Lunch box recipe : ఎండాకాలం ఆఫీస్ లంచ్ బాక్సుల్లోకి ఏం వండి పెట్టాలా? అని ఆలోచిస్తున్నారా? ఎప్పుడూ తెల్లన్నం, కర్రీ, చారు కాకుండా ఇలా ఓ సారి ట్రై చేయండి సింపుల్ గా ఉంటుంది. 15నిమిషాల్లో కుక్కర్లోనే తయారు చేసుకోవచ్చు. ఇది పులగం మాదిరిగా ఉన్నా ఏదైనా కర్రీ, చట్నీ కలుపుకొని తింటే చాలు. ఎంతో రుచిగా ఉంటుంది.
చేప ఏదైనా సరే ఇలా ఇగురు పెట్టి చూడండి! - చిక్కని గ్రేవీ కమ్మగా, కారంగా నోరూరిస్తుంది
కావాల్సిన పదార్థాలు
- బియ్యం - 1 గ్లాసు
- పచ్చి పెసలు - అరగ్లాసు
- నూనె - 3 టేబుల్ స్పూన్లు
- ఆవాలు - 1 టీ స్పూన్
- జిలకర - అర టీ స్పూన్
- పచ్చి శనగపప్పు - 1 టీ స్పూన్
- మినప్పపుప్పు - 1 టీ స్పూన్
- వెల్లుల్లి రెమ్మలు - 5 లేదా 6
- కరివేపాకు - 1 రెమ్మ
- పచ్చిమిర్చి - 3
- ఉల్లిపాయలు - 2 మీడియం సైజు
- టమోటా - 2
- ఉప్పు - రుచికి సరిపడా
- కారం - ఒకటిన్నర టీ స్పూన్
- పసుపు - అర టీ స్పూన్
- జీలకర్ర పొడి - అర టీ స్పూన్
- ధనియాల పొడి - 2 టీ స్పూన్లు
- కొత్తి మీర తరుగు- కొద్దిగా
- నెయ్యి - 1 టేబుల్ స్పూన్
తయారీ విధానం
- ముందుగా ఇంట్లో వాడుకునే బియ్యం లేదా బాస్మతి బియ్యం తీసుకుని శుభ్రం చేసుకోవాలి. ఆ తర్వాత పచ్చి పెసలు లేదా పెసర పప్పు ఏదైనా తీసుకోవచ్చు. పెసర్లు అయితే పొట్టు ఉండడం వల్ల రుచి బాగుంటుంది. ఈ రెండింటిని రెండు సార్లు నీళ్లు పోసుకుని శుభ్రం చేసుకుని ఓ గిన్నెలోకి తీసుకోవాలి. ఆ తర్వాత బియ్యం, పెసర్లు మునిగే వరకు నీళ్లు పోసుకోవాలి. ఇలా పది లేదా 15 నిమిషాలు నానబెట్టుకుంటే సరిపోతుంది.
- ఇపుడు స్టవ్ వెలిగించుకుని కుక్కర్లో 2 లేదా 3 టేబుల్ స్పూన్ల్ నూనె వేసుకుని ఆవాలు, జీలకర్ర, పచ్చి శనగపప్పు, మినప్పపుప్పు వేయించుకోవాలి. ఆ తర్వాత పొట్టు తీసిన వెల్లుల్లి రెమ్మలు, కొద్దిగా కరివేపాకు, పచ్చి మిర్చి చీలికలు కూడా వేసుకుని మగ్గించాలి.
- రెండు మీడియం సైజు ఉల్లిగడ్డలను సన్నగా కట్ చేసుకుని వేసుకోవాలి. ఉల్లిపాయ ముక్కలు మెత్తబడే వరకు అంటే, మీడియం ఫ్లేమ్లో 3 నిమిషాలు ఉడికిస్తే చాలు. ఆ తర్వాత మరో రెండు చిన్న టమోటా ముక్కలు కూడా వేసుకుని ఉడికించుకోవాలి. ఇందులో ఉప్పు వేసుకోవడం వల్ల టమోటా ముక్కలు తొందరగా ఉడికిపోతాయి.
- 3 నిమిషాలు మీడియం ఫ్లేమ్లో వేయించుకున్న తర్వాత కారం, పసుపు, జీలకర్ర పొడి, ధనియాల పొడి వేసుకోవాలి. అవసరమైతే గరం మసాలా కూడా వాడుకోవచ్చు. ఇపుడు అన్నింటిని బాగా కలుపుకుని ముందుగా నానబెట్టుకున్న బియ్యం, పెసర్లను వేసుకుని లో ఫ్లేమ్లో కాస్త వేయించాలి.
- ఈ సమయంలో మరీ ఎక్కువగా కలిపితే బియ్యం విరిగిపోయే చాన్స్ ఉంది. మరీ కలపకుండా లైట్గా మగ్గిస్తే చాలు. ఇప్పుడు బియ్యం తీసుకున్న గ్లాసుతో మూడు గ్లాసుల నీళ్లు పోసుకుని కలుపుని ఉప్పు రుచి చూసుకోవాలి. అవసరమైతే ఈ పాయింట్లోనే కలుపుకోవాలి. ఆ తర్వాత కొత్తి మీర తరుగు, నెయ్యి వేసుకుని బాగా కలుపుకుని కుక్కర్ మూత పెట్టి మీడియం ఫ్లేమ్లో నాలుగు విజిల్స్ వచ్చే వరకు ఉడికించుకోవాలి.
- ప్రెషర్ పోయిన తర్వాత కుక్కర్ మూత తీసి ఒక చెంచా నెయ్యి వేసుకుంటే చాలు.
"కమ్మగా, కారంగా ఉంటా - నా పేరు చెప్పుకోండి!" - పాతకాలం నాటి ఈ రెసిపీ మీకు తెలుసా?
"జొన్న చపాతీలు" రోజూ చేసుకోవచ్చు - ఇలా ట్రై చేయండి - పెనంపై పొంగుతాయి!
