పది నిమిషాల్లో "ఊతప్పం" - ఇలా చేస్తే సూపర్ టేస్టీగా ఉంటుంది! - పిండి రుబ్బాల్సిన పనిలేదు!​

-బ్రెడ్​తో ​రెగ్యులర్​గా ఆమ్లెట్​, హల్వా కాదు - ఇలా ఊతప్పం చేసుకోండి, అద్దిరిపోతుంది!

Instant Bread Uttapam: "ఊతప్పం" చూడగానే నోరూరించే బ్రేక్​ఫాస్ట్​. ఎందుకంటే ఉల్లి, అల్లం, పచ్చిమిర్చి వంటివన్నీ వేస్తాం కాబట్టి కలర్​ఫుల్​గా కనిపిస్తుంది. దీంతో ఎప్పుడెప్పుడు తిందామా అని ఎదురుచూస్తుంటారు. పైగా దీని టేస్ట్​ కూడా చాలా బాగుంటుంది. అందుకే చాలా మంది క్రమం తప్పకుండా ఊతప్పం తింటుంటారు. అయితే ఇది చేయాలంటే ముందురోజే పప్పు, బియ్యం నానబెట్టి, గ్రైండ్​ చేసి పిండి రెడీ చేసుకోవాలి. ఇక పిండి ప్రిపేర్​ చేసుకోవడం కుదరనప్పుడు ఇలా ఇన్‌స్టంట్​గా కూడా ట్రై చేయవచ్చు. అందుకోసం బ్రెడ్‌ ఉంటే సరిపోతుంది. మరి లేట్​ చేయకుండా ఇన్​స్టంట్​ బ్రెడ్​ ఊతప్పం ఎలా చేయాలో చూసేయండి.

Bread (Getty Images)

కావాల్సిన పదార్థాలు :

• బ్రెడ్ స్లైసులు - 8
• పెరుగు - అర కప్పు
• ఇడ్లీ రవ్వ - అర కప్పు
• బియ్యప్పిండి - 2 టీస్పూన్లు
• ఉల్లిపాయలు - 2(మీడియం సైజ్​)
• పచ్చిమిర్చి - 3
• టమాటా - 1
• క్యారెట్​ - 1
• అల్లం ముక్క - చిన్నది
• ఉప్పు - సరిపడా
• కొత్తిమీర తరుగు - కొద్దిగా

Curd (Getty Images)

తయారీ విధానం :

• బ్రెడ్​ ఊతప్పం తయారు చేయడానికి ముందుగా దానిపై గార్నిష్​ చేసుకునే పదార్థాలను రెడీ చేసుకోవాలి. అందుకోసం ఉల్లిపాయలు, పచ్చిమిర్చి, టమాటాను వీలైనంత సన్నగా కట్​ చేసి పెట్టుకోవాలి.
• అలాగే క్యారెట్​ను కడిగి పొట్టు తీసేసి సన్నగా తురుమి పక్కన పెట్టుకోవాలి. అల్లం ముక్కపై పొట్టు తీసేసి వీలైనంత సన్నగా కట్​ చేసుకోవాలి. కొత్తిమీరను సన్నగా తరిగి పక్కన ఉంచుకోవాలి. అలాగే బ్రెడ్​ స్లైస్​లను చిన్న చిన్న ముక్కలుగా తుంచి పక్కన పెట్టాలి.

Rice Flour (Getty Images)

• మిక్సీజార్​లోకి తుంచిన బ్రెడ్​ స్లైస్​లను వేసుకోవాలి. ఆపై అందులోకి ఇడ్లీ రవ్వ, పెరుగు, బియ్యప్పిండి, రుచికి సరిపడా ఉప్పు వేసి ఓసారి గ్రైండ్​ చేయాలి. ఆ తర్వాత లైట్​గా వాటర్​ పోసి మెత్తగా గ్రైండ్ చేసుకోవాలి.
• ఈ బ్రెడ్​ మిశ్రమాన్ని ఓ మిక్సింగ్​ బౌల్​లోకి తీసుకోవాలి. ఆపై అందులోకి ముందే తరిగి పెట్టుకున్న ఉల్లిపాయ, టమాటా, పచ్చిమిర్చి, కొత్తిమీర, అల్లం తరుగు, క్యారెట్ తురుము వేసి మిక్స్​ చేసుకోవాలి. ఆ తర్వాత లైట్​గా వాటర్​ పోసి కలుపుకోవాలి.

Tomato (Getty Images)

• స్టవ్​ ఆన్​ చేసి దోశ పెనం పెట్టి హీట్​ చేసుకోవాలి. పెనం కాస్త వేడెక్కిన తర్వాత ప్రిపేర్ చేసుకున్న పిండిని కొద్దిగా తీసుకొని ఊతప్పం మాదిరిగా వేసుకోవాలి.
• ఆపై అంచుల వెంట లైట్​గా నూనె అప్లై చేసుకుని మీడియం ఫ్లేమ్​లో రెండు వైపులా ఎర్రగా కాల్చుకోవాలి.
• ఆ తర్వాత ప్లేట్​లోకి తీసుకోవాలి. మిగిలిన పిండితో కూడా ఇలా ఊతప్పాలు వేసుకుని వేడివేడిగా సర్వ్ చేసుకుంటే చాలు.
• ఎంతో రుచికరంగా ఉండే "బ్రెడ్ ఊతప్పం" రెడీ. దీన్ని మీకు నచ్చిన చట్నీతో ప్రిపేర్​ చేసుకోవచ్చు. నచ్చితే మీరూ ట్రై చేయండి.

Onions (Getty Images)

టిప్స్​:

• తాజా బ్రెడ్​ ముక్కలు తీసుకుంటే ఈ రెసిపీ టేస్ట్​ బాగుంటుంది. ఒకవేళ మీకు బ్రెడ్​లోని గోధుమరంగు పార్ట్​ నచ్చకపోతే దాన్ని తీసేసి గ్రైండ్​ చేసుకోవచ్చు.
• పిండి మిశ్రమం మరీ గట్టిగా లేదా జారుగా ఉండకుండా ఊతప్పం వేసుకునేందుకు సరిపడేలా కలుపుకోవాలి. అప్పుడే ఊతప్పం చక్కగా, రుచికరంగా వస్తుంది.
• ఊతప్పం కాల్చుకునేటప్పుడు కొద్దిగా నెయ్యిని అప్లై చేసుకుంటే రుచి మరింత బాగుంటుంది.
• పిండిని దోశ పెనంపైన పోసిన తర్వాత కావాలనుకుంటే పైన ఉల్లిపాయ తరుగును లైట్​గా చల్లి కాల్చుకోవచ్చు.

Bread Uttapam (Getty Images)