Sabudana Vada Recipe In Telugu : ఎక్కువ మంది సగ్గుబియ్యంతో రుచికరమైన పాయసం, వడలు చేస్తుంటారు. ఈ వడలు చేయడం కోసం కొందరు పొటాటో ఉడకబెడుతుంటారు. అయితే, ఇక్కడ చెప్పిన విధంగా చేస్తే బంగాళదుంపలు ఉడకబెట్టాల్సిన అవసరం లేదు. ఈ సగ్గుబియ్యం వడలు పైన క్రిస్పీగా లోపల మెత్తగా ఎంతో టేస్టీగా ఉంటాయి. ఈ వడలను బ్రేక్ఫాస్ట్లోకి, ఈవెనింగ్ స్నాక్స్లోకి కూడా ప్రిపేర్ చేసుకోవచ్చు. మరి ఈజీగా సగ్గుబియ్యం వడలు ఎలా చేయాలో ఇప్పుడు చూద్దాం.
కావాల్సిన పదార్థాలు :
- సగ్గుబియ్యం - కప్పు
- నీళ్లు - కప్పు
- బంగాళదుంప - 1
- పల్లీలు - అరకప్పు
- చిన్న అల్లం ముక్క
- పచ్చిమిర్చి - మూడు
- కొత్తిమీర - ఒక కట్ట
- నూనె - డీప్ ఫ్రైకి సరిపడా
- రుచికి సరిపడా ఉప్పు, కారం
- అరటీస్పూన్ జీలకర్ర
- ఉల్లిపాయ ముక్కలు - పావు కప్పు
- 4 టేబుల్స్పూన్లు బియ్యం పిండి
నోరూరించే "చింత చిగురు ఎండు నెత్తళ్ల కర్రీ" - ఇలా చేస్తే ముద్దకూడా మిగల్చరు!
తయారీ విధానం:
- మార్నింగ్ బ్రేక్ఫాస్ట్లోకి సగ్గుబియ్యం వడలు ప్రిపేర్ చేయడం కోసం ఒక బౌల్లోకి కప్పు సగ్గుబియ్యం తీసుకోండి.
- వీటిని ఒకసారి కడిగి కప్పు నీళ్లు పోసి రాత్రంతా నానబెట్టుకోండి. ఇలా కప్పు సగ్గుబియ్యం కోసం కప్పు నీళ్లు ఉపయోగించడం వల్ల పొడిపొడిగా ఉంటాయి.
- అలాగే బంగాళదుంప పైన చెక్కు తీసేసి తురుముకోవాలి. ఈ పొటాటో తురుము గిన్నెలోకి తీసుకొని పక్కన పెట్టుకోండి.
- ఇప్పుడు స్టవ్పై కడాయి పెట్టి అరకప్పు పల్లీలు వేయండి. మంట మీడియం ఫ్లేమ్లో అడ్జస్ట్ పెట్టి పల్లీలు దోరగా ఫ్రై చేసి ఒక ప్లేట్లోకి తీసుకొని చల్లారనివ్వండి.
- ఇప్పుడు ఒక మిక్సీ జార్లోకి చిన్న అల్లం ముక్క, పచ్చిమిర్చి ముక్కలు, కొత్తిమీర తరుగు వేసి మిక్సీ పట్టుకోవాలి. ఆపై ఇందులోకి వేయించుకున్న పల్లీలు వేసి కాస్త బరకగా గ్రైండ్ చేసుకోండి.
- ఆ విధంగా గ్రైండ్ చేసుకున్న పల్లీ పొడిని నానబెట్టుకున్న సగ్గుబియ్యంలో వేసుకోండి. ఇందులోనే పొటాటో తురుము, రుచికి సరిపడా ఉప్పు, కారం, అరటీస్పూన్ జీలకర్ర, సన్నగా తరిగిన కొత్తిమీర, ఉల్లిపాయ ముక్కలు, 4 టేబుల్స్పూన్లు బియ్యం పిండి వేసి బాగా కలుపుకోండి.
- ఈ సగ్గుబియ్యం వడల కోసం పిండి కాస్త గట్టిగానే ఉండాలి.
- ఇప్పుడు వడలు డీప్ ఫ్రై చేయడం కోసం కడాయి పెట్టి సరిపడా ఆయిల్ పోసి వేడి చేయండి.
- ఆయిల్ హీటైన తర్వాత స్టవ్ మీడయం ఫ్లేమ్లో అడ్జస్ట్ చేయండి. ఇప్పుడు కొద్దిగా పిండిని చేతిలోకి తీసుకొని వడలు రెడీ చేసుకొని ఆయిల్లో వేయండి.
- కాసేపటి తర్వాత నిదానంగా గరిటెతో తిప్పుతూ వడలు ఫ్రై చేసుకోండి.
- సగ్గుబియ్యం వడలు క్రిస్పీగా దోరగా వేగిన తర్వాత ఒక ప్లేట్లోకి తీసుకోండి. మిగిలిన పిండితో ఇలానే వడలు చేసుకుంటే సరి!
అంతే ఇలా సింపుల్గా ప్రిపేర్ చేసుకుంటే ఎంతో రుచికరమైన సగ్గుబియ్యం వడలు మీ ముందుంటాయి. సాయంత్రం టైమ్లో సగ్గుబియ్యం వడలు బెస్ట్ స్నాక్. ఈ వడల తయారీ విధానం నచ్చితే మీరు ఓసారి ఇంట్లో ఇలా ట్రై చేయండి.
పెసరపప్పు, కొబ్బరితో "హెల్దీ బర్ఫీ" - ఇలా చేస్తే కమ్మగా, ఐస్క్రీమ్లా కరిగిపోతుంది!
ఘుమఘుమలాడే "మటన్ గ్రేవీ కర్రీ" - ఇలా చేస్తే ముక్క జ్యూసీగా, త్వరగా ఉడికిపోతుంది!
