Palkova Recipe in Telugu : స్వీట్షాప్కి వెళ్లినప్పుడు అక్కడ ఎన్ని రకాల స్వీట్లున్నా పాలకోవాను చూస్తే మాత్రం కళ్లు తిప్పుకోకుండా ఉండలేరు చాలామంది. నోట్లో వేసుకోగానే వెన్నలా కరిగే పాలకోవా రుచి అమృతంలా ఉంటుంది. అయితే, పాలు పంచదార ఉంటే చాలు ఇంట్లోనే ఈ స్వీట్ని ప్రిపేర్ చేసుకోవచ్చు. ఇలా పాలకోవా చేస్తే టేస్ట్ అచ్చం స్వీట్షాప్లానే ఉంటుంది. మరి ఈజీగా పాలకోవా ఇంట్లో ఎలా చేయాలో ఇప్పుడు చూద్దాం.
కావాల్సిన పదార్థాలు
- చిక్కని పాలు - లీటర్
- యాలకుల పొడి-అరటీస్పూన్
- చక్కెర - 100 గ్రాములు
పాలకోవా తయారీ విధానం
- ఇందుకోసం ముందుగా స్టవ్పై మందపాటి కడాయి పెట్టుకోండి. ఇందులో చిక్కటి పాలు పోసి మరిగించండి. పాలకోవా మరింత రుచిగా ఉండటానికి మీరు ఫుల్ క్రీమ్ మిల్క్ యూజ్ చేయొచ్చు.
- స్టవ్ మీడియం ఫ్లేమ్లో అడ్జస్ట్ చేసి పాలు చిక్కగా మారేంత వరకు, మధ్యమధ్యలో గరిటెతో కలుపుతూనే ఉండాలి.
- పాలపైన వచ్చే మిగడ కడాయికి అతుక్కోకుండా గరిటెతో పాలలోకి కలుపుతూ బాగా మరిగించాలి. ఇలా పాలను గరిటెతో కలపడం వల్ల పాలు అడుగుపట్టకుండా ఉంటాయి. పాలు దగ్గర పడి కోవాగా మారేంత వరకు ఇలానే కలుపుతూనే మరిగించుకోవాలి.
- పాలు దగ్గర పడిన అనంతరం ఇందులో పంచదార వేసి బాగా కలపండి.
- షుగర్ వేసిన తర్వాత కోవా పల్చగా మారుతుంది. మళ్లీ అలాగే పాలను గరిటెతో కలుపుతూ దగ్గరయ్యే వరకు కలుపుతూ ఉండాలి. ఆపై ఇందులోకి యాలకుల పొడి వేసి బాగా కలుపుకోవాలి.
- ఈ సమయంలో పాలకోవాని కొద్దిగా చేతిలోకి తీసుకుని ముద్ద కట్టేలా ట్రై చేయండి. మిశ్రమం ముద్దగా మారితే కోవా పర్ఫెక్ట్గా రెడీ అయిందని గుర్తుంచుకోండి. ఆ విధంగా కోవా తయారయ్యాక స్టవ్ ఆఫ్ చేయాలి.
- పాలకోవా వేడివేడిగా ఉన్నప్పుడే ఒక గిన్నెతో ప్రెస్ చేస్తూ 5 నిమిషాలు పూర్తిగా కలపండి.
- కోవా చల్లారిన అనంతరం చేతితో మరో 5 నిమిషాల ప్రెస్ చేసుకోండి. ఇలా కోవాని ప్రెస్ చేసుకోవడం వల్ల పాలకోవా చాలా మృదువుగా వస్తుంది.
- తర్వాత కోవాని మీకు నచ్చిన ఆకారంలో చేసుకుంటే ఎంతో తీయని పాలకోవా మీ ముందుంటుంది.
- పాలకోవా తయారీ విధానం నచ్చితే మీరు కూడా ఇంట్లో ఈ విధంగా ట్రై చేయండి.
ఈ టిప్స్తో "స్వీట్షాప్ స్టైల్ కలాకండ్" చేసేయండి - ఫస్ట్ టైమైనా పర్ఫెక్ట్గా వచ్చేస్తుంది!
"కమ్మటి దొండకాయ పచ్చికారం" - ఇలా చేస్తే ఎప్పటికీ వదలరు - అంత బాగుంటుంది!
"కొర్రమీను చేపల పచ్చడి" - ఈ మసాలతో పెడితే రుచి అద్దిరిపోతుంది!
