"వంకాయ మలాయి కుర్మా" ఇలా చేయండి! - బగారా రైస్, చపాతీ, పుల్కా ఏదైనా సరే మిగల్చరు!

వంకాయ మలాయి కుర్మాతో అసలైన రుచి - నాన్ వెజ్ తిన్న ఫీలింగ్!

Vankaya Malai Korma : వంకాయ అంటే ఇష్టపడే వారు "వంకాయ మలాయ్ కుర్మా" తప్పక రుచి చూడాల్సిందే! వంకాయ కూరలు ప్రాంతానికి తగినట్లు దేశమంతా వివిధ రకాలుగా చేస్తారు. అందరూ ఇష్టంగా తినే వాటిలో ఇదీ ఒకటి. ఈ స్పెషల్ కుర్మా రెసిపీ కమ్మగా తిన్నకొద్దీ తినాలనిపిస్తుంది. రోటీ, చపాతీ, పూరీ, పుల్కాలతో పాటు బగారా రైస్ లోకి ఈ వంకాయ మలాయ్ కుర్మా చక్కని జోడీ.

vankaya_malai_korma (Gettyimages)

కర్రీ కోసం టిప్స్

• లేత వంకాయలు వాడడం వల్ల కుర్మా రుచిగా ఉంటుంది.
• చీరుకున్న వంకాయలు నూనెలో 60% వేగితే చాలు, మిగిలినది కుర్మాలో మగ్గిపోతుంది. అప్పుడే వంకాయకి ఫ్లేవర్స్ యాడ్ అవుతాయి.
• కుర్మా కోసం ఎండు కారం కంటే పచ్చిమిర్చి కారం రుచిగా ఉంటుంది.

కావాల్సిన పదార్థాలు

• గుత్తి వంకాయలు - ఆరు
• నీళ్లు - అర లీటరు
• ఉప్పు - రుచికి సరిపడా
• కొద్దిగా - కొత్తిమీర
• నెయ్యి - 2 టేబుల్ స్పూన్లు
• నూనె - - 2 టేబుల్ స్పూన్లు
• బిర్యానీ ఆకు - 1
• యాలకులు - 3
• లవంగాలు - 4
• దాల్చిన చెక్క - 2 ఇంచులు
• జీలకర్ర - అర టీ స్పూన్
• కారం - - అర టీ స్పూన్
• వేయించిన జీలకర్ర పొడి - అర టీ స్పూన్
• అల్లం వెల్లులి పేస్ట్ - 1 టేబుల్ స్పూన్
• మిరియాల పొడి - అర టీ స్పూన్
• బటర్ - 1 టేబుల్ స్పూన్
• పాల మీగడ - 2 టేబుల్ స్పూన్లు

vankaya_malai_korma (ETV Bharat)

మసాలా పేస్ట్ కోసం

• వేయించిన ఉల్లిపాయలు - 1 కప్పు
• జీడిపప్పు- 15
• కర్బూజ గింజలు - 2 టీ స్పూన్లు
• పచ్చిమిర్చి - 5

తయారీ విధానం

• లేత గుత్తి వంకాయలను మధ్యలోకి చీరుకుని నూనెలో 60% వేయించాలి.
• మసాలా పేస్ట్ కోసం తీసుకున్న పదార్థాలను మిక్సీలో వేసి మెత్తని పేస్ట్ చేసుకోవాలి.
• పాన్లో నెయ్యి, నూనె వేడి చేసి దాల్చిన చెక్క, లవంగాలు, యాలకులు, షాజీరా, బిర్యానీ ఆకు, అల్లం వెల్లులి పేస్ట్ వేసి వేయించాలి.
• ఆ తర్వాత ఉప్పు, కారం, జీలకర్ర పొడి, అల్లం వెల్లులి పేస్ట్ వేసి వేపుకోవాలి
• ఇపుడు గ్రైండ్ చేసుకున్న పేస్ట్ వేసి నూనె పైకి తేలేదాక ఉడికించుకున్న తర్వాత వంకాయలు, వేడి నీళ్లు పోసి మీడియం ఫ్లేమ్ మీద నూనె పైకి తేలేదాక మూతపెట్టి ఉడికించుకోవాలి.
• నూనె పైకి తేలిన తర్వాత మిరియాల పొడి, బటర్, క్రీమ్ వేసి బాగా కలిపి దింపుకోవడమే. ఈ కూర వేడివేడి అన్నంతో పాటు చపాతీ, పుల్కాల్లోకి చాలా రుచిగా ఉంటుంది.