ఏమీ కలపాల్సిన పనిలేదు - ఈ టిప్స్​ అండ్​ ట్రిక్స్​ పాటిస్తే ప్రతి "పూరీ" పొంగుతుంది!

How to Make Poori at Home : పూరీ పేరు చెప్పగానే ఫుడ్స్​ లవర్స్​కు మౌత్​ వాటరింగ్​ అయిపోద్ది. వేడి వేడి పూరీని నచ్చిన కర్రీలో ముంచుకుని తింటుంటే ఆ కిక్కే వేరు. పూరీ తినడానికి బానే ఉన్నా, చేయడమే అందరికీ రాదు. ఎందుకంటే హోటల్స్​లో పొంగినట్లు, ఇంట్లో చేస్తే పొంగదు. దీంతో కొన్ని సార్లు కరకరలాడుతా ఉంటాయి. ఈ క్రమంలోనే కొందరు అందులో పంచదార, బొంబాయి రవ్వ వంటివి కూడా కలుపుతుంటారు. కానీ మీకు తెలుసా? ఇవేమీ వేయకుండా ఎప్పుడూ చేసేలా చేసినా పూరీలు చక్కగా పొంగుతాయి. కాకపోతే చేసేటప్పుడు ఇప్పుడు చెప్పే టిప్స్​ పాటిస్తే సరి. మరి లేట్​ చేయకుండా పూరీలు ఎలా చేయాలో చూసేయండి.

కావాల్సిన పదార్థాలు:

• గోధుమపిండి - 2 కప్పులు
• ఉప్పు - సరిపడా
• నూనె - 2 టీస్పూన్లు

Wheat Flour (Getty Images)

తయారీ విధానం:

• ఓ బౌల్​లోకి గోధుమపిండిని జల్లించి తీసుకోవాలి. ఆపై అందులోకి ఉప్పు, నూనె వేసి కలుపుకోవాలి.
• పిండి మొత్తానికి నూనె పట్టే విధంగా కలుపుకోవాలి. ఇలా పిండిని కలిపిన తర్వాత కొద్దిగా పట్టుకుని చూస్తే పొడిపొడిగా ఉండాలి.
• ఇప్పుడు వాటర్​ను కొద్దికొద్దిగా పోసుకుంటూ పిండిని మిక్స్​ చేసుకోవాలి. ఇక నీళ్లు సరిపోయాయి అనుకున్న తర్వాత పిండిని వీలైనంత కలుపుతూ సాఫ్ట్​ ముద్ద వచ్చేలాగా చేసుకోవాలి.
• ఇలా కలిపిన పిండిపై మూత పెట్టి పక్కన పెట్టాలి. ఓ 10 నిమిషాల తర్వాత పిండిని మరోసారి కలిపి చిన్న చిన్న ఉండలుగా చేసుకోవాలి.

Soft Hotel Style Poori (ETV Bharat)

• స్టవ్​ ఆన్​ చేసి కడాయి పెట్టి డీప్​ ఫ్రైకి సరిపడా నూనె పోసుకోవాలి. నూనె కాగేలోపు పూరీలు ప్రిపేర్​ చేసుకోవాలి.
• అందుకోసం ఓ ఉండను తీసుకుని లైట్​గా ఆయిల్​లో ముంచి చపాతీ పీట మీద ఉంచి గుండ్రంగా, ఒకే మందంలో పూరీలుగా వత్తుకోవాలి.
• నూనె బాగా కాగిన తర్వాత తయారు చేసుకున్న పూరీని వేసి గరిటెతో లైట్​గా ప్రెస్​ చేస్తూ అంటే పూరీ నూనెలో మునిగేలా చేస్తే అన్నివైపులా సమానంగా ఉబ్బుతుంది.
• ఇలా పూరీ ఓ వైపు కాలిన తర్వాత మరోవైపు తిప్పి కాల్చుకోవాలి. ఇలా రెండు వైపులా కాల్చుకున్న తర్వాత టిష్యూ పేపర్​ ఉన్న ప్లేట్​లోకి తీసుకోవాలి.
• మిగిలిన ఉండలను కూడా పూరీలుగా వత్తుకుని నూనెలో కాల్చుకోవాలి.
• ఇలా కాల్చుకున్న వాటిని నచ్చిన కర్రీతో సర్వ్​ చేసుకుంటే సరి. ఎంతో టేస్టీగా ఉండే పూరీలు రెడీ. నచ్చితే మీరూ ట్రై చేయండి.

Soft Hotel Style Poori (ETV Bharat)

చిట్కాలు:

• పిండిని కలపడంలోనే పూరీలు పొంగేది, లేనిది తెలిసిపోతుంది. కాబట్టి వీలైనంత ఎక్కువ సేపు కలుపుకోవాలి.
• పొడి పిండి చల్లుకుంటూ కూడా పూరీలుగా వత్తుకోవచ్చు. కానీ పూరీపై పిండి నిలిచి నూనెలో వేసినప్పుడు కలర్​ మారే అవకాశం ఉంటుంది.
• పూరీని మరీ పల్చగా వత్తుకుంటే మధ్యలో రంధ్రాలు పడి నూనె పీల్చుకుంటుంది. అదే మందంగా చేస్తే లోపల పిండి సరిగ్గా కాలదు. కాబట్టి మీడియం థిక్​నెస్​లో పూరీ అంతా ఒకే సైజ్​ వచ్చేలా రోల్​ చేసుకోవాలి.
• పూరీలను కాల్చుకునేందుకు నూనె బాగా కాగే ఉండాలి. నూనె ఏ మాత్రం కాలకపోయినా పూరీలు నూనె పీల్చుకుంటాయి. అలాగే పూరీలను కాల్చేటప్పుడు కూడా మంటను మీడియం టూ హై ఫ్లేమ్​లోనే పెట్టాలి.

మినప్పప్పుతో "గులాబ్ ​జామున్​" - ఇలా చేస్తే పిండి చక్కగా ఉడికి, జ్యూసీజ్యూసీగా ఉంటాయి!

స్కూల్ నుంచి వచ్చే పిల్లలకు - 5 నిమిషాల్లోనే వేడివేడి "స్నాక్స్​" - సొరకాయ ఉంటే చాలు!