ఆంధ్రా "గోంగూర నువ్వుల పచ్చడి​" - ఈ ప్రిపరేషన్ స్టైలే కేక! - Gongura Nuvvula Pachadi

Gongura Nuvvula Pachadi Recipe : ఆకుకూరల్లో గోంగూర చాలా ప్రత్యేకం. తెలుగువారు దీని రుచికి పడిపోతారు! అలాంటి గోంగూర పచ్చడిని ఆంధ్రా స్టైల్లో ఎలా తయారు చేయాలో ఇప్పుడు చూద్దాం.

How To Make Gongura Nuvvula Chutney : మనలో చాలామందికి గోంగూర పచ్చడి అంటే ఎంతో ఇష్టం. వేడివేడి అన్నంలో కాస్తంత నెయ్యి వేసుకుని తింటే.. ఆ రుచి ఎంతో అద్భుతంగా ఉంటుంది. అయితే, ఎప్పుడూ గోంగూర పచ్చడి ఒకే విధంగా కాకుండా కాస్త కొత్తగా ప్రిపేర్ చేస్తే అద్భుతంగా ఉంటుంది. అందుకే.. ఈ ఆంధ్రా స్టైల్ రెసిపీ తీసుకోచ్చాం.

గోంగూర పచ్చడిని ఆంధ్రాలో.. ముఖ్యంగా గుంటూర్​ సైడ్​ వాళ్లు నువ్వులతో కలిపి ప్రిపేర్ చేస్తుంటారు. నువ్వులు కలిపిన ఈ పచ్చడి రుచి ఎంతో సూపర్​గా ఉంటుంది. ఒకసారి ఈ పచ్చడితో అన్నం తిన్నారంటే.. మళ్లీ మళ్లీ ప్రిపేర్ చేస్కుంటారు. మరి.. గోంగూర నువ్వుల పచ్చడిని సులభంగా ఎలా చేయాలో ఇప్పుడు చూద్దాం..

కావాల్సిన పదార్థాలు:

• నువ్వులు -పావు కప్పు (50 గ్రాములు)
• మెంతులు - టేబుల్​ స్పూన్
• ఆవాలు- టేబుల్​ స్పూన్
• ఇంగువ- అరటీస్పూన్​
• పసుపు-టేబుల్​ స్పూన్
• ఎర్ర గోంగూర ఆకులు - పావు కేజీ
• ఎండు మిర్చి - 20
• పచ్చిమిర్చి -7
• ఉప్పు - రుచికి సరిపడా
• చింతపండు-కొద్దిగా
• నూనె

తయారీ విధానం :

• ముందుగా గోంగూర ఆకులను తెంపి శుభ్రంగా రెండుమూడు సార్లు కడగండి. తర్వాత ఆకులను పొడి వస్త్రంపై వేసి కొద్దిగా ఆరనివ్వండి.
• తర్వాత స్టౌ ​పై పాన్​ పెట్టి సన్నని మంటమీద నువ్వులను వేయించి పక్కన పెట్టుకోండి. నువ్వులు చల్లారిన తర్వాత కాస్త బరకగా గ్రైండ్​ చేసుకోవాలి.
• ఇదే పాన్​లో టేబుల్​స్పూన్​ ఆయిల్​ హీట్​ చేసి మెంతులు, ఆవాలు వేసి కొద్దిగా వేపండి. తర్వాత 20 ఎండుమిర్చిలు వేసుకుని వేయించండి. అలాగే ఇంగువు వేసుకుని మిరపకాయలను వేయించి పక్కన ప్లేట్లో తీసి పెట్టుకోండి.
• ఇవి చల్లారిన తర్వాత కొద్దిగా చింతపండు వేసి మెత్తగా గ్రైండ్​ చేసుకోండి.
• ఇప్పుడు పాన్​లో ముప్పావుకప్పు ఆయిల్​ హీట్​ చేసి గోంగూర ఆకులను కొద్దిసేపు వేయించండి. తర్వాత పచ్చిమిర్చి ముక్కలు, రుచికి సరిపడా ఉప్పు వేసి కలపండి.
• ఇప్పుడు పసుపు వేసి నూనె పైకి కనిపించే వరకు వేపుకోండి. ఇప్పుడు ఇందులో పొడి చేసుకున్న మెంతులు, ఎండుమిర్చిల కారం వేసి కలపండి. అలాగే నువ్వుల పొడి వేసి మరొక సారి బాగా మిక్స్​ చేయండి.
• పచ్చడి అంత రెడీ అయిన తర్వాత ఉప్పు కరెక్ట్​గా ఉందో లేదో చెక్​ చేసుకోండి. అంతే.. సూపర్ చట్నీ మీ ముందు ఉంటుంది.
• ఇలా చేసుకుంటే గోంగూర నువ్వుల పచ్చడి ఎంతో రుచికరంగా ఉంటుంది.
• ఈ పచ్చడి బయట కనీసం రెండు వారాలు నిల్వ ఉంటుంది.
• రెసిపీ నచ్చితే మీరు కూడా ఇంట్లో ట్రై చేయండి.

ఇవి కూడా చదవండి :