Thandai Recipe in Telugu : ఈ సమ్మర్లో ఎండవేడి, ఉక్కపోత కారణంగా దాహం ఎక్కువగా వేస్తుంది. అలా అని తరచూ చల్లటి నీళ్లు తాగాలని కూడా అనిపించదు. ఈ క్రమంలోనే ఎక్కువ మంది స్పెషల్ డ్రింక్స్ ప్రిపేర్ చేసుకుంటారు. అలాంటి వారు ఒక్కసారి ఇక్కడ చెప్పిన విధంగా ఠండాయి డ్రింక్ ట్రై చేయండి. ఈ ఠండాయి మంచి మసాలా ఫ్లేవర్స్తో చిక్కగా ఎంతో టేస్టీగా ఉంటుంది. ఈ ఠండాయి డ్రింక్ హోలీ రోజు తప్పని సరిగా ఉత్తర భారతం వారు తీసుకుంటారు. మరి సింపుల్గా ఈ ఠండాయి డ్రింక్ ఎలా చేయాలో ఇప్పుడు చూద్దాం.
నోరూరించే "మీల్ మేకర్ మంచూరియా" - ఇది స్పైసీ, జ్యూసీగా చికెన్ కంటే బాగుంటుంది!
తయారీకి కావాల్సిన పదార్థాలు
- బాదం - పావు కప్పు
- గసగసాలు - 2 టేబుల్స్పూన్లు
- జీడిపప్పులు - పావు కప్పు
- సోంపు - 2 టేబుల్స్పూన్లు
- గుమ్మడి గింజలు - 2 టేబుల్స్పూన్లు
- మిరియాలు - అర టేబుల్స్పూన్
- యాలకులు - 10
- ఎండిన గులాబీ రేకులు - 3 టేబుల్స్పూన్లు
- కుంకుమ పువ్వు - చిటికెడు
- కండ చక్కెర - రుచికి సరిపడా
- పాలు - లీటర్
- కొద్దిగా జాజికాయ పొడి
ఠండాయి తయారీ విధానం
- ముందుగా నట్స్ని నానబెట్టుకోవాలి. ఇందుకోసం ఒక మిక్సింగ్ బౌల్లో పావు కప్పు జీడిపప్పులు, 2 టేబుల్స్పూన్ల చొప్పున పిస్తా, గసగసాలు, సోంపు, గుమ్మడి గింజలు తీసుకోండి. అలాగే అర టేబుల్స్పూన్ మిరియాలు, యాలకులు, 3 టేబుల్స్పూన్లు ఎండిన గులాబీ రేకులు, చిటికెడు కుంకుమ పువ్వు వేసి సరిపడా నీళ్లు పోసి 3 గంటలు నానబెట్టుకోండి.
- అలాగే మరొక చిన్న గిన్నెలో వేడి నీళ్లు పోసి బాదం వేయండి. వీటిని కూడా 3 గంటలు నానబెట్టుకోండి.
- ఇప్పుడు స్టవ్పై కడాయి పెట్టి లీటర్ పాలు పోసి మీడియం ఫ్లేమ్లో 5 నిమిషాల పాటు మరిగించాలి.
- అనంతరం పాలను ఒక గిన్నెలోకి తీసుకొని చల్లారనివ్వండి. ఆపై పాలను ఒక అరగంటపాటు ఫ్రిడ్జ్లో పెట్టుకోండి.
- అనంతరం నానబెట్టుకున్న బాదం పొట్టు తీసుకోండి.
- ఇప్పుడు ఒక మిక్సీ గిన్నెలో నానబెట్టుకున్న నట్స్ నీళ్లతో సహా తీసుకోండి. ఇందులో బాదం, రుచికి సరిపడా కండ చక్కెర, కొద్దిగా జాజికాయ పొడి వేసి వీలైనంత మెత్తగా పేస్ట్ చేసుకోవాలి.
- ఈ పేస్ట్ని ఫ్రిడ్జ్లో పెట్టుకున్న పాలలో వేసి బాగా కలుపుకోండి.
- అంతే ఇలా సింపుల్గా ప్రిపేర్ చేసుకుంటే టేస్టీ అండ్ హెల్దీ ఠండాయి డ్రింక్ రెడీ!
మహారాజులు ధరించిన వజ్రం - వచ్చే నెలలోనే "గోల్కొండ బ్లూ" డైమండ్ వేలం - కళ్లు చెదిరే ధర!
బాలికలకు బలాన్నిచ్చే "బియ్యం పిండి పిట్టు"- ఆడపిల్లలు, మహిళలు తప్పక తినాల్సిన స్వీట్ ఇది!
