నోరూరించే "మీల్​ మేకర్​ మంచూరియా" - ఇది స్పైసీ, జ్యూసీగా చికెన్ కంటే బాగుంటుంది!

నోరూరించే మీల్​ మేకర్ మంచూరియా -ఈ సింపుల్​ టిప్స్​తో చేయండి!

Meal Maker Manchurian Recipe in Telugu : రెస్టారెంట్స్​, ఫాస్ట్​ ఫుడ్​ సెంటర్స్​లో లభించే మంచూరియా ఇష్టపడని వారు ఉండరు. స్పైసీగా, జ్యూసీగా ఉండే మంచూరియా పిల్లలు, పెద్దలందరూ ఇష్టంగా తింటారు. నార్మల్​గా మంచూరియా క్యాబేజీతో చేస్తుంటారు. అయితే, మీరు ఎప్పుడైనా మీల్​ మేకర్​తో మంచూరియా ట్రై చేశారా? ఇక్కడ చెప్పిన విధంగా మీల్ మేకర్ మంచూరియా చేస్తే టేస్ట్​ అద్దిరిపోతుంది. మరి ఇక ఆలస్యం చేయకుండా మీల్ మేకర్ మంచూరియా ఎలా చేయాలో ఇప్పుడు తెలుసుకుందాం.

Meal Maker (Getty Images)

కావాల్సిన పదార్థాలు :

• మీల్​ మేకర్స్ - కప్పు
• ఉప్పు - రుచికి సరిపడా
• కార్న్​ఫ్లోర్ - 2 టేబుల్​స్పూన్లు

మంచూరియా ఫ్రై కోసం

• షెజ్వాన్ సాస్/చిల్లీ సాస్ - 2 టీస్పూన్లు
• సోయా సాస్ - 2 టీస్పూన్లు
• ఆయిల్ - తగినంత
• వెల్లుల్లి ముక్కలు - 1 టీస్పూన్
• అల్లం ముక్కలు - 1 టీస్పూన్
• సన్నగా తరుక్కున్న ఆనియన్స్ - కొన్ని
• పచ్చిమిర్చి - 2
• టమోటా సాస్ - టేబుల్​స్పూన్లు
• సోయా సాస్ - అర టీస్పూన్
• వెనిగర్ - 1 టీస్పూన్
• కొత్తిమీర తరుగు - కొద్దిగా
• స్ప్రింగ్ ఆనియన్స్ తరుగు - కొంచం
• 200 ml వాటర్
• చైనీస్​ చిల్లీ సాస్ లేదా షేజ్వాన్​ - టేబుల్​స్పూన్
• వైట్​ పెప్పర్​ పౌడర్​ - అరటీస్పూన్
• వెజ్​ అరోమాటిక్ పౌడర్​ - అరటీస్పూన్
• మిరియాల పొడి - అరటీస్పూన్

Meal Maker Manchurian (ETV Bharat)

తయారీ విధానం :

• ముందుగా ​స్టవ్​ పై పాన్ పెట్టుకొని మూడు కప్పుల వాటర్, కొద్దిగా ఉప్పు వేసి నీళ్లు మరిగించుకోవాలి.
• నీళ్లు మరుగుతున్నప్పుడు మీల్​ మేకర్స్ అందులో వేసి రెండు నిమిషాల పాటు ఉడికించుకోవాలి.
• ఆపై వాటిని ఒక గిన్నెలో చల్లటి నీళ్లు పోసి అందులోకి తీసుకోండి.
• రెండు నిమిషాల తర్వాత చేతితో మీల్​ మేకర్స్​లోని నీటిని గట్టిగా పిండి ఒక మిక్సింగ్ బౌల్​లోకి వేసుకోవాలి.
• ఇందులోకి 2 టేబుల్​స్పూన్లు కార్న్​ఫ్లోర్, కొద్దిగా ఉప్పు వేసి మీల్​ మేకర్స్​కి పిండి బాగా కోట్​ చేయండి.
• తర్వాత స్టవ్​పై కడాయి పెట్టుకొని డీప్​ ఫ్రైకి తగినంత నూనె వేసుకోవాలి. ఆయిల్​ బాగా వేడయ్యాక మీల్ ​మేకర్స్​ని ఒక్కొటిగా వేసుకొని బాగా ఫ్రై చేసుకోవాలి.
• మీల్​ మేకర్స్ చక్కగా వేగి క్రిస్పీగా, గోల్డెన్ కలర్​లోకి ఫ్రై అయ్యాక ప్లేట్​లోకి తీసుకోవాలి.
• మీల్​ మేకర్​ మంచూరియా చేయడం కోసం స్టవ్​పై కడాయి పెట్టండి. ఇందులో రెండు టేబుల్​స్పూన్ల ఆయిల్ వేసి వేడి చేయండి. ఆపై సన్నని ఉల్లిపాయ, పచ్చిమిర్చి ​ముక్కలు వెల్లుల్లి, అల్లం ముక్కలు వేసి హై ఫ్లేమ్​ మీద కాసేపు ఫ్రై చేసుకోవాలి.
• అనంతరం టేబుల్​స్పూన్ చైనీస్​ చిల్లీ సాస్ లేదా షేజ్వాన్​ వేసి ఫ్రై చేసుకోవాలి. ఈ రెసిపీ కోసం కారం మాత్రం ఉపయోగించకూడదు.
• ఇప్పుడు టీస్పూన్ వెనిగర్, అర టీస్పూన్ సోయా సాస్​, టేబుల్​స్పూన్ టమోటా కెచప్​ వేసి కాసేపు ఫ్రై చేసుకోవాలి.
• అనంతరం 200 ml వాటర్​ పోసి కలిపి ఒక పొంగు వచ్చే వరకు బాగా మరిగించుకోవాలి.

Meal Maker Manchurian Recipe (ETV Bharat)

• ఆపై అరటీస్పూన్ చొప్పున వెజ్​ అరోమాటిక్ పౌడర్, వైట్​ పెప్పర్​ పౌడర్​, మిరియాల పొడి, కొద్దిగా ఉప్పు వేసి బాగా కలపండి.
• అనంతరం ఫ్రైడ్​ మీల్​ మేకర్​ వేసి హై ఫ్లేమ్​ మీద నిమిషం పాటు వేయించండి.
• చివరిగా కాస్త కొత్తిమీర తరుగు, స్ప్రింగ్​ ఆనియన్స్​ వేసి కలిపి స్టవ్ ఆఫ్ చేయండి. అంతే ఇలా సింపుల్​గా ప్రిపేర్​ చేసుకుంటే మీల్​ మేకర్​ మంచూరియా రెడీ!