Onion Paratha in Telugu : పరోటా అనగానే ఎక్కువ మందికి ఆలూ పరోటానే గుర్తుకు వస్తుంది. కాస్త కారంగా మెత్తగా ఉండే ఆలూ పరోటాలు లంచ్, డిన్నర్లోకి చాలా బాగుంటాయి. అయితే మీరు ఎప్పుడైనా ఉల్లిపాయతో టేస్టీ పరోటా ప్రిపేర్ చేశారా? ఈ ఆనియన్ పరోటా క్రిస్పీగా రుచి అద్భుతంగా ఉంటుంది. ఈ ఆనియన్ పరోటా లంచ్ బాక్స్లోకి కూడా తయారు చేసుకోవచ్చు. మరి ఈజీగా ఆనియన్ పరోటా ఎలా చేయాలో ఇప్పుడు చూద్దాం.
కావాల్సిన పదార్థాలు
- ఒకటిన్నర కప్పుల గోధుమ పిండి
- 2 టీ స్పూన్ల నెయ్యి లేదా నూనె
- 2 - పచ్చి మిరపకాయలు
- రుచికి సరిపడా - ఉప్పు
- రెండు - ఉల్లిపాయలు
- ఒక ఇంచు అల్లం ముక్క
- అర టీస్పూన్ - కారం
- అర టీస్పూన్ - వాము
- 2 టేబుల్ స్పూన్ల - కొత్తిమీర
- అర టీ స్పూన్ - గరం మసాలా
- అర టీ స్పూన్ - ధనియాల పొడి
- నూనె - సరిపడా
- 2 టేబుల్ స్పూన్లు- పుట్నాలు
కారం లేకుండా కమ్మని తెలంగాణ స్టైల్ "నువ్వుల ఆవకాయ పచ్చడి" - ఎంతో విభిన్నమైన రెసిపీ!
తయారీ విధానం
- ముందుగా ఒక మిక్సింగ్ బౌల్లో గోధుమ పిండి, రుచికి సరిపడా ఉప్పు, టీస్పూన్ నెయ్యి లేదా నూనె వేసుకుని బాగా కలపాలి.
- అనంతరం ఇందులో కొద్దికొద్దిగా వాటర్ యాడ్ చేసుకుంటూ పిండిని చపాతీ పిండిలా కలుపుకోవాలి. ఆపై కొద్దిగా నూనె పోసి మరోసారి కలిపి మూతపెట్టి 15 నిమిషాల పాటు పక్కన పెట్టుకోవాలి.
- ఇప్పుడు ఒక మిక్సీ గిన్నెలో పచ్చి మిరపకాయలు, అల్లం ముక్కలు వేసి కచ్చాపచ్చాగా గ్రైండ్ చేసుకోవాలి. ఈ మిశ్రమాన్ని గిన్నెలో పక్కన పెట్టుకోవాలి.
- అదే మిక్సీ గిన్నెలో పుట్నాల పప్పు వేసుకుని మెత్తగా పొడి చేసుకోవాలి. (మీరు పుట్నాల పప్పు పొడికి బదులుగా శనగపిండిని కాస్త వేయించుకుని వేసుకోవచ్చు)
- ఇప్పుడు పరోటా స్టఫింగ్ కోసం ఒక గిన్నెలో గ్రైండ్ చేసుకున్న పచ్చిమిర్చి-అల్లం మిశ్రమం, ఉల్లిపాయ ముక్కలు, వాము, కొత్తిమీర, కారం, గరం మసాలా, ధనియాల పొడి, పుట్నాల పొడి, ఉప్పు వేసి బాగా కలపాలి.
- ముందుగా కలిపి పెట్టుకున్న పిండిని మరోసారి బాగా కలిపి చిన్న ఉండలుగా చేసుకోవాలి. ఒక ఉండను పొడి పిండిలో ముంచి తీసుకోవాలి.
- ఆ పిండి ముద్దను చిన్న పూరీలా రోల్ చేసుకుని అందులో కొద్దిగా ఆనియన్ స్టఫింగ్ పెట్టి బయటకు రాకుండా అంచులు మూసివేయాలి.
- ఆపై కాస్త పొడి పిండిని వేసి పరోటాలా రోల్ చేసుకోవాలి.
- మరోవైపు స్టవ్ ఆన్ చేసుకుని చపాతీ పెనం పెట్టి వేడి చేసుకోవాలి.
- అనంతరం పెనంపై పరోటాను వేసి మీడియం ఫ్లేమ్లో రెండు వైపులా దోరగా రంగు మారే వరకు కాల్చుకోవాలి.
- అంతే ఇలా సింపుల్గా రెడీ చేసుకుంటే వేడివేడి ఆనియన్ పరోటా రెడీ!
- ఈ ఆనియన్ పరోటా తయారీ విధానం నచ్చితే మీరు ఓసారి ట్రై చేయండి.
అటుకులతో పోహా తినాలనిపించడం లేదా? -ఓసారి ఇలా "క్రిస్పీ కట్లెట్స్" ట్రై చేయండి! భలే రుచిగా ఉంటాయి!
