Street Style Crispy Chicken Pakoda : వాతావరణంగా కూల్గా ఉన్నప్పుడు వేడివేడిగా ఏదైనా స్నాక్స్ తినాలనిపించడం కామన్. అందులోనూ నాన్వెజ్తో చేసినవైతే ఇంటిల్లిపాదీ లొట్టలేసుకుంటూ మరీ తింటారు. అలాంటి వాటిల్లో చికెన్ పకోడీ ముందు వరుసలో ఉంటుంది. అయితే, ఎక్కువ మంది దీన్ని ఇంట్లో చేసుకోవడం కాస్త టైమ్ టేకింగ్ ప్రాసెస్గా భావించి బయట బండ్లపై టేస్ట్ చేస్తుంటారు. మరికొందరు మాత్రం ఇంట్లో ట్రై చేస్తారు. కానీ, స్ట్రీట్ స్టైల్ రుచి రావట్లేదని ఫీల్ అవుతుంటారు. అలాంటి వారు ఓసారి ఈ కొలతలతో "చికెన్ పకోడీ" చేసుకొని చూడండి. అస్సలు నూనె పీల్చకుండా స్ట్రీట్ స్టైల్ రుచితో క్రిస్పీగా కరకరలాడుతూ వస్తుంది. వెదర్ కూల్గా ఉన్నప్పుడు ఇలా చేసి పెట్టారంటే పిల్లలే కాదు పెద్దలు ఎంతో ఇష్టంగా తింటారు. మొదటిసారి చేసుకునేవారూ ఈ కొలతలతో పర్ఫెక్ట్గా ప్రిపేర్ చేసుకోవచ్చు. మరి, ఆ ప్రాసెస్ ఏంటో ఇప్పుడు చూద్దాం.
కావాల్సిన పదార్థాలు :
- చికెన్ - అరకేజీ
- ఉప్పు - రుచికి తగినంత
- పసుపు - పావుటీస్పూన్
- నిమ్మరసం - అర చెక్క
- అల్లంవెల్లుల్లి పేస్ట్ - రెండు టీస్పూన్లు
- కారం - రెండు టీస్పూన్లు(రుచికి తగినంత)
- ధనియాల పొడి - ఒకటీస్పూన్
- జీలకర్ర పొడి - అరటీస్పూన్
- గరంమసాలా - ఒకటిన్నర టీస్పూన్లు
- మిరియాల పొడి - అరటీస్పూన్
- చాట్ మసాలా - అరటీస్పూన్
- పచ్చిమిర్చి చీలికలు - మూడు
- సన్నని కరివేపాకు తరుగు - రెండు టేబుల్స్పూన్లు
- కొత్తిమీర తరుగు - రెండు టేబుల్స్పూన్లు
- పుదీనా ఆకులు - కొన్ని
- బియ్యప్పిండి - రెండు టేబుల్స్పూన్లు
- కార్న్ ఫ్లోర్ - రెండు టేబుల్స్పూన్లు
- నూనె - అరటేబుల్స్పూన్
- కోడిగుడ్డు - ఒకటి
- నూనె - వేయించడానికి తగినంత
తయారీ విధానం :
- చికెన్ పకోడీ తయారీ కోసం ముందుగా సగం బోన్లెస్, మరో సగం విత్ బోన్స్ ఉన్న చికెన్ని తీసుకొని చిన్న చిన్న ముక్కలుగా కట్ చేసుకోవాలి. తర్వాత చికెన్ ముక్కలను శుభ్రంగా కడగాలి.
- ఆపై అందులో రుచికి తగినంత ఉప్పు, పసుపు, అల్లంవెల్లుల్లి పేస్ట్, నిమ్మరసం పిండుకొని వాటన్నింటిని చికెన్ ముక్కలకు పట్టేలా బాగా కలుపుకోవాలి.
- ఆ తర్వాత కారం, ధనియాల పొడి, జీలకర్ర పొడి, గరంమసాలా, మిరియాల పొడి, చాట్ మసాలా, పచ్చిమిర్చి చీలికలు వేసుకోవాలి.
- అలాగే, సన్నగా తరుక్కున్న కొత్తిమీర, కరివేపాకు తరుగు, పుదీనా ఆకులు, బియ్యప్పిండి, కార్న్ ఫ్లోర్, నూనె యాడ్ చేసుకున్నాక కోడిగుడ్డు పగులగొట్టి పోసుకొని ఇంగ్రీడియంట్స్ అన్నీ చికెన్ ముక్కలకు చక్కగా పట్టేలా చేతితో బాగా కలుపుకోవాలి. ఆపై గిన్నెపై మూతపెట్టి గంటపాటు పక్కన పెట్టుకోవాలి.
- అనంతరం స్టవ్ మీద కడాయి పెట్టుకొని తగినంత నూనె పోసుకొని వేడి చేసుకోవాలి. ఆయిల్ వేడయ్యాక స్టవ్ను మీడియం ఫ్లేమ్లో ఉంచి గంటపాటు మారినేట్ చేసి పక్కన పెట్టుకున్న చికెన్ని పాన్లో సరిపడా వేసుకొని గరిటెతో కదుపుతూ క్రిస్పీగా, ఎర్రగా అయ్యేంత వరకు వేయించుకోవాలి.
- ఆవిధంగా వేయించుకున్నాక టిష్యూ పేపర్ పరచిన ప్లేట్లోకి తీసుకొని కాసేపు ఉంచి వేడివేడిగా సర్వ్ చేసుకుంటే చాలు. అంతే, స్ట్రీట్ స్టైల్ రుచితో కరకరలాడే కమ్మని "చికెన్ పకోడీ" రెడీ!
చిట్కాలు :
- ఇక్కడ కార్న్ఫ్లోర్ అందుబాటులో లేకపోతే దాని ప్లేస్లో శనగపిండి లేదా మైదాను వాడుకోవచ్చు.
- చికెన్ మిశ్రమాన్ని చక్కగా మారినేట్ చేసుకున్నాక నార్మల్గా బయట అయితే గంటపాటు, ఫ్రిడ్జ్లో అయితే అరగంట పాటు ఉంచితే సరిపోతుంది.
"బియ్యప్పిండి జంతికలు" గట్టిగా వస్తున్నాయా? - ఇలా చేశారంటే గుల్లగా, క్రిస్పీగా కరకరలాడుతాయి!
చుక్క ఆయిల్ లేకుండా అద్దిరిపోయే "వడలు" - డీప్ ఫ్రై లేకుండానే సూపర్ టేస్టీగా, హెల్దీగా!!
