"కమ్మటి చింతాకు కారంపొడి" - ఇలా చేస్తే నెల రోజులపాటు నిల్వ! వేడివేడి అన్నంలోకి అద్ధిరిపోతుంది!

చింత చిగురుతో పప్పు, పచ్చడి అందరూ చేస్తారు! - ఓసారి ఇలా చింతాకు కారం పొడి రెడీ చేయండి!

Chintaku Podi Recipe In Telugu : చాలా మంది చింత చిగురుతో పప్పు, చింత చిగురు పచ్చడి, చారు చేస్తుంటారు. ఈ రెసిపీలన్నీ పుల్లపుల్లగా నోటికి ఎంతో రుచిగా ఉంటాయి. అయితే, మీరు ఎప్పుడైనా చింతాకుతో కారం పొడి ప్రిపేర్ చేశారా? ఈ చింతాకు కారం పొడి వేడివేడి అన్నంలోకి ఎంతో రుచిగా ఉంటుంది. పైగా చింతాకు కారం పొడి చేయడం కూడా సులభం. మరి ఈజీగా చింతాకు కారం పొడి ఎలా చేయాలో ఇప్పుడు చూద్దాం.

Chintaku (Getty Images)

తీసుకోవాల్సిన పదార్థాలు :

• చింతాకు - రెండు కప్పులు
• 2 టేబుల్​స్పూన్లు ధనియాలు
• టీస్పూన్ జీలకర్ర
• ఎండు మిర్చి - 20
• కొద్దిగా నూనె
• గుప్పెడు కరివేపాకు
• వెల్లుల్లి - 10

Dhania (Getty Images)

తయారీ విధానం

• ఇందుకోసం ముందుగా మరీ ముదురుగా, లేతగా కాకుండా ఉన్న చింతాకు రెండు కప్పులు తీసుకోండి. ఈ చింతాకు రెండు రోజులపాటు ఆరబెట్టి తీసుకోండి. చింతాకు పూర్తిగా ఎండిన తర్వాత వేయించాలి.

Chintaku (ETV Bharat)

• ఇందుకోసం ముందుగా స్టవ్​పై పాన్​ పెట్టి చింతాకు వేయండి. స్టవ్​ లో ఫ్లేమ్​లో అడ్జస్ట్ చేసి చింతాకు 10 నిమిషాలు దోరగా వేయించండి.
• చింతాకు ఆ విధంగా వేయించుకున్న తర్వాత ఒక ప్లేట్లోకి తీసుకొని చల్లారనివ్వండి.
• ఇప్పుడు అదే పాన్​లో 2 టేబుల్​స్పూన్లు ధనియాలు, టీస్పూన్ జీలకర్ర వేసి దోరగా ఫ్రై చేసుకొని ఒక గిన్నెలోకి తీసుకోండి.
• అదే పాన్​లో ఎండు మిర్చి, కొద్దిగా నూనె వేసి దోరగా ఫ్రై చేయండి. ఎండుమిర్చి క్రిస్పీగా ఫ్రై అయ్యాక గుప్పెడు కరివేపాకు వేసి వేయించండి. కరివేపాకు ఫ్రై అయ్యాక మిశ్రమాన్ని ఒక ప్లేట్లోకి తీసుకొని చల్లారనివ్వండి.
• ఇప్పుడు ఒక మిక్సీ గిన్నె తీసుకొని ఇందులో చింతాకు వేయండి. చింతాకు మెత్తగా పొడి చేసుకుని ఒక ప్లేట్లో పక్కన పెట్టుకోండి.
• అదే మిక్సీ గిన్నెలో వేయించి చల్లార్చుకున్న ధనియాలు, ఎండుమిర్చి మిశ్రమం, వెల్లుల్లి, రుచికి సరిపడా ఉప్పు వేసి మెత్తగా పొడి చేసుకోండి.
• ఈ ఎండుమిర్చి పొడిని గ్రైండ్​ చేసుకున్న చింతాకు పొడిలో వేసి కలుపుకోండి. అంతే ఇలా సింపుల్​గా ప్రిపేర్​ చేసుకుంటే ఎంతో రుచికరమైన చింతాకు కారం పొడి రెడీ!
• ఈ చింతాకు పొడి ఎయిర్​టైట్​ కంటైనర్లో స్టోర్ చేసుకుంటే నెల రోజులపాటు ఫ్రెష్​గా ఉంటుంది.
• వేడివేడి అన్నంలో కొద్దిగా నెయ్యి వేసుకుని చింతాకు పొడితో కలిపి తింటే టేస్ట్​ అద్దిరిపోతుంది. ఈ చింతాకు కారం పొడి తయారీ విధానం నచ్చితే మీరు ఓసారి ట్రై చేయండి.