మెత్తటి దూదిలాంటి "జొన్న ఇడ్లీలు" -ఈ కొలతలతో ఎవరైనా సులభంగా చేసుకోవచ్చు!

ఎప్పుడూ తెల్లటి ఇడ్లీలే చేస్తున్నారా? -ఓసారి ఇలా జొన్న రవ్వతో చేసుకోండి!

Jonna Idli Recipe in Telugu : ఇడ్లీ అనగానే మనందరి మనసులో తెల్లగా ఉండే ఇడ్లీలే మెదులుతుంటాయి. హోటల్స్​, టిఫిన్​ సెంటర్స్​లోనే కాకుండా ఇంట్లోనూ చాలా మంది తెల్లటి ఇడ్లీ రవ్వతోనే వీటిని తయారు చేస్తుంటారు. అయితే, షుగర్​, బీపీ వంటి అనారోగ్య సమస్యలతో బాధపడేవారు ఇడ్లీలు తినడానికి వెనకడుగు వేస్తుంటారు. అలాగే బరువు తగ్గాలనుకునే వారు మిల్లెట్స్​తో చేసిన ఆహారం తినడానికి ప్రయత్నిస్తారు. అయితే, ఈ స్టోరీలో చెప్పిన విధంగా జొన్నరవ్వతో ఇడ్లీలు చేసుకుంటే రుచి ఎంతో బాగుంటాయి. వీటిని పలు రకాల అనారోగ్య సమస్యలతో బాధపడేవారు, వెయిట్​లాస్​ కోసం ప్రయత్నిస్తున్నవారు తీసుకోవచ్చు. మరి ఇంట్లోనే మృదువైన జొన్నరవ్వ ఇడ్లీలు చేయడానికి కావాల్సిన పదార్థాలు? తయారీ విధానం మీ కోసం!

కావాల్సిన పదార్థాలు :

• జొన్న రవ్వ - 3 గ్లాసులు
• మినప్పప్పు - 1 గ్లాసు
• ఉప్పు - రుచికి సరిపడా

Jowar (ETV Bharat)

తయారీ విధానం :

• ముందుగా ఒక బౌల్​లో మినప్పప్పు తీసుకొని శుభ్రంగా కడిగి, తగినన్ని వాటర్ పోసుకొని 4 గంటల పాటు నానబెట్టుకోవాలి.
• అలాగే, మరో బౌల్​లో జొన్నరవ్వను తీసుకొని తగినన్ని వాటర్​ పోసుకొని 4 గంటల పాటు నానబెట్టుకోవాలి.
• మినప్పప్పు నానిన తర్వాత నీళ్లు వడకట్టుకొని మిక్సీ జార్​లోకి తీసుకొని మెత్తగా మిక్సీ పట్టుకోవాలి.
• ఇప్పుడు పిండిని ఒక మిక్సింగ్ బౌల్​లోకి తీసుకోవాలి. ఇందులో నానబెట్టుకున్న జొన్నరవ్వను శుభ్రంగా కడిగి నీరు లేకుండా వడకట్టుకొని వేసుకొని మొత్తం మిశ్రమం పూర్తిగా కలిసేలా బాగా కలుపుకోవాలి.
• అనంతరం గిన్నెపై మూతపెట్టి ఒక మూడు గంటలపాటు పిండిని పక్కన పెట్టుకోవాలి.
• ఇడ్లీలు చేసే ముందు పిండిని ఓసారి కలిపి రుచికి సరిపడా ఉప్పు యాడ్ చేసుకోవాలి.
• ఆపై స్టవ్​ ఆన్​ చేసి ఇడ్లీ పాత్ర పెట్టి తగినన్ని వాటర్​ పోసి మరిగించుకోవాలి.
• ఈలోపు ఇడ్లీ ప్లేట్స్​కు ఆయిల్​ లేదా నెయ్యి అప్లై చేసి జొన్నరవ్వ ఇడ్లీ మిశ్రమాన్ని వేసుకోవాలి. ఇలా అన్ని ప్లేట్స్​లోకి ఇడ్లీ పిండిని వేసుకోవాలి.
• ఇడ్లీ పాత్రలోని నీరు మరుగుతున్నప్పుడు ప్లేట్స్​ పెట్టి మూత పెట్టి 10-15 నిమిషాల పాటు మీడియం ఫ్లేమ్​లో ఉడికించాలి.
• ఇడ్లీలు ఉడికిన తర్వాత స్పూన్​తో తీసి ప్లేట్​లోకి సర్వ్​ చేసుకుంటే చాలు.
• అంతే, ఇలా ఈజీగా చేసుకుంటే టేస్టీ అండ్ హెల్దీ "జొన్న ఇడ్లీలు" రెడీ!
• జొన్న ఇడ్లీలు సాంబార్​, పల్లీ చట్నీ, అల్లం చట్నీతో రుచి చాలా బాగుంటాయి. జొన్న ఇడ్లీ తయారీ నచ్చితే మీరు ఓసారి ఇలా ట్రై చేయండి.