Pesarattu Recipe in Telugu : ఉదయాన్నే రెండు పెసరట్లు తిని వేడివేడి టీ లేదా కాఫీ తాగితే ఎంతో హాయిగా ఉంటుంది. ఇలా టిఫిన్ చేస్తే చాలా మందికి మధ్యాహ్నం వరకు ఆకలి వేయదు. అయితే, అందరికీ ఇష్టమైన పెసరట్టు చక్కగా వేయడం ఒక కళ. ఎక్కువ మంది పెసరట్టు తయారు చేస్తే చాలా గట్టిగా వస్తుంది. ఇలాంటి పెసరట్టు అంతగా తినాలనిపించదు. అయితే, ఇక్కడ చెప్పిన విధంగా కొన్ని టిప్స్, కొలతలు పాటిస్తూ పెసరట్టు తయారు చేసుకుంటే కాస్త మెత్తగా వస్తాయి. అలాగే ఈ పెసరట్టు టేస్ట్ కూడా చాలా బాగుంటుంది. మరి సులభంగా పెసరట్టు ఎలా చేయాలో ఇప్పుడు చూద్దాం.
పెసరట్టు తయారీకి కావాల్సిన పదార్థాలు :
- పెసర్లు - కప్పు
- బియ్యం - పావుకప్పు
- పచ్చిమిర్చి - 4
- కరివేపాకు - 2
- మెంతులు - పావు టీస్పూన్
- అల్లం - 2 చిన్న ముక్కలు
- జీలకర్ర - 1 టీస్పూన్
- ఉప్పు - రుచికి సరిపడా
- సన్నటి ఉల్లిపాయ ముక్కలు - కొద్దిగా
- కొత్తిమీర తరుగు - కొద్దిగా
టేస్టీ, హెల్దీ "రాగి పిట్టు" - ఈ బలమైన ఆహారం ఎవరైనా తినొచ్చు!
పెసరట్టు తయారీ విధానం :
- ఇందుకోసం ముందు రోజు రాత్రి ఒక బౌల్లో కప్పు పెసర్లు, పావు కప్పు బియ్యం, పావు టీస్పూన్ మెంతులు తీసుకొని రెండు మూడు సార్లు శుభ్రంగా కడగండి. ఆపై తగినన్ని నీరు పోసి నైట్ మొత్తం నానబెట్టుకోవాలి.
- అంత టైమ్ లేకపోతే కనీసం 4-5 గంటలు నానబెట్టుకోవాలి.
- మరుసటి రోజు నానబెట్టుకున్న పెసర్లలోని నీళ్లన్నీ వంపేసుకోండి.
- ఆపై ఒక మిక్సీ జార్ తీసుకొని అందులో అల్లం తరుగు, పచ్చిమిర్చి ముక్కలు, కరివేపాకు, నానబెట్టుకున్న పెసర్లు, జీలకర్ర, తగినన్ని వాటర్ యాడ్ చేసుకొని మెత్తగా గ్రైండ్ చేసుకోవాలి.
- గ్రైండ్ చేసుకున్న పెసరట్టు పిండిని ఒక మిక్సింగ్ బౌల్లోకి తీసుకోవాలి. ఇందులో రుచికి సరిపడా ఉప్పు వేసి బాగా కలిపి 15 నిమిషాలు పక్కన పెట్టుకోవాలి
- అనంతరం స్టవ్పై దోసె పెనం పెట్టుకొని హీట్ చేసుకోవాలి.
- పెనం వేడయ్యాక మంటను లో ఫ్లేమ్కి తగ్గించి కాస్త నూనె వేసి స్ప్రెడ్ చేయాలి. ఆపై గరిటెడు పిండిని తీసుకొని పెసరట్టు మాదిరిగా ప్రిపేర్ వేసుకోవాలి.
- అలాగే పెసరట్టు పైన సన్నటి ఉల్లిపాయ ముక్కలు, కొత్తిమీర తరుగు వేసుకోవచ్చు. మీకు నచ్చితే పెసరట్టుపై కాస్త కారం పొడి కూడా చల్లుకోవచ్చు.
- అనంతరం పెసరట్టు రెండో వైపు టర్న్ చేసుకొని లైట్గా కాల్చుకొని వేడివేడిగా సర్వ్ ప్లేట్లోకి తీసుకొని సర్వ్ చేసుకోవాలి.
- అంతే మిగిలిన పిండితో ఇలా సింపుల్గా పెసరట్టు తయారు చేసుకోవాలి.
- ఈ సూపర్ టేస్టీ పెసరట్టు అల్లం చట్నీ, పల్లీ చట్నీతో టేస్ట్ అద్భుతంగా ఉంటుంది. ఈ పెసరట్టు తయారీ విధానం నచ్చితే మీరు ఓసారి ఇలా ట్రై చేయండి.
సూపర్ టేస్టీ "వెజ్ పులావ్" - వారానికోసారైనా ఇలా చేస్తే పిల్లలు మెతుకు మిగల్చరు!
"ఆ మొక్కలతో ఆరోగ్య సమస్యలు" - జీవవైవిధ్యానికి పెనుముప్పు అంటున్న పరిశోధనలు!
