పొడవు వంకాయలతో "నోరూరించే ఉల్లికారం" - అన్నం తింటుంటే మైమరచిపోతారంతే!

సింపుల్​ రెసిపీ వంకాయ ఉల్లికారం - ఈ పద్ధతిలో చేస్తే సూపర్​ టేస్ట్​!

Vankaya Ulli Karam Recipe in Telugu : కొంత మంది పొడవుగా ఉండే వంకాయలు తినడానికి ఆసక్తి చూపించరు. ఈ కర్రీ కాస్త చప్పగా ఉంటుందని భావిస్తుంటారు. అలాంటివారు ఇక్కడ చెప్పిన విధంగా వంకాయ ఉల్లికారం ట్రై చేయండి టేస్ట్​ అద్దిరిపోతుంది. ఈ వంకాయ ఉల్లికారం వేడివేడి అన్నంతో చాలా బాగుంటుంది. మరి ఈజీగా వంకాయ ఉల్లికారం ఎలా చేయాలో ఇప్పుడు చూద్దాం.

Vankaya (Getty Images)

వంకాయ ఉల్లికారం తయారీకి కావాల్సిన పదార్థాలు :

• వంకాయలు - అరకేజీ
• ధనియాలు - 2 టేబుల్​స్పూన్లు
• జీలకర్ర - 2 టీస్పూన్లు
• కరివేపాకు - 2
• వెల్లుల్లి - 10

Onions (Getty Images)

• ఉల్లిపాయలు - 2
• నిమ్మకాయ - 1
• పసుపు - పావు టీస్పూన్
• ఉప్పు, కారం - రుచికి సరిపడా
• కొత్తిమీర తరుగు - కొద్దిగా
• నూనె - 3 టేబుల్​స్పూన్లు

Vankaya Ulli Karam Process (ETV Bharat)

వంకాయ ఉల్లికారం తయారీ విధానం:

• ముందుగా లేత వంకాయలను శుభ్రంగా కడిగి మీడియం సైజ్​ ముక్కలుగా కట్ ​చేసుకోండి.
• ఇలా కట్​ చేసుకున్న వంకాయ ముక్కలను ఉప్పు నీటిలో నానబెట్టుకోవాలి. వంకాయ ముక్కలను ఉప్పు నీటిలో నానబెట్టడం వల్ల అవి రంగు మారకుండా తాజాగా ఉంటాయి.
• తర్వాత ఉల్లిపాయ చిన్న ముక్కలుగా కట్​ చేసుకోండి.
• ఇప్పుడు స్టవ్​ ఆన్​ చేసి పాన్​ పెట్టండి. ఇందులో 2 టేబుల్​స్పూన్లు ధనియాలు, టీస్పూన్ జీలకర్ర వేసి ఫ్రై దోరగా చేయండి. తర్వాత వీటిని చిన్న గిన్నెలోకి తీసుకొని చల్లారనివ్వాలి.
• తర్వాత ఒక మిక్సీ గిన్నెలోకి వేయించిన ధనియాలు, జీలకర్ర వేసి మెత్తగా పొడి చేసుకోవాలి. ఆపై ఇందులోనే ఉల్లిపాయ ముక్కలు, వెల్లుల్లి, రుచికి సరిపడా కారం, ఉప్పు, నిమ్మరసం పిండి మెత్తగా మిక్సీ పట్టుకోవాలి.
• ఇలా గ్రైండ్​ చేసుకున్న ఉల్లికారం ఒక గిన్నెలోకి తీసుకొని పక్కన పెట్టుకోవాలి.
• ఇప్పుడు స్టవ్ ఆన్​ చేసి కడాయి పెట్టి 3 టేబుల్​స్పూన్లు నూనె వేసి వేడి చేయండి. ఆయిల్​ వేడయ్యాక టీస్పూన్ జీలకర్ర వేసి వేయించండి. ఆపై కట్​ చేసిన వంకాయ ముక్కలు వేసి కలుపుతూ 5 నిమిషాలు మగ్గించుకోండి.
• తర్వాత పావు టీస్పూన్ పసుపు, కొద్దిగా ఉప్పు వేసి కలపండి. ​
• ఇప్పుడు ముందుగా గ్రైండ్​ చేసుకున్న వంకాయ ఉల్లికారం వేసి బాగా కలపండి. తర్వాత ఇందులో కొన్ని నీళ్లు, కరివేపాకు వేసి కలిపి వంకాయలు మెత్తగా ఉడికించుకోండి.
• చివరిగా వంకాయ ఉల్లికారంలో కొద్దిగా కొత్తిమీర తరుగు చల్లి స్టవ్​ ఆఫ్ చేయండి.

అంతే ఇలా సింపుల్​గా చేసుకుంటే ఎంతో రుచికరమైన వంకాయ ఉల్లికారం మీ ముందుంటుంది. వేడివేడి అన్నం, చపాతీలతో వంకాయ ఉల్లికారం రుచి అద్భుతంగా ఉంటుంది. వంకాయ ఉల్లికారం తయారీ విధానం నచ్చితే మీరు ఓసారి ట్రై చేయండి.