పిల్లలు రాగులతో చేసిన వంటలు తినడం లేదా? - ఇలా "రాగి తోప" చేసి పెట్టండి! ఇష్టంగా తింటారు!

పాత కాలం నాటి వంట రాగి తోప - సింపుల్​గా ఇలా ట్రై చేయండి!

Ragi Thopa Recipe in Telugu : సాధారణంగా రాగి పిండితో రాగి జావ, ఇడ్లీలు, దోసెలు ఎక్కువ చేస్తుంటారు. చిరుధాన్యాలను ఆహారంలో భాగం చేసుకోవాలని వైద్యులు సూచిస్తుండడంతో రాగులను డైట్​లో భాగం చేసుకుంటున్నారు ప్రజలు. అయితే, మీరు ఎప్పుడైనా రాగి పిండితో పాతకాలం నాటి రాగి తోప రెసిపీ ట్రై చేశారా? ఈ స్వీట్​ నోట్లో వేసుకోగానే వెన్నలా కరిగిపోతుంది. మరి ఈజీగా ఈ రాగి తోప ఎలా చేయాలో ఇప్పుడు చూద్దాం.

Ragi Flour (Getty Images)

కావాల్సిన పదార్థాలు:

• రాగి పిండి - 1 కప్పు
• యాలకుల పొడి - 1 టీ స్పూన్​
• పచ్చి కొబ్బరి తురుము - అర కప్పు
• బెల్లం తురుము - 1 కప్పు
• నెయ్యి - తగినంత

Ghee (Getty Images)

తయారీ విధానం :

• ఇందుకోసం ముందుగా స్టవ్​ ఆన్​ చేసి పాన్​ పెట్టి కప్పు బెల్లం తరుము వేసుకోవాలి. ఇందులోకి రెండు కప్పుల నీరు యాడ్​ చేసి బెల్లం కరిగించుకోవాలి. (ఇక్కడ ఏ కప్పుతో బెల్లం తురుము తీసుకుంటే అదే కప్పు కొలతతో వాటర్​ తీసుకోవాలి.)
• బెల్లం పూర్తిగా కరిగిన అనంతరం స్టవ్​ ఆఫ్​ చేసి మరొక గిన్నెలోకి వడకట్టుకోవాలి. ఇలా వడకట్టుకోవడం వల్ల బెల్లం నీళ్లలో ఏమైనా మలినాలు ఉంటే తొలగిపోతాయి.
• అనంతరం స్టవ్​ ఆన్​ చేసి కడాయి పెట్టి 2 టేబుల్​స్పూన్లు నెయ్యి వేసి కరిగించుకోవాలి.
• నెయ్యి కరిగిన తర్వాత కప్పు రాగిపిండి వేసి లో ఫ్లేమ్​లో మంచి వాసన వచ్చే వరకు వేయించుకోవాలి.

Ragi Thopa Process (ETV Bharat)

• రాగి పిండి చక్కగా వేగిన తర్వాత అర కప్పు పచ్చి కొబ్బరి తురుము వేసి మరో 5 నిమిషాల పాటు ఫ్రై చేసుకోవాలి.
• అనంతరం కరిగించిన బెల్లం నీటిని కొద్దికొద్దిగా పోసుకుంటూ ఉండలు లేకుండా బాగా కలుపుకోవాలి.
• అలాగే పిండిలో కొద్దికొద్దిగా నెయ్యి వేస్తూ మధ్యమధ్యలో కలుపుతూ లో ఫ్లేమ్​లో 10 నిమిషాలు ఉడికించుకోవాలి.
• రాగి పిండి మిశ్రమం ఉడికి, నెయ్యి పైకి తేలి పాన్​కు అంటుకోకుండా ఉన్నప్పుడు కొద్దిగా నెయ్యి, టీ స్పూన్​ యాలకుల పొడి వేసి కలిపి స్టవ్​ ఆఫ్​ చేయాలి.
• అంతే ఇలా సింపుల్​గా ప్రిపేర్​ చేసుకుంటే కమ్మటి రాగి తోప మీ ముందుంటుంది.
• ఈ రాగి తోప కాస్త చల్లారిన తర్వాత సర్వ్​ చేసుకోవాలి. ఈ హెల్దీ రాగి తోప తయారీ విధానం నచ్చితే మీరు ట్రై చేయండి.