Aloo Bajji Recipe In Telugu : ఈవెనింగ్ టీ టైమ్లో చాలా మందికి, మిర్చీ బజ్జీ, పకోడీ, ఆలూ బజ్జీ వంటివి తినాలనిపిస్తుంటుంది. కారంగా ఏదైనా స్నాక్ తిన్న తర్వాత టీ లేదా కాఫీ తాగితే ఆ ఫీలింగ్ చాలా బాగుంటుంది. ఈ క్రమంలోనే ఎక్కువ మంది స్నాక్స్గా వేడివేడిగా బజ్జీలు చేసుకుంటారు. అయితే, ఈ సారి ఇంట్లో ఆలూ బజ్జీలు తయారు చేసేటప్పుడు పిండి ఈ విధంగా ప్రిపేర్ చేయండి. ఇలా చేస్తే తక్కువ పిండితో ఆలూ బజ్జీలు ఎక్కువగా చేసుకోవచ్చు. మరి ఆలూ బజ్జీలు ఎలా చేయాలో ఇప్పుడు తెలుసుకుందాం.
ఆలూ బజ్జీ తయారీకి కావాల్సిన పదార్థాలు :
- శనగపిండి - కప్పు
- పొటాటోలు - 2
- పసుపు - అర చెంచా
- బియ్యప్పిండి - టేబుల్స్పూన్
- జీలకర్ర - 1 టీస్పూన్
- ఉప్పు - రుచికి సరిపడా
- బేకింగ్ సోడా - అర చెంచా
- నూనె - తగినంత
- సన్నగా తరిగిన కొత్తిమీర తరుగు
- వాము - అరటీస్పూన్
- అల్లం వెల్లుల్లి పేస్ట్ - అరటీస్పూన్
లంచ్ బాక్సుల్లోకి సూపర్ రెసిపీ - అన్నీ కలిపేసి కుక్కర్లో చేసుకోవడమే!
ఆలూ బజ్జీ తయారీ విధానం :
- ఇందుకోసం ముందుగా పొటాటోలను రెండు, మూడుసార్లు శుభ్రంగా కడగండి. ఆపై పీలర్ సహాయంతో పైన పొట్టు తీసేసుకోండి.
- ఇప్పుడు పొటాటోలను చిప్ స్లైసర్ లేదా కత్తితో వీలైనంత సన్నగా ముక్కలు కట్ చేసుకోవాలి.
- ఇలా కట్ చేసుకున్న పొటాటో స్లైసెస్ని ఒక మిక్సింగ్ బౌల్లోకి తీసుకోండి. ఇందులో వాటర్ పోసి రెండుసార్లు కడిగి కాసేపు నానబెట్టుకోండి.
- అనంతరం బజ్జీల పిండి రెడీ చేయడం కోసం ఒక మిక్సింగ్ గిన్నెలో కప్పు శనగపిండి తీసుకోండి.
- ఇందులో అరటీస్పూన్ కారం, టేబుల్స్పూన్ బియ్యం పిండి, అరటీస్పూన్ అల్లం వెల్లుల్లి పేస్ట్, కొద్దిగా పసుపు, సన్నగా తరిగిన కొత్తిమీర తరుగు, రుచికి సరిపడా ఉప్పు, చిటికెడు వంటసోడా, అరటీస్పూన్ వాము వేసి బాగా కలపండి.
- వంటసోడా వేయడం ఇష్టం లేనివారు టేబుల్స్పూన్ వేడివేడి ఆయిల్ పోసి పిండి కలుపుకోవచ్చు. ఇలా పిండిలో నూనె వేయడం వల్ల బజ్జీలు క్రిస్పీగా వస్తాయి.
- ఇప్పుడు పిండిలో కొద్దికొద్దిగా వాటర్ పోసుకుంటూ గట్టి పిండిలా కలుపుకోవాలి.
- ఆపై పిండిలో సరిపడా వాటర్ పోసుకుంటూ ఆలూ స్లైసెస్కి కోటింగ్ అయ్యే విధంగా పిండిని కలుపుకుంటే సరిపోతుంది. పిండి మరీ గట్టిగా ఉంటే తక్కువ పిండితో ఎక్కువ బజ్జీలు చేయడం కుదరదు.
- ఇప్పుడు ఆలూ బజ్జీలు ఫ్రై చేయడం కోసం స్టవ్పై కడాయి పెట్టి సరిపడా ఆయిల్ పోసి వేడి చేయండి.
- నూనె వేడైన తర్వాత ఒక్కో ఆలూ స్లైసెస్ని పిండిలో ముంచి నిదానంగా వేడివేడి ఆయిల్లో వేసుకోవాలి.
- కడాయిలో సరిపడా ఆలూ బజ్జీలు వేసుకున్న తర్వాత నెమ్మదిగా గరిటెతో తిప్పుతూ ఫ్రై చేసుకోవాలి.
- ఆలూ బజ్జీలు మంచి రంగులో దోరగా వేగిన తర్వాత ఒక ప్లేట్లోకి తీసుకోండి. మిగిలిన పిండితో ఇలా సులభంగా ఆలూ బజ్జీలు ప్రిపేర్ చేసుకుంటే సరి!
- అంతే ఇలా ఈజీగా రెడీ చేసుకుంటే నోరూరించే ఆలూ బజ్జీలు మీ ముందుంటాయి.
- ఈ టేస్టీ ఆలూ బజ్జీల తయారీ విధానం నచ్చితే మీరు ఓసారి ఇంట్లో ట్రై చేయండి.
రుచికరమైన "పెసరపప్పు, సేమియా కేసరి" - స్వీట్గా చేసుకోవచ్చు, ప్రసాదంలో పెట్టొచ్చు!
ఘుమఘుమలాడే "క్యాబేజీ నిల్వ పచ్చడి" - ఇలా పెట్టుకుంటే 2 నెలలు నిల్వ ఉంటుంది!
