పప్పు నానబెట్టడం, రుబ్బడం అవసరం లేదు - అప్పటికప్పుడు వెంటనే ఇడ్లీ చేసుకోవచ్చు!

- ప్రీ మిక్స్​తో ఎంతో సమయం ఆదా! - కోరుకున్నప్పుడల్లా ఇడ్లీ లాగించేయొచ్చు

Idli PreMix : చాలా ఇళ్లలో ఉదయపు టిఫెన్​గా ఇడ్లీ ఉంటుంది. హెల్త్ కోసం చాలా మంది దీన్ని తింటారు. అయితే, ఇడ్లీ తయారు చేసుకోవాలంటే ఎంత ప్రాసెస్ ఉంటుందో అందరికీ తెలిసిందే. పప్పు నానబెట్టడం నుంచి రుబ్బడం వరకు చాలా పని ఉంటుంది. ఉద్యోగాలు చేసే మహిళలకు ఇంత టైమ్ ఉండదు. దీంతో ఇబ్బంది పడుతుంటారు.

Idli PreMix (ETV Bharat)

ఇలాంటి వాళ్ల కోసం ఓ సూపర్ మెథడ్ తీసుకొచ్చాం. మేం చెప్పిన పద్ధతిలో ఒక్కసారి ఇడ్లీ ప్రీమిక్స్ తయారు చేసుకున్నారంటే చాలు. పప్పు నానబెట్టాల్సిన అవసరం లేదు. ఇంకా రుబ్బాల్సిన పని లేదు. జస్ట్ నీళ్లు పిండిలో నీళ్లు పోసుకంటే సరి. పొద్దున్నే వేడివేడిగా ఇడ్లీ వేసుకోవచ్చు. మరి, దీన్ని ఎలా తయారు చేయాలో ఇప్పుడు చూద్దాం.

Idli PreMix (ETV Bharat)

కావాల్సిన పదార్థాలు :

• 2 కప్పుల ఇడ్లీ రవ్వ
• 1 కప్పు మినపగుండ్లు
• 1 కప్పు అటుకులు
• రుచికి సరిపడా ఉప్పు

తయారీ పద్ధతి :

Idli PreMix (ETV Bharat)

• స్టవ్​పైన పాన్ పెట్టుకొని మినపగుండ్లు వేసి ఫ్రై చేయాలి. సువాసన వచ్చే వరకు వేయించుకోవాలి. స్టౌ లో-ఫ్లేమ్​లో ఉండాలని గుర్తుంచుకోండి.
• వేయించిన తర్వాత ఒక ప్లేట్​లోకి తీసుకొని పక్కన పెట్టుకోండి.
• చల్లారిన తర్వాత మిక్సీ జార్​లో వేసుకొని మెత్తని పొడిలా గ్రైండ్ చేసుకోండి.
• ఈ పిండి చాలా మెత్తగా ఉండాలి. అందుకోసం జల్లించుకోండి. పైన రవ్వలాగా మిగిలితే మళ్లీ మిక్సీ పట్టుకోండి.
• గ్రైండ్ చేసుకున్న మినప పిండిని బౌల్​లోకి తీసుకోండి.
• ఇప్పుడు మిక్సీలో అటుకులు వేసి మెత్తగా గ్రైండ్ చేసుకోవాలి. ఈ అటుకుల పొడిని కూడా మినప పిండిలో కలపండి.
• ఇడ్లీ రవ్వ, ఉప్పు కూడా అందులోవేసి పూర్తిగా కలిసేలా మిక్స్ చేసుకోవాలి. అంతే ఈజీగా ఇడ్లీ ప్రీమిక్స్ రెడీ అయిపోతుంది.
• ఈ పౌడర్​ను గాలి చొరబడని, తడిలేని డబ్బాలో స్టోర్ చేసుకోండి. దాదాపు రెండు నెలలు వరకు నిల్వ ఉంటుంది.
• ఈ ప్రీమిక్స్​లో కావాల్సినంత తీసుకొని అందులో రాత్రి పులియబెట్టుకోవాలి. కొద్దికొద్దిగా నీళ్లు పోస్తూ ఇడ్లీ పిండిలా కలుపుకోవాలి. తర్వాత మూతపెడితే సరి.
• తెల్లవారే సరికి చక్కగా పులిసిపోయి ఇడ్లీ పిండి సిద్ధమైపోతుంది.
• ఉదయాన్నే లేవడం ఇడ్లీలు వేసుకోవడమే. సూపర్ టేస్టీగా ఉంటాయి.

Idli PreMix (ETV Bharat)

అప్పటికప్పుడు కావాలంటే :

• రాత్రి నానబెట్టడం మరిచిపోయినా, లేదంటే ఉన్నట్టుండి ఇడ్లీ తినాలని అనిపించినా, ఈ ప్రీ మిక్స్​తో ఇన్​స్టంట్​ ఇడ్లీలు కూడా తయారు చేసుకోవచ్చు.
• దీనికోసం కావాల్సినంత పిండి తీసుకొని, అందులో కప్పు నీళ్లు, కప్పు పెరుగు, కాస్త వంటసోడా వేసి చక్కగా మిక్స్ చేసుకుంటే సరిపోతుంది.
• ఇడ్లీలు వేసుకొని హాయిగా లాగించేయొచ్చు.
• అయితే రాత్రి పులియబెట్టిన పిండితో ఇడ్లీలు మరింత టేస్టీగా ఉంటాయని గుర్తు పెట్టుకోండి.