలి. బజ్జీలు సరిగ్గా వేగడమే కాదు, టేస్టీగా కూడా ఉంటాయి.
• పిండిని ఓసారి కలుపుకున్న తర్వాత వేలు ముంచి చూస్తే ఎంత మందానా పట్టింది అనేది తెలిసిపోతుంది. దాన్ని బట్టి పిండి గట్టిగా అనిపిస్తే కొన్ని నీళ్లు, లూజుగా అనిపిస్తే మరికొంచెం పిండి యాడ్​ చేసుకోవచ్చు.

కొత్తిమీర బజ్జీలు (ETV Abhiruchi)

అరటి పండు - ఓట్స్​తో అద్దిరిపోయే "కుకీస్"! - ఓవెన్ అవసరం లేకుండానే రెడీ

ఈ స్టఫ్ఫింగ్ రెడీ చేసుకుంటే చాలు - "పూర్ణాలు, బొబ్బట్లు" రెండూ కుక్ చేసుకోవచ్చు!