ఈ పద్ధతిలో "చింతచిగురు పప్పు" చేసుకోండి - కమ్మగా, భలే రుచికరంగా వస్తుంది!

చింతచిగురుతో ఘుమఘుమలాడే 'పప్పు కర్రీ' - వేడి వేడి అన్నంలో నెయ్యితో తింటే అమృతమే!

Homemade Chintha Chiguru Pappu Recipe : చింతచిగురుతో నార్మల్​గా ఎక్కువ మంది చేసుకునే వాటిల్లో ఒకటి పప్పు. అయితే, ఇది అందరూ చేసుకునేదైనా కొన్నిసార్లు ఎంత బాగా వండినా పర్ఫెక్ట్ టేస్ట్ రావట్లేదని ఫీల్ అవుతుంటారు. అందుకే, ఓసారి ఈ పద్ధతిలో "చింతచిగురు పప్పు" చేసుకొని చూడండి. పుల్ల పుల్లగా, కమ్మగా భలే రుచికరంగా ఉంటుంది. ఈ పప్పు కర్రీని వేడి వేడి అన్నంలో కాస్త నెయ్యి వేసుకొని తింటుంటే కలిగే ఆ ఫీలింగ్ అద్భుతమని చెప్పుకోవచ్చు. తక్కువ పదార్థాలతో ఎక్కువ రుచికరంగా చేసుకునే ఈ పప్పు కర్రీని ఇంటిల్లిపాదీ చాలా బాగా ఎంజాయ్ చేస్తారు. మరి, లేట్ చేయకుండా చింతచిగురు పప్పుని కమ్మగా ఎలా ప్రిపేర్ చేసుకోవాలో ఇప్పుడు చూసేద్దాం.

కావాల్సిన పదార్థాలు :

1. చింతచిగురు - 100 గ్రాములు
2. కందిపప్పు - ఒక కప్పు
3. పచ్చిమిర్చి - 10
4. మీడియం సైజ్ టమాటా - ఒకటి
5. పసుపు - అరటీస్పూన్

Chintha Chiguru (ETV Bharat)

తయారీ విధానం :

• ఈ రెసిపీ కోసం ముందుగా తాజా చింతచిగురుని తీసుకొని కాడలన్నింటినీ తెంపుకోవాలి. లేతగా ఉన్న కాడలు తీసేయాల్సిన అవసరం లేదు. ఆపై దాన్ని ఒక గిన్నెలోకి తీసుకొని శుభ్రంగా కడిగి పక్కనుంచాలి.
• ఇప్పుడు స్టవ్ మీద పాన్​లో కందిపప్పుని తీసుకొని దోరగా వేయించుకోవాలి. ఇలా పప్పుని వేయించుకొని కర్రీ చేసుకోవడం ద్వారా చాలా టేస్టీగా ఉంటుంది.
• కందిపప్పుని ఆవిధంగా వేయించుకున్నాక ఒక వెడల్పాటి గిన్నె​లోకి తీసుకొని ఒకట్రెండు సార్లు శుభ్రంగా కడగాలి. ఆపై అందులో తగినన్ని నీళ్లు(2 నుంచి 3 గ్లాసులు) పోసుకొని శుభ్రంగా కడిగిన పచ్చిమిర్చి, మీడియం సైజ్​ టమాటా ముక్కలు వేసుకొని పప్పు మెత్తగా ఉడికే వరకు కుక్ చేసుకోవాలి.

