Instant Bun Dosa in Telugu : ఇంట్లో టిఫిన్ ప్రిపేర్ చేయాలంటే ఫ్రిడ్జ్లో ఇడ్లీ లేదా దోసె పిండి తప్పకుండా ఉండాల్సిందే! అప్పుడే ఇంట్లో వాళ్లకోసం వేడివేడిగా బ్రేక్ఫాస్ట్ ప్రిపేర్ చేయచ్చు. ఫ్రిడ్జ్లో ఏ పిండి లేకపోతే చాలా మంది రవ్వతో ఉప్మా చేసేస్తుంటారు. ఎప్పుడూ ఉప్మానే కాకుండా ఓసారి ఇలా బన్ దోసెలు ప్రిపేర్ చేయండి. ఈ దోసెలు చేయడం కోసం పొటాటో, క్యారెట్ తురుము వంటి పదార్థాలు ఉంటే సరిపోతాయి. మరి ఈజీగా బన్ దోసెలు ఎలా చేయాలో ఇప్పుడు చూద్దాం.
కావాల్సిన పదార్థాలు :
- బొంబాయి రవ్వ - కప్పు
- బంగాళాదుంప - 1
- సన్నటి ఉల్లిపాయ తరుగు - అరకప్పు
- క్యారెట్ తరుగు - పావు కప్పు
- కొత్తిమీర తరుగు - కొద్దిగా
- ఉప్పు రుచికి సరిపడా
- కరివేపాకు - 2
- పచ్చిమిర్చి - 3
- బేకింగ్ పౌడర్ లేదా ఈనో - అరటీస్పూన్
చల్లచల్లని "బాదాం షేక్" - వ్యాపారులు అమ్మే బాదం పాల రెసిపీ సీక్రెట్ ఇదే!
తయారీ విధానం
- ఇందుకోసం ముందుగా పొటాటో పైన చెక్కు తీసేసి చిన్న ముక్కలుగా కట్ చేసుకోండి.
- అలాగే రెసిపీలోకి కావాల్సిన ఉల్లిపాయ చిన్న ముక్కలుగా కట్ చేసుకోండి.
- ఒక మిక్సీ గిన్నెలోకి కప్పు బొంబాయి రవ్వ వేసుకొని మెత్తగా పొడి చేసుకోవాలి. ఆపై ఇందులో కట్ చేసి పొటాటో ముక్కలు, టీ గ్లాసు వాటర్ యాడ్ చేసి మెత్తగా పేస్ట్ చేసుకోండి. ఇక్కడ మీరు పొటాటోకి బదులుగా పెరుగు కూడా ఉపయోగించవచ్చు.
- ఇలా గ్రైండ్ చేసుకున్న పిండిని ఒక మిక్సింగ్ బౌల్లోకి తీసుకొని పక్కన పెట్టుకోండి.
- ఇప్పుడు ఇందులో రుచికి సరిపడా ఉప్పు, ఉల్లిపాయ తరుగు, పచ్చిమిర్చి ముక్కలు, కరివేపాకు, క్యారెట్ తురుము వేసి బాగా కలపండి.
- అనంతరం అరటీస్పూన్ బేకింగ్ పౌడర్ లేదా ఈనో, కొన్ని వాటర్ పోసి మిక్స్ చేయండి.
- ఈ బన్ దోసెలు పిండి కలిపిన తర్వాత అప్పటికప్పుడు చేసుకోవచ్చు.
- ఇందుకోసం స్టవ్ ఆన్ చేసి పాన్ పెట్టి 2 టేబుల్స్పూన్లు ఆయిల్ వేయండి.
- నూనె వేడైన తర్వాత మూడు గరిటెలు పిండి వేసి స్ప్రెడ్ చేయండి. పాన్పై మూత పెట్టి మీడియం ఫ్లేమ్లో రెండు నిమిషాలు ఉడికించుకోండి. ఆపై బన్ దోసె మరోవైపు తిప్పి దోరగా కాల్చుకొని ప్లేట్లోకి తీసుకోండి.
- మిగిలిన పిండితో ఇలా బన్ దోసెలు ప్రిపేర్ చేసుకోండి.
- అంతే ఇలా సింపుల్గా ప్రిపేర్ చేసుకుంటే కమ్మటి బన్ దోసెలు మీ ముందుంటాయి.
- ఈ దోసెలు ఏ చట్నీ లేకపోయినా ఎంతో రుచిగా ఉంటాయి. ఈ బ్రేక్ఫాస్ట్ రెసిపీ నచ్చితే ఓసారి తప్పక ట్రై చేయండి.
రోజూ ఈ చట్నీల గొడవెందుకు? - ఒక్కసారి ఇలా "పెరుగు పులస" చేసి పెట్టుకుంటే సరిపోదూ!
