మిగిలిపోయిన అన్నంతో దూదిలాంటి "ఇడ్లీలు" - అప్పటికప్పుడు చేసుకోవచ్చు - టేస్ట్​ కూడా అదుర్స్​!

Idli with Left Over Rice: అన్నం మిగిలిపోవడం ప్రతీ ఇంట్లో జరిగేదే. ఇక మిగిలిన అన్నాన్ని కొద్దిమంది నేరుగా తింటే, మరికొద్దిమంది తాలింపు వేసుకోవడం, ఫ్రైడ్​ రైస్​ చేసుకుని తినడం లాంటివి చేస్తుంటారు. అయితే ఇవన్నీ ఎప్పుడో ఒకసారి చేసేవే. కాబట్టి ఎప్పుడూ ఒకేలా కాకుండా ఈసారి అన్నం మిగిలిపోతే ఇడ్లీలు చేసుకోండి. సూపర్​ సాఫ్ట్​గా ఉండటమే కాకుండా, చాలా టేస్టీగా ఉంటాయి. కేవలం పావు గంటలో ప్రిపేర్​ చేసుకోవచ్చు. పైగా దీనికోసం ముందే పిండిని ప్రిపేర్​ చేసుకోవడం అవసరం లేదు. మరి లేట్​ చేయకుండా మిగిలిన అన్నంతో మెత్తని ఇడ్లీలు ఎలా చేసుకోవాలో చూసేయండి.

Rice (Getty Images)

కావాల్సిన పదార్థాలు:

• ఉడికించిన అన్నం - 1 కప్పు
• బొంబాయి రవ్వ - 1 కప్పు
• పెరుగు - అర కప్పు
• ఉప్పు - రుచికి సరిపడా
• బేకింగ్​ సోడా - పావు టీస్పూన్​

Rava (Getty Images)

తయారీ విధానం:

• మిక్సీజార్​లోకి అన్నం వేసుకుని కొద్దికొద్దిగా నీళ్లు పోసుకుంటూ వీలైనంత మెత్తగా గ్రైండ్​ చేసుకోవాలి.
• ఇలా గ్రైండ్​ చేసుకున్న అన్నాన్ని ఓ గిన్నెలోకి తీసుకోవాలి. ఆపై అందులోకి బొంబాయి రవ్వ, పెరుగు, రుచికి సరిపడా ఉప్పు వేసుకుని ఓసారి కలపాలి.

Curd (Getty Images)

• అనంతరం కొన్ని కొన్ని నీళ్లు పోస్తూ ఇడ్లీ పిండికి సరిపడేలా మిక్స్​ చేసుకోవాలి. గిన్నెపై మూత పెట్టి ఓ 10 నిమిషాల పాటు పక్కన పెట్టాలి.
• ఆ తర్వాత మూత తీసి మరోసారి కలుపుకోవాలి. చివరగా బేకింగ్​ సోడా వేసి మిక్స్​ చేసుకుని పక్కన ఉంచాలి.
• స్టవ్​ ఆన్​ చేసి ఇడ్లీ పాత్ర పెట్టాలి. అందులో కొన్ని నీళ్లు పోసి మూత పెట్టి మరిగించుకోవాలి.

Idli with Left Over Rice (ETV Bharat)

• ఈలోపు ఇడ్లీ ప్లేట్స్​కు లైట్​గా ఆయిల్​ అప్లై చేసుకోవాలి. ఆ తర్వాత పిండిని కొద్దికొద్దిగా ప్లేట్స్​లోకి వేసుకోవాలి.
• ఈ ప్లేట్స్​ను ఇడ్లీ పాత్రలో పెట్టి మూత పెట్టి మీడియం ఫ్లేమ్​లో 10 నుంచి 12 నిమిషాల పాటు ఉడికించుకోవాలి.
• ఇడ్లీలు ఉడికిన తర్వాత స్టవ్​ ఆఫ్​ చేసి ఓ 5 నిమిషాల తర్వాత వేడివేడిగా సర్వ్​ చేసుకుంటే సరి. ఎంతో సాఫ్ట్​గా ఉండే ఇడ్లీలు రెడీ. నచ్చితే మీరూ ట్రై చేయండి.

Idli with Left Over Rice (ETV Bharat)

చిట్కాలు:

• అన్నం ఏ కప్పుతో అయితే తీసుకుంటామో అదే కప్పుతో బొంబాయి రవ్వ, దాని సగానికి పెరుగు తీసుకోవాలి.
• పుల్లటి పెరుగు అయితే ఇడ్లీలు మరింత రుచికరంగా వస్తాయి.
• అన్నాన్ని గ్రైండ్ చేసేటప్పుడు నీళ్లు ఎక్కువ పోయకూడదు. పిండి మరీ పల్చగా అయితే ఇడ్లీలు సరిగ్గా రావు. అవసరాన్ని బట్టి కొద్దికొద్దిగా నీళ్లు కలుపుకోవాలి.

Idli with Left Over Rice (ETV Bharat)

• పిండి గట్టిగా అనిపిస్తే కొద్దికొద్దిగా నీళ్లు కలుపుతూ ఇడ్లీ పిండి కన్సిస్టెన్సీ వచ్చే వరకు కలుపుకోవాలి.
• బొంబాయి రవ్వను కలుపుకునే ముందు లైట్​గా వేయించుకుంటే ఇడ్లీలు జిగురుగా మారకుండా ఉంటాయి.

Idli with Left Over Rice (ETV Bharat)

జొన్నపిండితో కమ్మని "ఊతప్పం" - పది నిమిషాల్లో తయార్​ - ఆరోగ్యానికీ మంచిది!

పిల్లలు స్వీట్ అడిగితే - ఇలా మొక్కజొన్న రవ్వతో "పాయసం" చేసి పెట్టండి! - రుచి భలేగా ఉంటుంది!