Chintha Chiguru Pappu (ETV Bharat)

• పప్పు మెత్తగా ఉడికిందనుకున్నాక ఆ మిశ్రమంలో శుభ్రంగా కడిగి పక్కన పెట్టుకున్న చింతచిగురు, పసుపు, కారం, రుచికి తగినంత ఉప్పు వేసుకొని మొత్తం కలిసేలా ఒకసారి బాగా కలుపుకోవాలి.
• ఆ తర్వాత చింతచిగురు కూడా చక్కగా ఉడికేలా కుక్ చేసుకోవాలి. ఇలా ఉడికించుకునే క్రమంలో వాటర్ మొత్తం ఇంకిపోయాయి సరిపోలేదు అనిపిస్తే మరికొద్దిగా నీళ్లను పోసి కలిపి ఉడికించుకోవాలి.
• చింతచిగురుతో మిశ్రమం మొత్తం మంచిగా ఉడికిందనుకున్నాక స్టవ్ ఆఫ్ చేసుకొని పప్పుగుత్తితో మెత్తగా మాష్ చేసుకొని పక్కన పెట్టుకోవాలి. ఇప్పుడు అందులోకి తాలింపుని ప్రిపేర్ చేసుకోవాలి.

Chintha Chiguru Pappu Making (ETV Bharat)

తాలింపు కోసం :

1. నూనె - రెండు టేబుల్​స్పూన్లు
2. పోపు దినుసులు - ఒకటిన్నర టేబుల్​స్పూన్లు
3. వెల్లుల్లి రెబ్బలు - ఐదారు
4. ఎండుమిర్చి - మూడు
5. మీడియం సైజ్ ఉల్లిపాయ - ఒకటి

Chintha Chiguru Pappu in Telugu (ETV Bharat)

• ఇందుకోసం స్టవ్ మీద ఒక గిన్నె పెట్టుకొని నూనె పోసి వేడి చేసుకోవాలి. ఆయిల్ లైట్​గా కాగిన తర్వాత తాలింపు గింజలు(ఆవాలు, జీలకర్ర, మినపప్పు, శనగపప్పు) వేసుకొని ఆవాలు చిటపటమనేవరకు వేయించాలి.
• అవి వేగాక కచ్చాపచ్చాగా దంచుకున్న వెల్లుల్లి రెబ్బలు, ఎండుమిర్చి తుంపలు, మీడియం సైజ్​లో కట్ చేసుకున్న ఉల్లిపాయ ముక్కలు వేసుకొని అవి గోల్డెన్ బ్రౌన్ కలర్​లోకి వచ్చేంత వరకు ఫ్రై చేసుకోవాలి.
• ఆనియన్స్ మంచిగా వేగిన తర్వాత కరివేపాకుని వేసుకొని దాన్ని చక్కగా వేయించుకున్నాక ముందుగా మాష్ చేసి పెట్టుకున్న పప్పుని అందులో వేసుకొని ఒకసారి బాగా కలపాలి.
• ఆ తర్వాత కొద్దిగా వాటర్ యాడ్ చేసుకొని కలిపి మరో రెండు మూడు నిమిషాల పాటు ఉడికించుకొని దింపేసుకుంటే చాలు. అంతే, మంచి ఫ్లేవర్​తో ఘుమఘుమలాడే "చింతచిగురు పప్పు" మీ ముందు ఉంటుంది!

Chintha Chiguru Pappu (ETV Bharat)

ఈ టిప్స్​తో మంచి రుచి :

• కందిపప్పుని వేయించుకునేటప్పుడు మరీ ఎక్కువగా మాడిపోయేలా వేయించకుండా కాస్త రంగు మారి దోరగా వేగితే సరిపోతుంది.
• ఈ రెసిపీలో మీరు తినే కారాన్ని బట్టి తగినన్ని పచ్చిమిర్చిని వేసుకోవాలి. ముఖ్యంగా చింతచిగురు పులుపుకి తగ్గట్లు కారాన్ని అడ్జస్ట్ చేసుకొని వేసుకోవాలి. అప్పుడే పప్పు రుచికరంగా ఉంటుంది.
• పప్పు చక్కగా ఉడికిన తర్వాత మాత్రమే చింతచిగురుని వేసుకొని ఉడికించుకోవాలి.
• ఉల్లిపాయ ముక్కలను పప్పు ఉడికించేటప్పుడు కాకుండా తాలింపులో వేసి వేయించుకోవడం కర్రీ మంచి రుచికరంగా వస్తుంది.