PureVeg Bread Omelette in Telugu : గుడ్డు లేకుండా ఆమ్లెట్. వినడానికి కాస్త వింతగా అనిపించినా ఇక్కడ చెప్పిన విధంగా చేస్తే నిజంగానే సాధ్యమవుతుంది. గుడ్డు తినని వారికి, అలాగే శాకాహారులకు ఈ రెసిపీ బెస్ట్ ఆప్షన్. ఈ ఆమ్లెట్ బ్రేక్ఫాస్ట్లో లేదా ఈవెనింగ్ టైమ్లో స్నాక్స్గా తీసుకోవచ్చు. మరి సింపుల్గా ఈ ప్యూర్ వెజ్ బ్రెడ్ ఆమ్లెట్ ఎలా చేయాలో ఇప్పుడు చూద్దాం.
కావాల్సిన పదార్థాలు :
- బియ్యపిండి - అర కప్పు
- శనగపిండి - ఒకటిన్నర కప్పు
- ఉప్పు - రుచికి సరిపడా
- పసుపు - పావు టీస్పూన్
- మిరియాల పొడి - పావు టీస్పూన్
- చాట్ మసాలా - అర టీస్పూన్
- టమోటా తరుగు - 3 టేబుల్స్పూన్లు
- ఉల్లిపాయ తరుగు - 2 టేబుల్స్పూన్లు
- పచ్చిమిర్చి తరుగు - 1 టేబుల్స్పూన్
- కొత్తిమీర తరుగు - 3 టేబుల్స్పూన్లు
- బేకింగ్ పౌడర్ - 1 టేబుల్స్పూన్
- నెయ్యి/నూనె - తగినంత
- బ్రెడ్ స్లైసెస్ - 4 లేదా 5
"ఇన్స్టెంట్ వెజ్ పొంగనాలు" - పిండి నానబెట్టే పనిలేకుండా అప్పటికప్పుడు చేసుకోవచ్చు!
తయారీ విధానం :
- ముందుగా ఒక మిక్సింగ్ బౌల్లో శనగపిండి, బియ్యపిండి, చాట్ మసాలా తీసుకోవాలి. అలాగే రుచికి సరిపడా ఉప్పు, మిరియాల పొడి, పసుపు, బేకింగ్ పౌడర్ వేసుకొని బాగా కలుపుకోవాలి.
- తర్వాత ఆ మిశ్రమంలో తగినన్ని నీళ్లు పోసుకుంటూ 3-4 నిమిషాల పాటు బాగా బీట్ చేసుకోవాలి.
- ఆవిధంగా మిక్స్ చేసుకున్నాక అందులో గింజలు తొలగించి తరిగి పెట్టుకున్న టమోటా ముక్కలు వేసుకోవాలి. అలాగే సన్నగా తరిగిన ఉల్లిపాయ, పచ్చిమిర్చి, కొత్తిమీర తరుగు వేసుకొని మరోసారి మిశ్రమాన్ని బాగా కలుపుకోవాలి.
- తర్వాత ఆ మిశ్రమాన్ని 10 నిమిషాల పాటు మూతపెట్టి పక్కన పెట్టుకోవాలి.
- ఇప్పుడు స్టవ్పై పాన్ పెట్టుకొని నెయ్యి లేదా నూనె వేసుకోవాలి. అది కరిగాక దానిపై ఒక శాండ్విచ్ బ్రెడ్ స్లైస్ ఉంచి దోరగా కాల్చుకోవాలి. తర్వాత రెండోవైపు కూడా బ్రెడ్పై కొద్దిగా నెయ్యి లేదా నూనె వేసుకొని క్రిస్పీగా కాల్చుకోవాలి. ఇదే మాదిరిగా మిగతా బ్రెడ్ స్లైస్లను కాల్చుకొని పక్కన పెట్టుకోవాలి.
- ఇప్పుడు మరోసారి స్టవ్పై పాన్ పెట్టుకొని ఒక టీస్పూన్ నెయ్యి వేసుకోవాలి. ఆపై ముందుగా ప్రిపేర్ చేసి పెట్టుకున్న శనగపిండి మిశ్రమాన్ని కొద్దిగా పోసుకుని పాన్ మొత్తం స్ప్రెడ్ చేసుకోవాలి. ఇక్కడ మరీ పల్చగా స్ప్రెడ్ చేయకుండా కాస్త మందంగానే ఉండేలా చూసుకోవాలి.
- అనంతరం అంచుల వెంట అక్కడక్కడ కొద్దిగా నెయ్యి వేసుకొని మంటను మీడియం ఫ్లేమ్లో ఉంచి నిదానంగా రోస్ట్ చేసుకోవాలి.
- ఇప్పుడు పిండి మధ్యలో కాస్త తడిగా ఉన్నప్పుడు ముందుగా రోస్ట్ చేసి పెట్టుకున్న ఒక బ్రెడ్ స్లైస్ను ఉంచి అంచులను నాలుగు పక్కల లోపలికి ఫోల్డ్ చేసుకోవాలి. ఆపై రెండువైపులా కాస్త నెయ్యి వేసుకొని కాల్చుకోవాలి.
- ఇదే విధంగా మిగతా పిండి, బ్రెడ్ స్లైస్లతో ఆమ్లెట్స్ ప్రిపేర్ చేసుకుంటే సరి!
- అంతే ఇలా ఈజీగా రెడీ చేసుకుంటే ప్యూర్ వెజ్ బ్రెడ్ ఆమ్లెట్ రెడీ.
పొడవు వంకాయలతో "నోరూరించే ఉల్లికారం" - అన్నం తింటుంటే మైమరచిపోతారంతే!
ఘుమఘుమలాడే "మామిడి అల్లం చారు" - ఇలా చేసుకుంటే రుచి, వాసన తగ్గేదేలే!
